मत्ती 5:3 - ह्योल्‍मो

³ “सेमला प्राङबु येहकेनया़ काहजे सोनाम-साक्‍पु, च्‍यिबेमाना स्‍यिहङगामकी क्‍याहल्‍सी खुङया़दीॱराङ यिहन।

मत्ती 5:3 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 11:6

ङाहगी तेहन्‍दाला थेचुम मेहबेगेन मिह तेहम्‍बाराङ काहजे सोनाम-साक्‍पु।”

मत्ती 13:16

“यिहॱनाङ ख्‍याया़दी काहजे काहवा, ख्‍याया़गी मी़गी थोङगे ओहले नाम्‍ज्‍योगी थे़गे। तेहम्‍बाराङ ङाह ख्‍याया़ला माएँ, ख्‍याया़गी थोङग्‍यो दाङ थे़क्‍योगी दि केच्‍याया़ माहङबुराङ लुहङतेम्‍बा दाङ टाहङबु मिहया़गी ताज्‍ये दाङ ङ्यिहन्‍ज्‍येला ज्‍यिबुराङ सेम पेहती येहकें।

मत्ती 19:14

यिहॱनाङ येशूगी सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना स्‍यिहङगामगी क्‍याहल्‍सीनी दि ल़ेहमुया़गी तेहन्‍दालाराङ यिहम्‍बा।”

मत्ती 24:46

ओहले ताहक्‍पु लो़ह ओहङगेमु ओ़ह योक्‍पुला ओ़ह ल़ेहमुराङ ल़ेह पेह तेहक्‍यो च्‍य़ेह सिहन्‍गेमु खो काहजे सोनाम-साक्‍पु ओहङज्‍ये येह।

मत्ती 25:34

ओहले क्‍याहल्‍बुगी राहङगी योबा ङो़गी मिहया़ला दि ल़ेहमु माज्‍ये येह, ‘ए ङाहगी किन्‍ज्‍यो याहपगी मेलाम थोप्‍क्‍यो मिहया़! ओहङदी जाम्‍बुलीङ छ्या़गे यिहन्‍ज्‍युराङ ख्‍याया़गी तेहन्‍दाला ठाबे पेहती ज़्‍या़क्‍यो क्‍याहल्‍सीला तेह

मत्ती 3:2

“सेमगी स्‍या़बा पेहती तिहक्‍पा पाङदोङ च्‍यिबेमाना किन्‍ज्‍योगी जाम्‍बुलीङला क्‍याहल्‍बु जेकेन्‍गी ती़हजी लेप्‍च्‍ये पेह सिहन्‍दी येह” म़ेदी सुङ ख्‍येप्‍टा क्‍याहप्‍सीन।

मत्ती 8:11

ङाह ख्‍येला माएँ, स्‍यार दाङ नुहपलेगी लेहमेन क्‍यिहपागी मिहया़ माहङबुराङ ओहङज्‍ये येह ओहले अब्राहाम, इसहाक, दाङ याकूब ङ्याम्‍बु स्‍यिहङगामकी क्‍याहल्‍सीकी डेन साहज्‍येला तेहच्‍ये येह।

मर्कूस 10:14

येशूगी दि ज़ी़ नाङदी थुयाल ज़्‍याङ नाङसीन ओहले खुङया़ला सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना किन्‍ज्‍योगी क्‍याहल्‍सीनी दि ल़ेहमुराङ पेहजाया़गी तेहन्‍दाला यिहम्‍बा।

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

लूका 18:14

ङाहगी ख्‍याला माएँ, ओ़ह फरिसी म़ेदी ठाल तुहएँ मिहती किन्‍ज्‍योगी ज़ी़लुला या़हबु थेन्‍सीन ओहले खो खाङबाला लो़ह काहल्‍सीन। च्‍यिबेमाना सुगी राहङगी राहङला छ्यिम्‍बु ज़ोज्‍ये छोल्‍गे खो फेमा ओहङज्‍ये येह ओहले सुगी राहङला फेमा ज़ोएँ खो छ्यिम्‍बु ओहङज्‍ये येह।”

लूका 22:29

ङाहगी याहपगी ङाहला ठिम ताङगेन्‍गी ओङ नाङसीन ओ़ह ल़ेहमुराङ पेहते ङाहगीॱआङ ख्‍याया़ला ओङ तेर्च्‍ये येह।

लूका 22:30

ख्‍या ङाहगी क्‍याहल्‍सीला ङाह ङ्याम्‍बुराङ तेहती साहज्‍ये येह, ओहले ठिला तेहती इस्राएली छाङ च्‍यिङ्यी़ थो़ला ठिम ताङज्‍ये येह” म़ेदी येशूगी सुङ नाङसीन।

लूका 4:18

“चो़वो छ्येवा किन्‍ज्‍योगी थु ङाह ङ्याम्‍बु ज़्‍य़ू नाङदी येह, प्राङबुया़ला या़हबु लेहङगु स्‍येतोङ सुङदी किन्‍ज्‍योगी ङाहला दाम्‍दी ताङ नाङग्‍यो यिहम्‍बा, ताहम्‍दी ज़्‍या़क्‍योया़ला स्‍यी़ तेर्च्‍येला, मी़ मेहथोङगेनया़ला मी़ थोङ च्‍य़ूज्‍येला, नेम्‍दी ज़्‍या़क्‍योया़ला लाहङ च्‍य़ूज्‍येला,

यूहन्‍ना 20:29

ओहले येशूगी खोला सुङ नाङसीन, “थोमा, ख्‍येगीनी ङाहला थोङदी च्‍यी़राङ यिह छ्य़ेसीन यिहॱनाङ ङाहला थोङॱराङ माहथोङबा पेहती यिह छ्य़ेगेया़ काहजे सोनाम-साक्‍पु।”

याकूब 1:10

ओ़ह ल़ेहमुराङ पेहती छ्युक्‍पु मिहया़गीॱआङ राहङ प्राङबु डो कोहएँमु सेम काहसो पेहतोङ च्‍यिबेमाना खोगी क्‍युहनी येहदी डोएँ रिहगी मेहन्‍दो ल़ेहमुराङ यिहम्‍बा।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?

ज्‍याल्‍गा 19:9

दि तिङले स्‍यिहङगामकी स्‍याहप्‍च्‍यीगी ङाहला दि ल़ेहमु सुङ नाङसीन, “दि ताम प्री़हदोङ, ल़ूह स्‍ये़बुकी पा़हमागी डेनला पाहङज्‍येन क्‍याहप्‍क्‍योगी मिहया़ काहजे सोनाम-साक्‍पु!” येहपाराङ ङाहला स्‍यिहङगामकी स्‍याहप्‍च्‍यीगी सुङ नाङसीन, “दि स्‍याहल किन्‍ज्‍योगी सुङ नाङग्‍योकी तेहन्‍दामगी सुङ यिहम्‍बा।”

ज्‍याल्‍गा 22:14

“मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।

ज्‍याल्‍गा 3:17

ङाह छ्युक्‍पु येह, ओहले ङाह ङ्याम्‍बु क्‍युह-नोहर येह, ओहले ङाहला च्‍यि से़हदीॱआङ कोम्‍बु म़ेह म़ेदी ख्‍येगी माएँ, यिहॱनाङ ख्‍ये काहजे थाप-तुहक्‍पा, निङ-च्‍योहवा, प्राङबु, स्‍याहर्ना दाङ च्‍येहन्‍डामु दु। यिहॱनाङ ख्‍येगी छोरॱटाङ मेहछोर दु।