मत्ती 5:20 - ह्योल्‍मो

²⁰ ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”

मत्ती 5:20 ပူးပေါင်းရင်းမြစ်များ

मत्ती 16:12

ओहले का स्‍याहप्‍च्‍यीया़गी ङोह स्‍येसीन, येशूगी खुराकी खमिरलेगी जेम्‍दे तेहतोङ म़ेदी सुङ नाङग्‍यो मिहम्‍बा दुबा, यिहॱनाङ येशूगीनी फरिसी दाङ सदुकीया़गी तेर्केन्‍गी लोप्‍च्‍युङलेगी गा जेम्‍दे तेहतोङ म़ेदी सुङ नाङग्‍यो दुबा।

मत्ती 18:5

ओहले ङाहगी मिहनला दि ल़ेहमु पेहजाला फेप स्‍युहगेन्‍दीगी ङाहलाराङ फेप स्‍युहएँ।”

मत्ती 3:10

ताहन्‍दाॱराङ तारी तोहङबो रिङला क्‍याहप सिहन्‍दी येह। ओ़ह सोङबे सेदो मे़हयाहगेन्‍गी तोहङबो का़ह येहकेन्‍दी तुप्‍ती मेहला क्‍युर्च्‍ये येह।

मत्ती 7:21

“ओहले ङाहला, ‘ओ़ चो़वो, ओ़ चो़वो’ माएँगी मिहया़ थाम्‍ज्‍यीराङ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह, स्‍यिहङगामला ज़्‍य़ू नाङगेन्‍गी याहपकी थु ङ्ये़हएँगी ल़ेह पेहकेनया़ च्‍यी़राङ स्‍य़ूह ङ्युहङज्‍ये येह।

मर्कूस 10:15

तेहम्‍बाराङ ङाह ख्‍याला माएँ, किन्‍ज्‍योगी क्‍याहल्‍सीला फेमा पेहजाया़गी ल़ेहमुराङ पेहती ख़े-माहलेहन थु सुॱआङ ओ़ह नाहङला स्‍य़ूह ङ्युहङज्‍ये म़ेह।”

मर्कूस 10:25

मिह छ्युक्‍पुला किन्‍ज्‍योगी क्‍याहल्‍सी नाहङला स्‍य़ूहगे म़ेदीनी ङाबुङला खापगी मी़-ओङ नाहङला स्‍य़ूहज्‍येला का तेहमु ओहङडो।”

लूका 11:44

ख्‍याया़ला काहजे छा़ तुहवा! च्‍यिबेमाना ख्‍यानी मिहया़गी थोङॱराङ मेहथोङगेन्‍गी तुहर्सा ल़ेहमु यिहम्‍बा, क्‍यी़ह माहन्‍ज्‍योर्पा सोङबे मिहया़ ओ़ह थो़लेराङ डोएँ!”

लूका 12:1

मिहया़ तोङरा च्‍यी़ म़ेदीॱआङ माहङबु जोम्‍ग्‍यो सोङबे च्‍यी़गी च्‍यी़ला च्‍येप्‍ती-च्‍येप्‍ती ओहङसीन। ओ़ह ती़हजीला येशूगी तोहङले राहङगी स्‍याहप्‍च्‍यीया़ला सुङ नाङसीन, “ख्‍याया़ फरिसीया़गी खमिर ङो़ले जेम्‍दी तेहतोङ! दि माएँगी तेहन्‍दादी, पेहचीन तेन्‍गे फरिसीया़ ङ्याम्‍बु ख्‍या जेम्‍दी तेहतोङ म़ेदी माज्‍ये छोल्‍ग्‍यो यिहम्‍बा।

लूका 18:17

तेहम्‍बाराङ ङाहगी ख्‍याला माएँ, किन्‍ज्‍योगी क्‍याहल्‍सीला पेहजाया़गी ल़ेहमु पेहती लोक माहबे थु सुॱआङ ओ़ह नाहङला स्‍य़ूह ङ्युहङज्‍ये म़ेह।”

२ कोरिन्‍थी 3:9

च्‍यिबेमाना मिहला क्‍येन ताएँगी छ्य़े-ठिम ज़िज्‍यिद छ्यिम्‍बु येहकें मासीमाना, मिहला टाहङबु सी़ह च्‍य़ूगेन्‍गी ताहम्‍ज्‍यानी तोहरोङ ज़िज्‍यिद छ्यिम्‍बु ओहङगे।

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

फिलिप्‍पी 3:9

ओहले ङाह मिहरो ल़ेहमुराङ काहल्‍ग्‍यो थोङज्‍यु। छ्य़े-ठिम ची़दे किन्‍ज्‍योकी दिनला ठाबे सी़हगेन ङाह राहङदीराङ टाहङदेन मिहन। यिहॱनाङ ता़ह किन्‍ज्‍योगीॱराङ ङाहला मास्‍यीकाला तेहपा नाङग्‍यो सोङबे ठाबे सी़ह च्‍य़ू नाङगे। दि टाहङदेन तेहपाला छ्या़दी येहबा।

हिब्रू 12:14

मिह थाम्‍ज्‍यी ङ्याम्‍बु थिन्‍दी तेहच्‍येला ओहले नाम्‍पार-ताहक्‍पा मिहजी ताङज्‍येला स्‍युक पेहतोङ च्‍यिबेमाना नाम्‍पार-ताहक्‍पा माहकाहल थु सुगीॱआङ चो़वोला थोङ मी़हखुएँ,

ज्‍याल्‍गा 21:27

ल़ूह स्‍ये़बुकी मिहलीकी छ्य़ेला मिहन प्रुहक्‍योया़ च्‍यी़राङ ओ़ह क्‍याहसा नाहङला स्‍य़ूह ङ्युहङज्‍ये येह। मेहचाङा से़हया़, ङोहजागी ल़ेह पेहकेनया़ ओहले चिहन क्‍याहप च्‍य़ूगेनया़ ओ़ह नाहङला स्‍य़ूह ङ्युहङज्‍ये म़ेह।