मत्ती 5:19 - ह्योल्‍मो

¹⁹ छ्य़े-ठिमगी फेमा म़ेदी फेमा काया़ गोम्‍गेन दाङ गोम्‍ज्‍येला लोप्‍केन मिह स्‍यिहङगामकी क्‍याहल्‍सीला थाम्‍ज्‍यी म़ेदी फेमा ओहङज्‍ये येह। यिहॱनाङ छ्य़े-ठिमला राहङॱआङ ची़एँ ओहले लेहमेनॱलाङ ची़नाङ डुप च्‍य़ूएँदी स्‍यिहङगामकी क्‍याहल्‍सीला थाम्‍ज्‍यी म़ेदी छ्यिम्‍बु ओहङज्‍ये येह।

मत्ती 5:19 ပူးပေါင်းရင်းမြစ်များ

मत्ती 11:11

तेहम्‍बाराङ ङाह ख्‍याया़ला माएँ, बप्‍तिस्‍मा तेर्केन यूहन्‍ना म़ेदी छ्यिम्‍बु मिह क्‍ये़दी म़ेह। यिहॱनाङ किन्‍ज्‍योगी क्‍याहल्‍सीला का़हन्‍दी थाम्‍ज्‍यी म़ेदी फेमा येहबा, खो यूहन्‍ना म़ेदीॱआङ छ्यिम्‍बु ओहङगे।

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

मत्ती 20:26

यिहॱनाङ ख्‍याया़गी पाहरक्‍यीला दि ल़ेहमु ओहङज्‍ये म़ेह, यिहॱनाङ का़हन्‍दीगी ख्‍याया़गी पाहरक्‍यीला छ्यिम्‍बु डोज्‍ये सेम पेहकें खोगी ख्‍याया़ला स्‍याहप्‍तो स्‍युह कोहएँ।

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

लूका 1:15

च्‍यिबेमाना खो चो़वो छ्येवागी ज़ी़लुला चा़ छ्यिम्‍बु मिह ओहङज्‍ये येह। खोगी कुहन्‍डुमकी-निङगु दाङ राहङसा ज़िगे से़हया़ च्‍यिॱआङ थुङज्‍ये म़ेह, ओहले राहङगी आमागी फोवा यिहन्‍ज्‍युराङ खो नाम्‍पार-ताहक्‍पा थुगी काहङज्‍ये येह।

लूका 11:42

“ख्‍या फरिसीया़ काहजे छा़ तुहवा! ख्‍यागी तुहम्राला या़हएँगी पादीना दाङ मेना-मेन्‍ज्‍युया़ ङो़ले बो च्‍युला बो च्‍यी़ किन्‍ज्‍योला फुल्‍ज्‍येनी फुल्‍गु दु, यिहॱनाङ ठिम दाङ किन्‍ज्‍योला चेवा पेहके केच्‍यालादी च्‍योल्‍दोराङ मेहतेन दु। ङाहगी माज्‍ये छोल्‍ग्‍यो तामदी तोहङमागी ल़ेहया़ माहबे म़ेदी माक्‍यो मिहम्‍बा, ओ़ह ल़ेहया़ ङ्याम्‍बु-ङ्याम्‍बुराङ दि ल़ेहॱया़ङ पेहतोङ म़ेदी माक्‍यो यिहम्‍बा।”

लूका 9:48

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

ल़ेह-पेन 1:1

थियोफिलस लाह, येशूगी जे नाङग्‍यो दाङ लोप्‍च्‍ये छ़ूज्‍ये जेक्‍योगी थाम्‍ज्‍यीराङ तामया़गी तेहन्‍दाला ङाहगी राहङला ताङग्‍योगी तोहङमागी छ्य़ेला प्रुह सिहन्‍दी येह।

रोमी 3:8

ओ़हठी यिहन्‍सीमाना, या़हबु ओहङज्‍यु म़ेदी ल़ेह चोक्‍पाराङ च्‍यिबे मेहबेच्‍ये ले? लाहला मिहया़गी ङ्यिहगी ओ़हठीॱराङ माएँ म़ेदी ङ्यिहला ताम च्‍येहती फातुर च़ूएँ। दि ल़ेहमु फातुर च़ूएँ मिहला ओ़हला ते़बेगी ङ्य़ेहबा फो़ज्‍ये येह।

रोमी 6:1

ओ़हठी यिहन्‍सीमानानी ता़ह ओहराङगी च्‍यि माज्‍ये ले? किन्‍ज्‍योगी ओहराङला काटीन बोल्‍बु जेती नाङगे म़ेदीनी च्‍यि ओहराङ तोहरोङ तिहक्‍पा पेहती तेहच्‍ये ले?

रोमी 6:15

ता़ह च्‍यि ले? च्‍यि ओहराङ छ्य़े-ठिमकी ओङ चो़ला म़ेहबा, यिहॱनाङ काटीनकी ओङ चो़ला येहबा म़ेदीनी तिहक्‍पा पेहच्‍ये ले? ओ़ह ल़ेहमु मिहम्‍बा।

१ तिमोथी 6:11

यिहॱनाङ ख्‍ये किन्‍ज्‍योकी मिह यिहन्‍गे सोङबे दि थाम्‍ज्‍यी चोक्‍पा तामया़ ङो़ले था़-रिहङबुराङ तेह, ओहले ख्‍येगी राहङगी टाहङदेनला किन्‍ज्‍योला क्‍याप्‍च्‍येला, यिह-छ्य़ेला, चेवाला, थिक-चि पेहती तेहच्‍येला ओहले राहङला ङ्येम्‍बु ज़ोएँगी से़हया़ थो़ला राहङगी सेम ताङदोङ।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

१ पत्रुस 5:4

ओहले ल़ूहकी ताहक्‍पु ङोहदोराङ थेन फेप्‍केमु ख्‍याया़गी नाहमॱआङ याहल्‍दी मेहन्‍डोएँगी ज़िज्‍यिदकी पेस्‍यो ज्‍योर्च्‍ये येह।

१ यूहन्‍ना 3:4

तिहक्‍पा पेहकेनया़गी छ्य़े-ठिम गोम्‍गे। च्‍यिबेमाना छ्य़े-ठिम मी़हचीगेन्‍दीराङ तिहक्‍पा यिहम्‍बा।

ज्‍याल्‍गा 2:20

यिहॱनाङ ख्‍येला टाह पेहते ङाहगी ताम च्‍यी़नी माॱराङ कोहएँ, ओ़ह ईजेबेल माएँ पी़हमीला ख्‍येगी ग्‍या़ तेर्ती येह। मोहगी ङाह लुहङतेम्‍बा यिहन म़ेदी माएँ ओहले ङाहला स्‍याहप्‍तो स्‍युहएँगी मिहया़ला गो़ कोर च्‍य़ूदी छ्येउ-छ्येंमु पेहच्‍येला ओहले कुया़ला छ्येपा फुल्‍ग्‍योगी से़हया़ साहज्‍येला लोप्‍कें।