मत्ती 5:1 - ह्योल्‍मो

¹ मिह मिह-माहङ ओहङगेन ज़ी़ फान्‍ज्‍यो येशू काहङ च्‍यी़ला फेप्‍ती ज़्‍य़ू नाङसीन ओहले स्‍याहप्‍च्‍यीया़ॱआङ ओहङदी येशूगी साहर-सुहरला तेहसीन।

मत्ती 5:1 ပူးပေါင်းရင်းမြစ်များ

मत्ती 13:2

ओहले येशूगी कोर-क्‍यिहलेॱराङ मिह माहङबुराङ जोम ओहङग्‍यो सोङबे येशू टुह-छ्युङ च्‍यी़ला जा़दी ज़्‍य़ू नाङसीन। मिह मिह-माहङया़दी छोगी सुहरलाॱराङ लाहङदी तेहसीन।

मत्ती 15:29

येशू ओ़ह ग्‍या़ क्‍युर ज़्‍या़दी गालील छो-क्‍याहम्‍जोगी सुहरता सुहर जेती काहङदो च्‍यी़ला फेप्‍ते ज़्‍य़ू नाङसीन।

मत्ती 4:25

ओहले गालील, डेकापोलिस, यरूशलेम, यहूदीया दाङ यर्दन चाङबुगी फार्केन यिहन्‍ज्‍युगी मिह-माहङ छ्यिम्‍बुज्‍यी येशूगी तिङ ङ्यादी ओहङसीन।

मत्ती 5:2

ओहले येशूगी खुङया़ला दि ल़ेहमु सुङदी सुङ ख्‍येप्‍टा नाङसीन–

मर्कूस 3:13

ओहले येशू काहङदो च्‍यी़ला जा़ नाङसीन ओहले राहङला कोहएँ-चे स्‍याहप्‍च्‍यीया़ला क़े क्‍याहप नाङसीन। ओहले खुङया़ येशूसाला ओहङसीन।

मर्कूस 3:20

ओ़ह तिङले येशू येहपाराङ खाङबा च्‍यी़ला फेप नाङसीन। येहपाराङ मिह मिह-माहङया़ जोम ओहङसीन, मिह ज्‍यिबुराङ माहङबु येहकें सोङबे येशू दाङ येशूगी स्‍याहप्‍च्‍यीया़गी सोल छ्ये-लुङ च्‍यिॱआङ माहयोहङ।

मर्कूस 4:1

येशूगी येहपाराङ गालील छोगी सुहरला सुङदेन नाङज्‍ये छ़ूसीन। येशूगी ति-खिरे मिह मिह-माहङ जोम्‍दी येहकें सुङगोराङ येशू टुह-छ्युङ च्‍यी़ला जा़दी छोगी सुहरले फाच्‍चीला फार फेप्‍ती ज़्‍य़ू नाङसीन। ओहले मिहया़दी छोगी सुहरलाॱराङ तेहसीन।

लूका 6:12

ङ्यिहमा च्‍यी़ येशू काहङ च्‍यी़ला फेप्‍ते नुहप काहङ किन्‍ज्‍योला सोल्‍वाङ ताप्‍ते ज़्‍य़ू नाङसीन।

लूका 6:17

ओहले येशू ल़ेह-पेनया़ ङ्याम्‍बु काहङदोलेगी माहर फाप्‍ती थाङगा च्‍यी़ला लेप नाङसीन। ओहजेला ओ़हला स्‍याहप्‍च्‍यी माहङबुराङ जोम्‍दी तेहती येहकें, ओहले यहूदीया साने़की मिह, यरूशलेम क्‍याहसाकी मिह, छो-क्‍याहम्‍जोकी सुहरला येहकेन टुरोस दाङ सीदोन क्‍याहसाकी मिहॱआङ माहङबुराङ जोम्‍दी येहकें।

लूका 6:20

ओहले येशूगी राहङगी स्‍याहप्‍च्‍यीया़ ङो़ले ज़ी़दी सुङ नाङसीन, “ए प्राङबुया़, ख्‍याया़ काहजे सोनाम-साक्‍पु, च्‍यिबेमाना किन्‍ज्‍योगी क्‍याहल्‍सी ख्‍याया़दीराङ यिहन।

लूका 9:28

दि स्‍याहल सुङदी स्‍याहक्‍पु क्‍ये़हचे तिङले येशूगी पत्रुस, यूहन्‍ना दाङ याकूबला नोम्‍दे सोल्‍वाङ ताप्‍च्‍येला काहङ च्‍यी़ला फेप नाङसीन।

यूहन्‍ना 6:15

मिहया़ ओहङदी राहङला ज्‍यिबुराङ उर्चु पेहती क्‍याहल्‍बु ज़ोज्‍ये छोल्‍गेराङ येह माएँ ताम येशूगी थु ङ्ये फान्‍ज्‍यो येशू येहपाराङ राहङ च्‍यी़राङ काहङ ङो़ले फेप नाङसीन।