मत्ती 4:3 - ह्योल्मो3 ओहजेला ती़ह गो-छ्येवा येशूसाला ओहङदी, “तेहम्बाराङ राहङ किन्ज्योगी स़ेबु यिहन्सीमानानी दि तोहया़ला खुरा डोज्यु म़ेदी सुङ नाङदोङ ले!” म़ेदी मासीन। အခန်းကိုကြည့်ပါ။ |
ओहले स्यिहङगामकी स्याहप्च्यीगी मोहला ल़ेहन क्याहप्ती सुङ नाङसीन, “नाम्पार-ताहक्पा थु ख्येसाला फेप नाङज्ये येह, ओहले चा़ छ्यिम्बु किन्ज्योगी ओङगी टिहप्सा ख्ये थो़ला ज़्य़ू नाङज्ये येह। ओ़ह सोङबे ठुङ नाङगे स़ेबु नाम्पार-ताहक्पा ओहङज्ये येह ओहले ओ़ह स़ेबुला किन्ज्योगी स़ेबु म़ेदी माज्ये येह।
मिह माहङबुलेगीराङ ल्हेन्डीया़ थेन्दी डोएँमु, “राहङ किन्ज्योगी स़ेबु यिहम्बा!” म़ेदी क़े तेन्सीन। ओहले येशूगी ओ़ह ल्हेन्डीया़ला काप्क्येन नाङदी तामॱराङ मा च्य़ू माहनाङ, च्यिबे मासीमाना येशू किन्ज्योगी ताङ नाङग्योगी थार्पा थोप च्य़ू नाङगेन मास्यीका यिहन म़ेदी ओ़ह ल्हेन्डीया़गी ङोह स्ये़उ येहकें।
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ता़ह ख्या थो़ला तुहक्पु बाप ओहङज्ये पेहती येह ओ़ह यिहन्ज्यु मा़हन्ज्यी। ती़ह गो-छ्येवागी ख्या नाहङला लाहलाला ङ्याहम च्येच्ये म़ेदी चोन-खाङला लू़ज्ये पेहती येह, ओहले ख्याला ङ्यिहमा च्यु थु च्यी़राङ तुहक्पु ओहङज्ये येह। स्यि कोहॱनाङ ङाहलेगी तेहपा मा़हलोह, ओहले क्याहल्दी ज्योर्केन्की च्याहगा था़ म़ेहबा मिहली ज़ाङबु ङाह ख्येला तेर्के।