मत्ती 4:24 - ह्योल्‍मो

²⁴ ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मत्ती 4:24 ပူးပေါင်းရင်းမြစ်များ

मत्ती 12:22

ओहले मिहया़गी ल्‍हेन्‍डी स्‍य़ूहक्‍यो मिह च्‍यी़ला येशूसाला ख्‍योङसीन खो मी़ मेहथोङ येहकें ओहले खो तामॱआङ मा मी़हखुएँ येहकें। ओहले येशूगी खोला टा़ह च्‍य़ू नाङ फान्‍ज्‍यो खोगी मी़ थोङगेन दाङ ताम मा ख़ूएँ काहल्‍सीन।

मत्ती 14:1

ओहजे काहङला गालील साने़ला क्‍याहल्‍बु पेहकेन हेरोदगी येशूगी तेहन्‍दाला थ़ेसीन ओहले खोगी राहङगी स्‍याहप्‍तो स्‍युहएँ मिहया़ला मासीन,

मत्ती 15:22

ओ़ह ग्‍या़गी पी़हमी च्‍यी़ ओहङदी क़े तेन्‍दी मासीन, “ओ़ चो़वो, दाऊदकी स़ेबु ङाहला निङज्‍यी जे नाङदोङ! ङाहगी पोहमोला ल्‍हेन्‍डीगी ज्‍यिबुराङ तुहक्‍पु तेर्ते येह।”

मत्ती 17:15

“ओ़ चो़वो, ङाहगी पुहला निङज्‍यी जे नाङदोङ! ज़ा नाहजा क्‍याहप्‍क्‍यो सोङबे खोगी ज्‍यिबुराङ तुहक्‍पु ङ्युहङदी येहबा। ओहले खो याहम्‍बी याहम्‍बीलाॱराङ नाहम मेहला छ्यिकें नाहम छ्युला छ्यिकें

मत्ती 17:18

ओहले येशूगी ओ़ह ल्‍हेन्‍डीला काप्‍क्‍येन नाङदी ङ्ये नाङसीन ओहले ओ़ह स्‍यारा लाहम्‍साङराङ टा़हसीन।

मत्ती 4:23

ओहले येशूगी खुङया़गी छो़खाङया़ला लोप्‍केॱराङ, किन्‍ज्‍योगी क्‍याहल्‍सीगी तेहन्‍दाला लेहङगु या़हबुया़ स्‍येकेराङ, ओहले मिहया़ला क्‍याहप्‍क्‍योगी नमे-नाजो नाहजाया़ दाङ ज़ुबुगी ने़-क्‍यालया़ला टा़ह च्‍य़ू नाङदी गालील साने़ काहङ्येॱराङ कोरा क्‍याहप नाङसीन।

मत्ती 8:28

ओहले येशू छोगी फार्केन देपकी गदरिनीया़गी लुहङबाला लेप नाङगेमु ल्‍हेन्‍डी स्‍य़ूहक्‍योगी मिह ङ्यी़ तुहर्साले ओहङगेॱराङ पेहकेमु येशूला थ़ूसीन। खुङ ङ्यी़ ज्‍यिबुराङ ज्‍यी़ज्‍ये ल़ेहमु येहकें सोङबे ओ़ह लाहमलेगी पेहती सुॱआङ फार छुर मेहबेएँ येहकें।

मत्ती 8:33

फा़ छो़एँ कोहरोवाया़ प्रे़हदी क्‍याहसाला फार काहल्‍सीन। ओहले क्‍याहसाला लेप्‍ती खुङगी थाम्‍ज्‍यीराङ ताम दाङ ल्‍हेन्‍डी स्‍य़ूहक्‍योगी ओ़ह मिह ङ्यी़ काहन्‍डुमु पेहती टा़हबा माएँ ताम स्‍ये तेर्सीन।

मत्ती 8:6

“ओ़ चो़वो छ्येवा, ङाहगी योक्‍पु ज़ुबु कुहल मी़हखुएँगी नाहजा क्‍याहप्‍ती खाङबाला ङ्याहल्‍साला छ्यिती येहबा।”

मत्ती 9:26

ओ़ह तिङले ओ़ह केच्‍या लुहङबा काहने थेतेराङ टाहम्‍सीन।

मत्ती 9:35

येशू क्‍याहसा क्‍याहसा दाङ युहल युहलगी छो़खाङया़ला सुङदेन ख्‍येप्‍टा नाङगेनॱराङ किन्‍ज्‍योगी क्‍याहल्‍सीकी तेहन्‍दाला या़हबु लेहङगुगी केच्‍याया़ स्‍ये नाङसीन, ओहले मिहया़दी नामे-नाजो नाहजाया़ दाङ नेहपाया़ला टा़ह-च्‍यू़ नाङसीन।

मर्कूस 1:28

ओहले याहम्‍बीज्‍यीलाराङ येशूगी जे नाङग्‍योगी छ्या़लेगी केच्‍याया़ गालील दे-खामगी छ्यो़ ज़्‍यिलाराङ फेल्‍सीन।

मर्कूस 1:32

ओ़ह कुहङॱसे ङ्यिहमा डुप फान्‍ज्‍यो मिहया़गी नेहपाया़ दाङ ल्‍हेन्‍डी स्‍य़ूहक्‍योगी मिह थाम्‍ज्‍यीला येशूसाला ख्‍योङसीन।

मर्कूस 2:3

ओहले ओ़ह ती़हजीलाराङ मेहन्‍दा ज़्‍यिगी ओङबु स्‍योरक्‍यो मिह च्‍यी़ला खुर्ती ओ़हला लेप्‍सीन।

मर्कूस 2:4

मिह मिह-माहङगी पेहती खुङया़गी नेहपाला येशूगी कुम्‍देनला ख्‍येर मा़हखु। ओ़ह सोङबे खुङया़गी येशू ज़्‍य़ू नाङग्‍योगी थेका सिरे खाङबा थो़गी आर्पा लो़दी ओ़ह नेहपाला तेङगो छ्याप्‍क्‍याङराङ माहर चो़ला पाप्‍सीन।

मर्कूस 2:9

दि नेहपाला ‘ख्‍येगी तिहक्‍पाया़ ता़हसीन’ म़ेदी माज्‍ये दाङ ‘ख्‍येगी तेङगो खुर्ते सोङ’ म़ेदी माज्‍येला का़हन्‍दी तेहमु ओहङडो, म़ेदोङ ले?

लूका 2:2

दि रोहवा पेहती मिह टाहङजी ज़्‍या़ च्‍य़ूक्‍योदी कुरेनियस सिरिया क्‍याहल-खापदी स्‍युहङ-पेन छ्यिम्‍बु येहकेमु तोहङस्‍यो पा़लो पेहक्‍यो यिहन्‍गे।

लूका 4:14

ओहले येशू नाम्‍पार-ताहक्‍पा थुगी ओङ ज्‍योर्ती गालीलला लो़ह फेप नाङसीन। ओहले येशूगी तेहन्‍दाला साहर-सुहरकी थाम्‍ज्‍यीराङ दे-खामया़ला फेल्‍सीन।

लूका 4:38

छो़खाङलेगी थेन्‍दी येशू सिमोन-पत्रुसकी खाङबाला फेप नाङसीन। ओहले सिमोन-पत्रुसकी क्‍यू़हमु छावा माहङबुराङ क्‍ये़दी ङ्याहल्‍साला छ्यिती येहकें। ओहले खाङबागी मिहया़गी, “मोहला टा़ह च्‍य़ू नाङदोङ ला़ह” म़ेदी स्‍युहसीन।

लूका 5:15

ओ़ह यिहन्‍ज्‍यु येशूगी जे नाङग्‍योकी छ्या़लेगी केच्‍याया़ तोहरोङ टाहम्‍दी काहल्‍सीन। ओहले मिह माहङबुराङ येशूगी सुङदेन ङ्यिहन्‍ज्‍ये दाङ नाहजाया़ टा़ह च्‍य़ूज्‍येला येशूसाला ओहङसीन।

लूका 5:24

त़ेदोङ, ङाह मिहगी स़ेबुला दि जाम्‍बुलीङला मिहया़गी तिहक्‍पा ता़ह च्‍य़ूएँगी ओङ येह म़ेदी ङाह ख्‍याला दास्‍यी तेर्के” म़ेदी येशूगी सुङ नाङसीन। ओहले येशूगी ओ़ह नेहपाला सुङ नाङसीन, “ता़ह ख्‍ये लाहङदोङ ओहले राहङगी तेङगो खुर्ती खाङबाला सोङ।”

लूका 7:17

ओहले येशूगी ओ़ह स्‍यारा पेहजाला थार च्‍य़ू नाङग्‍योगी केच्‍या यहूदीया साने़ दाङ ओ़ह साहर-सुहरला येहकेन लुहङबाया़लाॱआङ फेल्‍सीन।

यूहन्‍ना 10:21

यिहॱनाङ लेहमेनया़गी मासीन, “ल्‍हेन्‍डी स्‍य़ूहक्‍यो मिहगीनी दि ल़ेहमु ताम मेहमाएँ। च्‍यि ल्‍हेन्‍डी स्‍युहक्‍यो मिहगीॱआङ मी़ मेहथोङगेन मिहला थोङ च्‍य़ू ख़ूएँ ले?”

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 15:23

ओहले छेन्‍छोककी थाम्‍ज्‍यीराङ मिहया़गी खुङया़ला दि ल़ेहमु यिहगी च्‍यी़ प्री़हदी ताङ चाहङसीन– “एन्‍टिओखिया, सिरिया दाङ किलिकिया साने़या़ला तेहकेन्‍गी लेहमेन क्‍यिहपागी किन्‍ज्‍योला यिह-छ्य़े पेहक्‍यो आदा-नो़हया़ दाङ आज्‍यी-नुहमुया़, ल़ेह-पेनया़ दाङ एल्‍डरया़ थाम्‍ज्‍यीलाराङ टास्‍यी-देले।

ल़ेह-पेन 15:41

ओहले खुङया़गी छेन्‍छोकया़ला आ़र क्‍ये च्‍य़ूएँराङ खुङ ङ्यी़ सिरिया दाङ किलिकिया साने़लेगी पेहती काहल्‍सीन।

ल़ेह-पेन 28:9

दि ल़ेहमु पेहती टा़हक्‍यो क्‍यी़ह ज्‍योर फान्‍ज्‍यो ओ़ह छोलिङला नेहपा येहकें मिह थाम्‍ज्‍यी पावलसाला ओहङसीन ओहले पावलगी खुङ थाम्‍ज्‍यीला टा़ह च्‍य़ूसीन।

ल़ेह-पेन 8:7

च्‍यिबेमाना मिह माहङबुलेगी मेहचाङा नाम्‍स्‍यीया़ क़े तेन्‍दी काहल्‍सीन ओहले ज़ुबु कुहल मी़हखुएँ दाङ काङबा कुच्‍या मिहया़ माहङबुराङ टा़हसीन।