मत्ती 4:12 - ह्योल्‍मो

¹² यूहन्‍ना चोन-खाङला छ्यिसीन दु माएँ ताम थे़दी येशू गालील ङो़ले फेप नाङसीन।

मत्ती 4:12 ပူးပေါင်းရင်းမြစ်များ

मत्ती 11:2

बप्‍तिस्‍मा तेर्केन यूहन्‍ना चोन-खाङला येहकेंमु मास्‍यीकागी जे नाङग्‍योगी छ्या़लेया़गी तेहन्‍दाला थ़ेसीन। ओहले यूहन्‍नागी राहङगी स्‍याहप्‍च्‍यीया़ला दि ताम टी़हज्‍येला येशूसाला ताङसीन।

मत्ती 14:3

तोहङले राहङगी नो़ह फिलिपकी पी़हमी हेरोदियासगी पेहती हेरोदकी यूहन्‍नाला ताहम्‍दी चोन-खाङला लू़क्‍यो येहकें,

मर्कूस 1:14

यूहन्‍ना चोन-खाङला छ्यि फान्‍ज्‍यो येशूगी गालीलला फेप्‍ती किन्‍ज्‍योगी या़हबु लेहङगुगी केच्‍याया़ स्‍येच्‍ये छ़ू नाङसीन।

मर्कूस 6:17

ओ़ह म़ेदी तोहङले हेरोदगी यूहन्‍नाला ज़ुङ च्‍य़ूदी ताहम्‍दी चोन-खाङला लू़क्‍यो येहकें च्‍यिबेमाना हेरोदगी राहङदीराङ नो़ह फिलिपकी पी़हमी हेरोदियासला ख्‍योङदी ज़्‍या़क्‍यो येहकें।

लूका 23:5

यिहॱनाङ खुङया़गी क़े तेन्‍दी मासीन, “दि मिहगी गालील साने़लेगी छ़ूदी थाम्‍ज्‍यीराङ यहूदीया ओहले दि ग्‍या़ थु खोगी लोप्‍च्‍युङया़ तेर्ती मिहया़ला गो़ कोर च्‍य़ूएँराङ येहबा।”

लूका 3:20

ओ़ह सोङबे हेरोदगी यूहन्‍नाला चोन-खाङला लू़सीन। ओहले चोक्‍पा ल़ेह थो़ला लेहमेन ल़ेह चोक्‍पा पेहती तोहरोङॱआङ तिहक्‍पा पेहसीन।

लूका 4:14

ओहले येशू नाम्‍पार-ताहक्‍पा थुगी ओङ ज्‍योर्ती गालीलला लो़ह फेप नाङसीन। ओहले येशूगी तेहन्‍दाला साहर-सुहरकी थाम्‍ज्‍यीराङ दे-खामया़ला फेल्‍सीन।

लूका 4:31

ओ़ह तिङले येशू गालील साने़की कफर्नहुम माएँ क्‍याहसाला फेप नाङसीन। नाम्‍पार-ताहक्‍पा थाङ सोएँ ङ्यिहमु मिहरोगी मिहया़ला सुङदेन नाङगो येहकें।

यूहन्‍ना 1:43

नाहङबार च्‍युङ येशू गालील साने़ला फेप्‍च्‍ये म़ेदी थेन फेप्‍सीन। ओहले येशूगी फिलिपला थु नाङसीन ओहले सुङ नाङसीन, “ख्‍ये ङाहगी तिङदा तिङ स्‍यो।”

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 3:24

ओ़ह ती़हजी थु यूहन्‍ना चोन-खाङला छ्यिती म़ेहबा येहकें।

यूहन्‍ना 4:43

ङ्यिहमा ङ्यी़ तिङले येशू ओ़ह ग्‍या़ले थेन्‍दी गालीलला फेप नाङसीन।

यूहन्‍ना 4:54

यहूदीया लुहङबाले गालीलला फेप्‍ती येशूगी जे नाङग्‍योकी दि याहम्‍जेन छ्येवागी छ्या़ले ताक्‍छेन ङ्यिपा यिहन्‍गे।