मत्ती 4:10 - ह्योल्‍मो

¹⁰ ओहजेला येशूगी सुङ नाङसीन, “ए ती़ह गो-छ्येवा, दिलेगी सोङ! च्‍यिबेमाना सुङरापला दि ल़ेहमु प्री़हदी येहबा– ‘ख्‍येगी चो़वो छ्येवा राहङगी किन्‍ज्‍यो च्‍यी़लाॱराङ ज्‍याल्‍दोङ, ओहले किन्‍ज्‍यो च्‍यी़मे च्‍यी़लाॱराङ स्‍याहप्‍तो डुप्‍तोङ’!”

मत्ती 4:10 ပူးပေါင်းရင်းမြစ်များ

मत्ती 16:23

येशूगी पत्रुस ङो़ले लो़हदी सुङ नाङसीन, “ए ती़ह गो-छ्येवा, ङाहगी दिनले थेन्‍दी सोङ। ख्‍ये ङाहगी लाहमला नार्तो क्‍याहप्‍केन तोह ज़्‍या़ज्‍ये छोल्‍गे! ख्‍येगी दि साम्‍लु किन्‍ज्‍योलेगी मिहम्‍बा, यिहॱनाङ मिह ङो़लेगी ओहङग्‍यो यिहम्‍बा।”

मर्कूस 1:13

ओ़हला ती़ह गो-छ्येवागी येशूला ङ्यिहमा ज़्‍यिप्‍च्‍यु थु छेता पेहसीन। येशू ओ़हला रिहदाया़ ङ्याम्‍बुराङ ज़्‍य़ू नाङसीन, ओहले स्‍यिहङगामगी स्‍याहप्‍च्‍यीया़ फेप्‍ती येशूला स्‍याहप्‍तो स्‍युहसीन।

लूका 10:18

ओहले येशूगी सुङ नाङसीन, “ङाहगी ती़ह गो-छ्येवाला नामले माहर चिलाम ल़ेहमु पेहती ताहप्‍केन थोङसीन।

लूका 11:18

का़हलेॱआङ ल्‍हेन्‍डीया़गी क्‍याहल्‍बु राहङ नाहङदोङराङ ठ़ूस्‍यी पेहसीमाना नि खोगी क्‍याहल्‍सी काहन्‍डुमु पेहती छ्या़ ख़ूएँ ले? ख्‍याया़गी ङाहला, ‘ल्‍हेन्‍डीया़गी क्‍याहल्‍बु बालजिबुलदी ओङ लाहमले ल्‍हेन्‍डीया़ला तेन्‍गे’ म़ेदी माएँ।

लूका 13:16

दि अब्राहामगी पोहमोला ती़ह गो-छ्येवागी ताहम ज़्‍या़दी लोह च्‍याप्‍क्‍ये काहल सिहन्‍दी येहकें, ओहले मोहला थाङ सोएँ ङ्यिहमाला स्‍यी़दी ताङ तेर्च्‍ये मेहयोहङगे ले?” म़ेदी सुङ नाङसीन।

लूका 22:3

येशूगी स्‍याहप्‍च्‍यी च्‍यिङ्यी़ नाहङला यहूदा इस्‍करियोत माएँगी स्‍याहप्‍च्‍यी च्‍यी़ येहकें ओहले खो नाहङला ती़ह गो-छ्येवा स्‍य़ूहसीन।

लूका 22:31

ओहले येहपाराङ येशूगी सिमोनला सुङ नाङसीन, “सिमोन, ए सिमोन ङ्यिहन्‍दोङ ती़हगी ख्‍या थाम्‍ज्‍यीलाराङ ने़ह ल़ेहमु टाप्‍च्‍येला ओङ लाङदे येह।

लूका 4:8

ओहले येशूगी, “‘ख्‍येगी राहङगी चो़वो छ्येवा किन्‍ज्‍यो च्‍यी़लाॱराङ ज्‍याल्‍दोङ ओहले चो़वो छ्येवा किन्‍ज्‍यो च्‍यी़लाॱराङ स्‍याहप्‍तो स्‍यी़हदोङ’ म़ेदी सुङरापला प्री़हदी येहबा!” म़ेदी सुङ नाङसीन।

यूहन्‍ना 13:27

यहूदागी खुरा लेहन-लुहङ मे़हबाराङ खो नाहङला ती़ह गो-छ्येवा स्‍य़ूहसीन। ओहले येशूगी खोला सुङ नाङसीन, “ख्‍येगी च्‍यि पेहच्‍ये छोल्‍ग्‍यो यिहम्‍बा ओ़ह ग्‍यो़बाराङ पेहतोङ।”

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

ल़ेह-पेन 5:3

ओहजेला पत्रुसगी मासीन, “ए हननिया, नाम्‍पार-ताहक्‍पा थु ङ्याम्‍बु स्‍योप क्‍याहप्‍कें दाङ स्‍यिहङ चोङग्‍योगी टाङगा सिपाज्‍यी राहङ ङ्याम्‍बु ज़्‍या़गेन्‍गी ताम ती़ह गो-छ्येवागी काहन्‍डुमु पेहती ख्‍येगी सेमला काङ तेर्पा?

१ कोरिन्‍थी 5:5

ओ़ह मिहगी पे मी़हसीहएँ ज़ुबुकी पेहताङया़ तोङज्‍यु म़ेदी ख्‍याया़गी खोला ती़ह गो-छ्येवागी लाहक्‍पाला चि क्‍याहप्‍तोङ ओहले चो़वोगी ठिम ताङ नाङगे ङ्यिहमाला खोगी यिहदी थार ख़ूज्‍यु।

१ कोरिन्‍थी 7:5

च्‍यी़गी च्‍यी़ला मा-लोक माहबे। ङ्यिहमा तोबाज्‍यीगी तेहन्‍दाला टे़ह क्‍याहप्‍ती सोल्‍वाङ ताप्‍च्‍येला खा फ़ेदी तेहॱनाङ लेहमेन ती़हजीलाती ङ्याम्‍बुराङ तेहच्‍यु। मिहन्‍सीमाना ख्‍याया़गी सेम ज़ुङ मी़हखुरो ओहले ती़ह गो-छ्येवागी ख्‍याला तिहक्‍पाला छ्यि च्‍य़ूज्‍येला लोहङ ज्‍योर्च्‍ये येह।

२ कोरिन्‍थी 11:14

यिहॱनाङ, दि याहम्‍जेम्‍बागी ताम मिहम्‍बा, च्‍यिबेमाना ती़ह गो-छ्येवागीॱआङ स्‍यिहङगामकी स्‍याहप्‍च्‍यीकी चुहम्‍रुल ची़हदे येहसेर क्‍याहप्‍ती येहपा छ्या़गे।

२ कोरिन्‍थी 12:7

किन्‍ज्‍योगी ङाहला तिहङ-रिहङबुकी केच्‍याया़ माहङबुराङ तेन नाङसीन दि लाहमले ङाह माहङबु स्‍येर्क्‍या माहतेन्‍ज्‍यु म़ेदी का़ज्‍येला ङाहती ज़ुबुला सुह क्‍याहप च्‍य़ूगेन्‍गी छेर्मा च्‍यी़ नाङसीन पे येहना ओ़ह ती़ह गो-छ्येवागी स्‍याहप्‍च्‍यी च्‍यी़ यिहम्‍बा खोगी ताहन्‍दा ङाहला तुहक्‍पु तेर्केॱराङ येहबा।

२ कोरिन्‍थी 2:11

च्‍यिबेमाना ती़ह गो-छ्येवागी ल़ेहगी तेहन्‍दाला ओहराङला क्‍यी़ह येहबा ओहले खोगी ओहराङला चिहन क्‍याहप मा़हखुज्‍यु।

याकूब 4:7

ओ़ह सोङबे किन्‍ज्‍योगी ओङ चो़ला ज्‍युल्‍दी तेह। ती़ह गो-छ्येवाला टाह पेहतोङ ओहले खो ख्‍यालेगी प्रे़हदी डोज्‍ये येह।

१ पत्रुस 5:9

यिह-छ्य़ेला सान्‍दी तेहती खोला टाह पेहतोङ, च्‍यिबेमाना ख्‍यागी ल़ेहमुराङ छ्यो़ ज़्‍यिला किन्‍ज्‍योला यिह-छ्य़े पेहक्‍यो लेहमेन ख्‍यागी आदा-नो़ह दाङ आज्‍यी-नुहमुया़गीॱआङ तुहक्‍पु खुर्ती येह माएँ ताम ख्‍याया़ला क्‍यी़हराङ येह।