मत्ती 3:7 - ह्योल्मो7 यिहॱनाङ फरिसी दाङ सदुकी छो़बागी मिह माहङबुराङ बप्तिस्मा लेहन्ज्येला यूहन्नासाला ओहङग्यो थोङदी यूहन्नागी खुङया़ला मासीन, “ए प्रुहलगी छार्क्यीनया़, किन्ज्योगी ताङ नाङगेन्गी ठिमलेगी थार ख़ूएँ म़ेदी ख्याया़ला सुगी लोप्पा? အခန်းကိုကြည့်ပါ။ |
मत्ती 3:7
49 ပူးပေါင်းရင်းမြစ်များ
ख्या राहङगी आबा दियाबलस यिहम्बा, ओहले ख्या आबागी सेम्बा छाङबु पेहच्येला ख्यागी सेमला ऩे सिहन्दी येह। खोगीनी तोहङ यिहन्ज्युराङ मिहया़ सेको येहकें, ओहले तेहन्दाम ङ्याम्बु खोला च्यिॱआङ नाङदा म़ेह। च्यिबेमाना खोला तेहन्दाम च्यिॱआङ म़ेह। खोगी राहङगी पेहताङला ते़बे नाहम-माना स्योप क्याहप्के च्यिबेमाना खो स्योप्केर यिहम्बा ओहले खो स्योप क्याहप्केनया़गी आबा यिहम्बा।
ओहले स्यिहङगामले माहर फेप नाङज्ये येह म़ेदी लाहम क़ूह तेहकेन किन्ज्योगी स़ेबुला किन्ज्योगीॱराङ टोङग्यो ग्या़लेगी सोम्बो ज़्याङ च्य़ू नाङसीन। ओ़ह स़ेबुराङ येशू यिहम्बा, ओहले ताहन्दा राहङया़गी क़ूह तेहक्योदीॱआङ मिह-रो़हलाॱराङ यिहम्बा। ओहले ओहराङ थो़ला ओहङज्ये पेहक्योगी किन्ज्योकी थुयाल ङो़ले थार च्य़ू नाङगेन्दीॱआङ मिह-रो़हराङ यिहम्बा।
तेहपा लाहमलेॱराङ नोआगी ओ़ह ती़हजी थु मी़गी थोङॱराङ माहथोङबा से़हया़गी तेहन्दाला किन्ज्यो लाहमले ज़्योरक्यो काला तेहपा पेहती राहङ खाङबा म़ेहमे थाम्ज्यीला थार च्य़ूज्येला छ्यु-टुह च्यी़ ज़ोसीन। दि ल़ेहमु पेहती नोआगी जाम्बुलीङगी मिह रेबेॱराङ तिहक्च्येम्बा यिहन म़ेदी तेन तेर्सीन ओहले खो राहङदी तेहपा लाहमले किन्ज्योगी दिनला मिह टाहङबु सी़ह ख़ूसीन।
किन्ज्योकी छार्क्यीन सु यिहम्बा, ओहले ती़ह गो-छ्येवाकी छार्क्यीन सु यिहम्बा माएँदी ओहराङगी दि ल़ेहमु पेहती ह्अ कोह ख़ूएँ– किन्ज्योकी ज़ी़लुला काहदी मिहगी राहङगी डोलु-तेहलु टाहङबु मेहबेकें ओहले किन्ज्योला यिह-छ्य़े पेहक्यो आदा-नो़ह दाङ आज्यी-नुहमुया़ला चेवा मेहबेकें खो किन्ज्योकी छार्क्यीन मिहम्बा।
ကြော်ငြာတွေ