मत्ती 3:11 - ह्योल्मो11 तेहम्बाराङ, ख्याया़ राहङ-राहङगी सेमगी स्या़बा पेहती ता़ह तिहक्पा पाङज्येला ठाबे काहल्ग्यो यिहन म़ेदी तेन्ज्येला ङाह ख्याया़ला छ्युगी बप्तिस्मा तेर्को येह, यिहॱनाङ ङाह म़ेदी तिङले फेप नाङगेन्दीगी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। मिहरोनी ङाह म़ेदी ज्यिबुराङ ओङ छ्यिम्बु येहबा। ङाहनी मिहरोगी स्याहप्चेन थो़ज्येलाॱआङ सी़हज्ये म़ेह। အခန်းကိုကြည့်ပါ။ |
मत्ती 3:11
29 ပူးပေါင်းရင်းမြစ်များ
ओहले खोगी यिह दाङ स्युकला एलिया ल़ेहमुराङ पेहती चो़वो छ्येवागी दिनला ओहङदी चो़वो छ्येवागी लाहम ठाबे पेहच्ये येह। ओहले खोगी आबा दाङ पुह पोहमोया़ला थिन च्य़ूज्ये येह ओहले मिहङ्यीहन्गे मिहया़ला किन्ज्योगी काया़ ची़गेन्गी मिहया़गी रिहक्स्यी ङो़ले ठिच्ये येह। दि ल़ेहमु पेहती खोगी चो़वो छ्येवागी मिहया़ला चो़वो छ्येवागी तेहन्दालाराङ ठाबे पेहच्ये येह।”
ओहले यूहन्नागी थाम्ज्यीलाराङ मासीन, “ङाहगीनी ख्याला छ्युगी बप्तिस्मा तेर्को येह। ङाह म़ेदी वाङज्या छ्यिम्बु येहकेन्गी मेहन्दा च्यी़ फेप नाङगेराङ येहबा। ङाहनी मिहरोगी स्याहप्चेनगी थाक्पा स्युज्ये च्यिॱआङ सी़हज्ये म़ेह। मिहरोगीनी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। त़ेदोङ, डु टाप्च्येला मिहरोगी छ्या़ला लोमा नोम्दी येह।
च्यिबेमाना च्यिमे च्यी़राङ नाम्पार-ताहक्पा थु लाहमले ओहराङ थाम्ज्यीगी ज़ुबु च्यी़लाॱराङ बप्तिस्मा ज्योर्ती येह– यहूदी यिहॱना़ यिहन, ग्रीक यिहॱना़ यिहन, योक्पु यिहॱना़ यिहन, सुज्यीगी योक्पु माहबेबाकी मिह यिहॱना़ यिहन, ओहराङ थाम्ज्यीला च्यिमे च्यी़राङ नाम्पार-ताहक्पा थु लाहमले थुङज्येला नाङसीन।
ओ़ह ल़ेहमुराङ पेहती स्यारा स्यार्माया़, राहङ म़ेदी छ्यिम्बु मिहया़गी ओङ चो़ला तेहतोङ। ख्या मिह थाम्ज्यी ङ्याम्बु स्यिहवा पेहती च्यी़गी च्यी़ला रो़हराम पेहतोङ। च्यिबेमाना छ्य़ेला दि ल़ेहमु सुङ नाङदी येह, “किन्ज्योगी छ्य़ेन्दो तेन्गे मिहया़ला टाह जे नाङगे, यिहॱनाङ स्यिहवा पेहकें मिहया़ला काटीन नाङगे।”
ကြော်ငြာတွေ