मत्ती 3:10 - ह्योल्‍मो

¹⁰ ताहन्‍दाॱराङ तारी तोहङबो रिङला क्‍याहप सिहन्‍दी येह। ओ़ह सोङबे सेदो मे़हयाहगेन्‍गी तोहङबो का़ह येहकेन्‍दी तुप्‍ती मेहला क्‍युर्च्‍ये येह।

मत्ती 3:10 ပူးပေါင်းရင်းမြစ်များ

मत्ती 21:19

लाहमकी सुहरला को़स्‍यीङ तोहङबो ज़ी़दी को़स्‍यीङ या़हक्‍यो येहबा नि म़ेदी येशू ओ़ह तोहङबो पोहला फेप नाङसीन, यिहॱनाङ ओ़ह तोहङबोला लाहप्‍तीज्‍यी मिहम्‍बानी लेहमेन च्‍यिॱआङ म़ेहबा येहकें। येशूगी ओ़ह तोहङबोला सुङ नाङसीन, “ता़ह यिहन्‍ज्‍यु ख्‍येला नाहमॱआङ को़स्‍यीङ मा़हयाहज्‍यु।” ओ़ह को़स्‍यीङ तोहङबो ओ़ह ती़हजीलाराङ काम्‍सीन।

मत्ती 7:19

या़हबु सेदो मे़हयाएँगी का़ह येहकेन्‍दी तोहङबोया़ तुप्‍ती मेहला क्‍युर्च्‍ये येह।

लूका 23:31

तोहङबो ङुम्‍बु येहकेमुनी दि ल़ेहमु पेहकें तोहरोङ काम्‍बु येहनानी च्‍यि पेहटो?” म़ेदी येशूगी सुङ नाङसीन।

लूका 3:9

ता़हनी तोहङबो तुप्‍च्‍येला तारी तोहङबो रिङला क्‍याहप सिहन्‍दी येह। सेदो या़हबु मे़हयाहएँगी तोहङबो का़ह येहकेन्‍दी तुप्‍ती मेहला क्‍युर्च्‍ये येह!” म़ेदी यूहन्‍नागी ख्‍येप्‍टा तेर्सीन।

यूहन्‍ना 15:2

सेदो मे़हयाहएँगी याहल्‍गा थाम्‍ज्‍यी मिहरोगी तुप्‍ती क्‍युर नाङगे, यिहॱनाङ सेदो याहगेन्‍की याहल्‍गाया़लाती जेन माहङबु याहज्‍यु म़ेदी मिहरोगी सील नाङगे।

यूहन्‍ना 15:6

ङाह ङ्याम्‍बु मेहतेहकेनया़ला ओ़ह याहल्‍गाया़ला ल़ेहमु पेहती फिला क्‍युर चाहङज्‍ये येह, ओहले ओ़ह काम्‍ज्‍ये येह। दि ल़ेहमु याहल्‍गाया़ला मिहया़गी ग्‍या़ च्‍यी़ला रुहप पेहती मेहला लू़ज्‍ये येह ओहले ओ़ह थाला फुङे डोज्‍ये येह।

हिब्रू 12:25

जेम्‍बु पेह, ख्‍या ङ्याम्‍बु स्‍याहल सुङ नाङगे सुङ-क़ेला मा-लोक माहबे। च्‍यिबेमाना दि जाम्‍बुलीङला ज्‍यी़-ङोर नाङगेन्‍दीला मा-लोक पेहकेनया़ थार मा़हखु मासीमाना स्‍यिहङगामले माहर ज्‍यी़-ङोर नाङगेन्‍दीला मा-लोक पेहसीमाना ओहराङ काह-ठि पेहती थार ख़ूज्‍ये ले?

हिब्रू 6:8

यिहॱनाङ ओ़ह सासाला छेर्मा तोहङबो दाङ देर्स्‍या च्‍यी़राङ क्‍येसीन मानानी ओ़ह स्‍यिती काम्‍बु डोएँ, ओहले किन्‍ज्‍योगी मे़मु सू़ह ख़ूएँ। तिङस्‍योला ओ़ह मेहला सा़ज्‍ये येह।