मत्ती 27:4 - ह्योल्‍मो

⁴ “ङाहगी ङ्य़ेहबा-छ्यू़बा च्‍यिॱआङ माहबेबा मिहला सेच्‍येला ज़ुङ च्‍य़ूदी तिहक्‍पा छ्यिम्‍बुच्‍यी पेहसीन” म़ेदी मासीन। ओहले खुङया़गी, “ओ़ह तामदी ङ्यिहला च्‍यि च्‍योल्‍दो ले? ओ़हदीनी ख्‍येगी ताम का यिहन” म़ेदी मासीन।

मत्ती 27:4 ပူးပေါင်းရင်းမြစ်များ

मत्ती 27:19

पिलातस ठिम ताङज्‍येला ठिम ताङगेन्‍गी ज़्‍य़ू-ठिला तेहक्‍यो येहकें। ओ़हजेलाराङ खोगी पी़हमीगी खोला दि ल़ेहमु म़ेदी लेहङगु ताङ चाहङसीन, “ओ़ह च्‍यिॱआङ क्‍येन म़ेहबाकी मिहला च्‍यिॱआङ जे माहनाङ च्‍यिबेमाना तिहरीङ नुहङमु ङाहगी खोगी तेहन्‍दाला मिलाम थोङदी ज्‍यिबुराङ तुहक्‍पु ङ्युहङसीन।”

मत्ती 27:54

साङगुल काहल्‍ग्‍यो दाङ ओ़हला काहल्‍ग्‍योगी थाम्‍ज्‍यीराङ से़हया़ थोङदी येशूला सुङदी तेहक्‍यो माक्‍मीया़ दाङ खुङया़गी माक्‍पेन ज्‍यिबुराङ ज्‍यी़सीन। ओहले खुङया़गी, “तेहम्‍बाराङ खोनी किन्‍ज्‍योगी स़ेबुराङ यिहम्‍बा दुबा” म़ेदी मासीन।

लूका 23:22

ओहले पिलातसगी येहपाराङ टी़हसीन, “च्‍यिबे, दि मिहगी च्‍यि ल़ेह चोक्‍पा पेहती येहबा? ङाहगीनी खोला सेॱराङ कोहएँगी ङ्य़ेहबा काल्‍ज्‍येला तेहन्‍दा च्‍यिॱआङ माहथोङ। टी़हसीन ता़ह ङाह खोला ताक्‍स्‍यु क्‍याहप्‍ती ताङ चाहङगे।”

लूका 23:41

ओहराङगीनी चोक्‍पा ल़ेह पेहक्‍यो सोङगोराङ गा ङ्य़ेहबा खुर कोहक्‍यो, यिहॱनाङ त़ेदोङ, येशूगीनी च्‍यिॱआङ ल़ेह चोक्‍पा जे-नाङदी म़ेह।”

लूका 23:47

दि रोहवा काहल्‍ग्‍यो थोङदी रोमी माक्‍पेनगी दि ल़ेहमु म़ेदी किन्‍ज्‍योला ज़िज्‍यिद फुल्‍सीन, “तेहम्‍बाराङ, दि मिहनी टाहङबु यिहम्‍बा दुबा!”

यूहन्‍ना 19:7

ओहले यहूदी गोबाया़गी, “दि मिहगी, ‘ङाहराङ किन्‍ज्‍योगी स़ेबु यिहन’ म़ेदी माक्‍यो सोङगोराङ ङ्यिहगी छ्य़े-ठिमगी तादाङलानी खोला सेॱराङ कोहएँ!” म़ेदी मासीन।

ल़ेह-पेन 13:28

येशूला सेॱराङ कोहएँगी च्‍यिॱआङ ङ्य़ेहबा मे़हॱनाङ खुङया़गी येशूला सेॱराङ कोहकें म़ेदी पिलातसला मासीन।

रोमी 3:19

छ्य़े-ठिमकी स्‍याहल छ्य़े-ठिमकी ओङ चो़ला येहकेन मिहया़ला माक्‍यो यिहम्‍बा म़ेदी ओहराङला क्‍यी़ह येह। ओ़ह सोङबे मिह थाम्‍ज्‍यीगी खाला खाज्‍यु क्‍याहप्‍च्‍ये येह ओहले लुहङबा किनगी मिहया़गी राहङगी पेहक्‍यो ल़ेहगी तेहन्‍दाला किन्‍ज्‍योला चिदुङ तेर कोहच्‍ये येह।

१ तिमोथी 4:2

दि ल़ेहमु लुहङया़ स्‍योप क्‍याहप्‍ती यिहन्‍दो तेन्‍गे मिहया़ लाहमले ओहङगे यिहम्‍बा, खुङया़गी नावा च्‍या़ टोहमोगी टाहक्‍यो ल़ेहमु ओहङगे।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

हिब्रू 7:26

ओहराङला कोहक्‍योगी गो-छ्येवा पूजाहारीती येशूॱराङ यिहन्‍गे। मिहरो नाम्‍पार-ताहक्‍पा, च्‍यिॱआङ क्‍येन म़ेहबा दाङ चाङमा येहबा ओहले किन्‍ज्‍योगी मिहरोला तिहक्‍च्‍येम्‍बा मिहया़गी पाहरक्‍यीले खा फे़ नाङदी थाम्‍ज्‍यी म़ेदी थो़स्‍यो स्‍यिहङगामला ज़्‍या़ नाङसीन।

१ पत्रुस 1:19

यिहॱनाङ च्‍यिॱआङ क्‍येन म़ेहबा दाङ ओङबु छाङबु येहकेन्‍की ल़ूह स्‍ये़बुदी ल़ेहमुराङ मास्‍यीकाकी नाङ छ्यिम्‍बु ठा़ लाहमले रिहन च्‍याल्‍दी खा फे़ नाङदी येह।

१ यूहन्‍ना 3:12

ओहराङ कयिन ल़ेहमु ओहङज्‍ये मेहयोहङगे। खो ती़ह गो-छ्येवादी यिहन्‍गे। खोगी राहङगी नो़हला सेसीन। खोगी राहङगी नो़हला च्‍यिबे सेपा? च्‍यिबेमाना खोती ल़ेह टाहङबु म़ेहबा येहकें। यिहॱनाङ खोगी नो़हगी ल़ेहती टाहङबु येहकें।

ज्‍याल्‍गा 11:10

ओ़ह पाङबु ङ्यी़ स्‍यिक्‍यो सोङबे जाम्‍बुलीङकी मिहया़ क़ेहनाङ पेहच्‍ये येह ओहले च्‍यी़गी च्‍यी़ला क्‍ये़गाया़ तेर्ते खाम्‍साङबु पेहच्‍ये येह। च्‍यिबेमाना दि लुहङतेम्‍बा ङ्यी़गी जाम्‍बुलीङकी मिहया़ला माहङबुराङ तुहक्‍पु तेरक्‍यो येहकें।