मत्ती 26:53 - ह्योल्‍मो

⁵³ ङाहगी लाङबा यिहनानी ङाहगी याहपगी ङाहला नाहरेराङ ॱठि दाङ ठिले माहङा स्‍यिहङगामगी स्‍याहप्‍च्‍यीया़ ताङ नाङज्‍ये येहकें। च्‍यि ख्‍येगी दि ओहङ मी़हखुएँ म़ेदी साम्‍लु क्‍येउ दुबा?

मत्ती 26:53 ပူးပေါင်းရင်းမြစ်များ

मत्ती 25:31

“मिहगी स़ेबु थाम्‍ज्‍यीराङ स्‍यिहङगामगी स्‍याहप्‍च्‍यीया़ ङ्याम्‍बु राहङगी ज़िज्‍यिद छ्यिम्‍बुला फेप्‍ती राहङगी ज़्‍य़ू-ठिला ज़्‍य़ू नाङज्‍ये येह।

मत्ती 4:11

ओहजेला ती़ह गो-छ्येवागी येशूला क्‍युर ज़्‍या़दी काहल्‍सीन ओहले स्‍यिहङगामकी स्‍याहप्‍च्‍यीया़ ओहङदी येशूला स्‍याहप्‍तो डुप्‍सीन।

मर्कूस 5:15

ओहले येशूसाला लेप्‍ती खुङगी ओ़ह ल्‍हेन्‍डी माहङबु स्‍य़ूहक्‍योगी मिह टा़हदी, काप्‍च्‍या केहन्‍दी येशू पोहला तेहक्‍यो थोङसीन। दि थोङदी खुङया़ ज्‍यी़सीन।

मर्कूस 5:9

ओहले येशूगी, “ख्‍येगी मिहन च्‍यि यिहम्‍बा?” म़ेदी टी़ह नाङगेमु, “ङाहगी मिहन बुङजी यिहम्‍बा, ङ्यिहनी माहङबुराङ येहबा!” म़ेदी खोगी मासीन।

लूका 8:30

ओहले येशूगी खोला, “ख्‍येगी मिहन च्‍यि यिहम्‍बा?” म़ेदी टी़ह नाङसीन। “ङाहगी मिहन बुङजी यिहम्‍बा” म़ेदी खोगी स्‍युहसीन। च्‍यिबेमाना, खोला ल्‍हेन्‍डी माहङबुराङ स्‍य़ूहदी येहकें।

यूहन्‍ना 10:18

सुज्‍यीगीॱआङ ङाहलेगी ङाहती मिहजी ल़ेहन मी़हखुएँ, यिहॱनाङ ङाहला सेम ने़क्‍यो सोङबे ङाहती मिहजी चि क्‍याहप्‍को येह। ङाहती मिहजी चि क्‍याहप्‍केन्‍गी ओङ ङाह ङ्याम्‍बु येहबा, ओहले येहपाराङ लो लेहन्‍गेन्‍गी ओङॱआङ ङाह ङ्याम्‍बु येहबा। दि का ङाहती याहप लाहमले ङाहगी ज़्‍योरक्‍यो यिहम्‍बा” म़ेदी येशूगी सुङ नाङसीन।

यूहन्‍ना 18:36

ओहले येशूगी ल़ेहन क्‍याहप नाङसीन, “ङाहती क्‍याहल्‍सी दि जाम्‍बुलीङदी मिहन। ङाहती क्‍याहल्‍सी दि जाम्‍बुलीङदी यिहन्‍गे यिहनानी ङाहला तिङ ङ्या़गेया़गी ङाहला यहूदीया़की लाहक्‍पाले थार च्‍य़ूज्‍ये म़ेदी जिङज्‍ये येहकें। यिहॱनाङ ङाहती क्‍याहल्‍सी दि जाम्‍बुलीङदी मिहन।”

२ थेसलोनिकी 1:7

ओहले ख्‍या तुहक्‍पु ङ्युहङगेनया़ला ङ्यिह ङ्याम्‍बुराङ मिहरोगी थाङ सो च्‍य़ू नाङज्‍ये येह। ओहले दि थाम्‍ज्‍यी मिहरोगी चो़वो येशू ओङ छ्यिम्‍बुकी स्‍यिहङगामकी स्‍याहप्‍च्‍यीया़ ङ्याम्‍बु स्‍यिहङगामले माहर फेप नाङगेमु जे नाङज्‍ये येह।

यहूदा 1:14

आदमकी मिहदो तिहन हनोकगीॱआङ दि मिहया़गी तेहन्‍दाला तिङले ओहङगेन्‍गी तामया़ तोहङलेराङ दि ल़ेहमु जेती सुङ नाङग्‍यो येहकें, “त़ेदोङ चो़वो, टाहङमाराङ क्‍याहप मी़हखुएँगी राहङगी नाम्‍पार-ताहक्‍पा मिहया़ ङ्याम्‍बु फेप नाङगेराङ येह,