मत्ती 26:52 - ह्योल्‍मो

⁵² ओहले येशूगी खोला सुङ नाङसीन, “ख्‍येगी पादाङ स्‍युपला ल़ूदोङ, च्‍यिबेमाना पादाङ थो़गे थाम्‍ज्‍यीराङ पादाङगीॱराङ सेच्‍ये येह।

मत्ती 26:52 ပူးပေါင်းရင်းမြစ်များ

मत्ती 5:39

यिहॱनाङ ङाह ख्‍याया़ला माएँ, ख्‍याया़गी सु ङ्याम्‍बुॱआङ क्‍यिम्‍बा माहलेहन। का़हलेॱआङ सुज्‍यीगी ख्‍येगी योबा डाम्‍बाला क्‍याहप्‍सीमाना योमा डाम्‍बाॱआङ सेहतेर।

रोमी 12:19

ङाहगी च्‍याहम्‍बु रो़हया़, सु ङ्याम्‍बुॱआङ नाहमॱआङ स्‍यिहताङगी क्‍यिम्‍बा माहच्‍याल। यिहॱनाङ दि ल़ेह किन्‍ज्‍योकी थुयालला ज़्‍या़दोङ। च्‍यिबेमाना, छ्य़ेला दि ल़ेहमु प्री़हदी येहबा, “क्‍यिम्‍बा लेहन्‍गेन्‍गी ल़ेह ङाहती यिहन, ङाहगीराङ क्‍यिम्‍बा लेहन्‍ज्‍ये येह।”

१ थेसलोनिकी 5:15

दि ताम टेहम्‍बा ज़्‍यो़, का़हलेॱआङ ख्‍याया़ला सुज्‍यीगीॱआङ चोक्‍पा पेहसीन म़ेदी खोलाॱआङ चोक्‍पा माहबे यिहॱनाङ च्‍यी़गी च्‍यी़ला ओहले मिह थाम्‍ज्‍यी ङ्याम्‍बु या़हबु पेहकेन्‍गी सेम ज़्‍या़दोङ।

१ पत्रुस 3:9

सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।

ज्‍याल्‍गा 16:6

च्‍यिबेमाना खुङया़गी किन्‍ज्‍योकी मिहया़ दाङ लुहङतेम्‍बाया़ला सेसीन ओहले राहङगी खुङया़ला ठा़ थुङ च्‍य़ू नाङदी येह। खुङया़गी ज्‍योर कोहएँगी ङ्य़ेहबाॱराङ ज्‍योर्सीन।”