मत्ती 26:34 - ह्योल्‍मो

³⁴ येशूगी सुङ नाङसीन, “तेहम्‍बाराङ ङाह ख्‍येला माएँ, नाहङबार ङाटु च्‍याहबु क़े तेन्‍गे म़ेदी तोहङलेराङ ख्‍येगी ङाहला ङोह मे़हस्‍येएँ म़ेदी लेहमा सुम थु माज्‍ये येह!”

मत्ती 26:34 ပူးပေါင်းရင်းမြစ်များ

मत्ती 26:33

ओहजेला पत्रुसगी येशूला, “थाम्‍ज्‍यीगी राहङला क्‍युर ज़्‍या़दी प्रे़हॱनाङ ङाह राहङला नाहमाॱआङ क्‍युर ज़्‍या़ज्‍ये म़ेह!” म़ेदी स्‍युहसीन।

मत्ती 26:75

ओहले “च्‍याहबु क़े तेन्‍गे म़ेदी तोहङले ङाहला लेहमा सुम थु ङोह मे़हस्‍येएँ म़ेदी माज्‍ये येह,” म़ेदी येशूगी सुङ नाङग्‍यो स्‍याहल पत्रुसगी टेहम्‍बा साल्‍सीन। ओहले खो फिला काहल्‍दी ज्‍यिबुराङ सेम नाहमु पेहती ङुहसीन।

मर्कूस 14:72

ओ़ह मालुङ मे़हबाराङ येहपाराङ च्‍याहबु क़े तेन्‍सीन ओहले “च्‍याहबु लेहमा ङ्यी़ क़े तेन्‍गे म़ेदी तोहङले ख्‍येगी ङाहला लेहमा सुम थु ङोह मे़हस्‍येएँ म़ेदी माज्‍ये येह।” म़ेदी येशूगी सुङ नाङग्‍योकी स्‍याहल पत्रुसगी टेहम्‍बा साल्‍सीन ओहले खो ज्‍यिबुराङ सेम नाहमु पेहती ङुहसीन।

लूका 22:34

ओहले येशूगी, “पत्रुस, माज्‍ये मानानी, नाहङबार ङाटु च्‍याहबु क़े तेन्‍गे म़ेदी तोहङलेराङ ख्‍येगी लेहमा सुम थु ङाहला ङोह मे़हस्‍येएँ म़ेदी माज्‍ये येह!” म़ेदी सुङ नाङसीन।

लूका 22:61

ओहजेला चो़वोगी क्‍याहङलेगी पत्रुसगी तोहङबाला ज़ी़ नाङसीन। ओहले पत्रुसगी, “नाहङबार ङाटु च्‍याहबु क़े तेन्‍गे म़ेदी तोहङलेराङ लेहमा सुम थु ख्‍येगी ङाहला ङोह मे़हस्‍ये म़ेदी माज्‍ये येह” म़ेदी चो़वोगी सुङ नाङग्‍योगी स्‍याहल टेहम्‍बा साल्‍सीन।

यूहन्‍ना 13:38

ओहले येशूगी सुङ नाङसीन, “च्‍यि ख्‍ये ङाहगी तेहन्‍दाला स्‍यि कोहॱनाङ स्‍यि ख़ूएँ ले? तेहम्‍बाराङ ङाह ख्‍येला माएँ, ख्‍येगी ङाहला लेहमा सुम मा-लोक माहबे थु च्‍याहबु पेहच्‍ये म़ेह।”