मत्ती 24:6 - ह्योल्‍मो

⁶ ओहले ख्‍याया़गी मा़ क्‍याहप्‍के दाङ मा़ क्‍याहप्‍केन्‍गी केच्‍याया़ थे़ज्‍ये येह। यिहॱनाङ ओहजेला ख्‍याया़ मा़हन्‍ज्‍यी। दि ल़ेहमु केच्‍यानी ओहङॱराङ कोहएँ, यिहॱनाङ ओहजेलाराङनी जाम्‍बुलीङ मेहतोङगे।

मत्ती 24:6 ပူးပေါင်းရင်းမြစ်များ

मत्ती 2:3

दि केच्‍या थे़दी क्‍याहल्‍बु हेरोद ठादोगी छाबा-छुबे पेहसीन। ओहले दि केच्‍याया़ क्‍यी़ह ज्‍योर फान्‍ज्‍यो यरूशलेमगी मिहया़गी सेमॱआङ कालाम-मालाम काहल्‍सीन।

मत्ती 24:14

थाम्‍ज्‍यी क्‍यिहपागी मिहया़ला पाङबु ओहङज्‍यु म़ेदी तोहङले किन्‍ज्‍योकी क्‍याहल्‍सीकी या़हबु लेहङगु जाम्‍बुलीङ काहङग्‍यालाराङ स्‍येच्‍ये येह। ओ़ह तिङले जाम्‍बुलीङ तोङज्‍ये येह।”

मत्ती 26:54

यिहॱनाङ ङाहगी दि लाङसीमानानी सुङरापला दि ल़ेहमु ओहङ कोहकें म़ेदी प्रुहक्‍योगी केच्‍या काहन्‍डुमु पेहती तेहन्‍दा डुप ख़ूएँ ले?”

लूका 21:19

सेम माहङग्‍युर्पा पेहती तेहतोङ, ओहले ख्‍यागी तेहन्‍दामगी मिहली ज्‍योर्च्‍ये येह” म़ेदी येशूगी सुङ नाङसीन।

लूका 21:9

मा़ क्‍याहप्‍के दाङ ठ़ूस्‍यी सिहङदा पेहकें तामया़ थे़एँमु मा़हन्‍ज्‍यी। दि ल़ेहमु केच्‍यानी ओहङॱराङ कोहकें, यिहॱनाङ ओहजेलाराङनी जाम्‍बुलीङ तोङज्‍ये म़ेह” म़ेदी येशूगी सुङ नाङसीन!

लूका 22:37

च्‍यिबे मासीमाना सुङरापला ‘मिहरोला नाहग-च्‍येन मिहया़ ङ्याम्‍बुराङ टाहङमा क्‍याहप्‍सीन’ म़ेदी प्रुहक्‍योगी केच्‍याया़ ङाहगी मिहलीला तेहन्‍दा डुपॱराङ कोहएँ। तेहम्‍बाराङ ङाहगी तेहन्‍दाला प्रुहक्‍योगी केच्‍याया़ तेहन्‍दा डुप्‍तेराङ येह!” म़ेदी येशूगी सुङ नाङसीन।

यूहन्‍ना 14:1

ओहले येशूगी स्‍याहप्‍च्‍यीला सुङ नाङसीन, “ख्‍याया़गी सेम छाबा-छुबे माहबे, ख्‍यागी किन्‍ज्‍योला यिह छ्य़ेक्‍यो ल़ेहमु ङाहॱलाङ यिह छ्य़ेदोङ।

यूहन्‍ना 14:27

ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।

२ थेसलोनिकी 2:2

लाहलागी नाम्‍स्‍यी लाहमले, लाहलागी सुङ लाहमले ओहले लाहलागी ङ्यिहती ल़ेहमुराङ यिह लाहमले चो़वोकी ङ्यिहमा लेप सिहन्‍दी येह म़ेदी स्‍य़ेसीन माना, ओ़ह केच्‍या थे़दी ख्‍या फे़बे मे़हमेया़की सेम मा़हन्‍ज्‍यीज्‍यु ओहले का माहक्‍याहल्‍ज्‍यु।

ज्‍याल्‍गा 6:4

ओहले ताबु माहर्मु च्‍यी़ फिला थेन्‍दी ओहङसीन ओहले मिहया़गी च्‍यी़गी च्‍यी़ला से-से तुप-तुप पेहती जाम्‍बुलीङला सेम लो तेहमु माहयोहङज्‍यु म़ेदी ओ़ह ताबु माहर्मु थो़ला स्‍येहन्‍ग्‍यो मिहला ओङ नाङदी येहकें। खोला पादाङ छ्यिम्‍बुज्‍यीॱआङ नाङग्‍यो येहकें।