मत्ती 24:5 - ह्योल्‍मो

⁵ च्‍यिबेमाना मिह माहङबुराङ ‘थार्पा नाङगेन मास्‍यीका ङाहराङ यिहम्‍बा’ म़ेदी ङाहगी मिहनला ओहङज्‍ये येह ओहले मिह माहङबुलाराङ फिर्च्‍या लाहम ङो़ले ठिच्‍ये येह।”

मत्ती 24:5 ပူးပေါင်းရင်းမြစ်များ

मत्ती 24:11

चिहन क्‍याहप्‍केन्‍गी लुहङतेम्‍बाया़ माहङबुराङ थेन्‍ज्‍ये येह ओहले मिह माहङबुलाराङ गो़ कोर्च्‍ये येह।”

मत्ती 24:24

च्‍यिबेमाना दि ल़ेहमु चिहन क्‍याहप्‍केन्‍गी मास्‍यीका दाङ लुहङतेम्‍बाया़ ओहङज्‍ये येह। खुङया़गी छ्यिम्‍बु-छ्यिम्‍बु ताक्‍छेनया़ दाङ याहम्‍जेम्‍बागी ल़ेहया़ तेन्‍दी ला़ खाजेबा किन्‍ज्‍योगी दाम्‍ग्‍यो मिहया़ॱलाङ गो़ कोर च्‍य़ूज्‍ये येह।”

यूहन्‍ना 5:43

ङाह राहङगी याहपकी छेनला ओहङदी येह, यिहॱनाङ ख्‍याया़गी ङाहला मा-लोक पेहसीन। ओहले लेहमेन सुज्‍यी राहङदीराङ मिहनला ओहङसीमाना खोला ख्‍यागी लोक पेहच्‍ये येह।

यूहन्‍ना 8:24

ङाहगी ख्‍याया़ला मासीन, ‘ख्‍याया़ राहङगी तिहक्‍पाला स्‍यिज्‍ये येह’ च्‍यिबेमाना ‘ङाह ओ़हदीॱराङ यिहन’ म़ेदी ख्‍याया़गी यिह मे़हछ्येसीमाना ख्‍या राहङगी तिहक्‍पाला स्‍यिज्‍ये येह।”

यूहन्‍ना 8:28

ओ़ह सोङबे येशूगी सुङ नाङसीन, “ख्‍याया़गी मिहगी स़ेबुला क्‍या़दी क्‍याहङस्‍यीङला च्‍याङ फान्‍ज्‍यो, ङाह ओ़हदीॱराङ यिहन म़ेदी ख्‍याया़गी ह्‍अ कोहज्‍ये येह, ओहले ङाह राहङ ओङगी नि च्‍यिॱआङ पेह मी़हखु, यिहॱनाङ याहपगी लोप नाङग्‍योकी स्‍याहलया़ च्‍यी़राङ माएँ म़ेदी ख्‍याया़गी ङोह स्‍ये़ज्‍ये येह।

१ यूहन्‍ना 2:18

ए पेहजाया़, ता़ह तिङस्‍यो ती़हजी दिराङ यिहन। मास्‍यीकाला टाह पेहकें मिहया़ थेन्‍गेॱराङ येह माएँ ताम ख्‍यागी थ़े सिहन्‍दी येह। ता़ह मास्‍यीकाला टाह पेहकेनया़ माहङबुराङ थेन सिहन्‍दी येह। ओ़ह सोङबे दिराङ तिङस्‍यो ती़हजी यिहम्‍बा म़ेदी ओहराङला क्‍यी़ह येहबा।

१ यूहन्‍ना 2:22

चिहन क्‍याहप्‍कें मिह सु यिहम्‍बा? का़हन्‍दी मिहगी येशूला मास्‍यीका मिहम्‍बा म़ेदी माएँ खोराङ चिहन क्‍याहप्‍केन्‍गी मिह यिहम्‍बा। ओहले का़हन्‍दी मिहगी याहप दाङ स़ेबुला मा-लोक पेहकें ओ़ह मिहराङ मास्‍यीकाकी टाह यिहम्‍बा।

१ यूहन्‍ना 4:3

येशू मिहगी कुसोला फेप माहनाङ म़ेदी माएँ नाम्‍स्‍यी किन्‍ज्‍योगी थु लाहमले ओहङग्‍यो मिहम्‍बा, ओ़हदी मास्‍यीकाला टाह पेहकेन्‍गी नाम्‍स्‍यी यिहम्‍बा। ओ़हदी ता़ह ओहङज्‍ये येह माएँ तामनी ख्‍याया़गी थ़े सिहन्‍दी येह, ता़ह ओ़हदी दि जाम्‍बुलीङला ओहङ सिहन्‍दी येह।

ज्‍याल्‍गा 13:8

सेक्‍यो ल़ूह स्‍ये़बुकी मिहलीकी छ्य़ेला जाम्‍बुलीङ छ्या़ नाङगे म़ेदी तोहङलेराङ किन्‍ज्‍योगी मिहन प्रुह नाङग्‍यो मिहया़गी च्‍यी़राङ ओ़ह सेम्‍ज्‍येनला छ्येपा फुल्‍ज्‍ये म़ेह यिहॱनाङ ओ़ह म़ेदी लेहमेन, जाम्‍बुलीङला तेहकें थाम्‍ज्‍यी मिहया़गीनी ओ़ह सेम्‍ज्‍येनला छ्येपा फुल्‍ज्‍ये येह।