मत्ती 22:16 - ह्योल्मो16 ओहले खुङया़गी राहङगी स्याहप्च्यीया़ला क्याहल्बु हेरोदगी मिहया़ ङ्याम्बुराङ येशूसाला ताङसीन। ओहले खुङया़गी काहल्दी येशूला स्युहसीन, “लोबेन ला़ह, राहङगी तेहन्दामगी स्याहल च्यी़राङ सुङ नाङगे म़ेदी ङ्यिहला क्यी़ह येह। ओहले मिहया़ला लोप नाङगेमु राहङगी तेहम्बा-तेहन्सुम जेती किन्ज्योगी लाहम तेन नाङगे। मिहया़गी च्यि मारो म़ेदी राहङगी नाङदा जे मेहनाङगे। च्यिबेमाना राहङगी सुॱलाङ ङ्येम्बा-ङ्य़ेहरी जे मेहनाङगे! အခန်းကိုကြည့်ပါ။ |
मत्ती 22:16
36 ပူးပေါင်းရင်းမြစ်များ
खुङ येशूसाला ओहङदी मासीन, “लोबेन लाह, राहङगी नाहम-माना तेहन्दामकी स्याहल च्यी़राङ सुङ नाङगे म़ेदी ङ्यिहला क्यी़ह येहबा। मिहया़गी च्यि मारो म़ेदी राहङगी नाङदा जे मेहनाङगे। राहङगी सुतीॱआङ तोहङबाला ज़ी़दी स्याहल सुङ मेहनाङगे। राहङगी तेहन्दाम जेती किन्ज्योगी लाहम तेन नाङगेन। ता़ह ङ्यिहला सुङ नाङदोङ, छ्य़े-ठिमगी सुङग्यो ल़ेहमु रोमी स्युहङला ठाल च्याङगेन्दी ठाबे यिहम्बा नि मिहम्बा?
ओहले पिलातसगी येशूला टी़हसीन, “च्यि ख्ये क्याहल्बुराङ यिहम्बा ले?” ओहले येशूगी ल़ेहन क्याहप नाङसीन, “ङाह क्याहल्बु यिहन म़ेदीनी राहङगीराङ सुङ नाङगु दु। ङाह दिगी तेहन्दालाराङ क्येक्यो यिहम्बा, ओहले दिगी तेहन्दालाराङ तेहन्दामकी पाङबु तेर्च्येला ङाह दि जाम्बुलीङला ओहङग्यो यिहम्बा। तेहन्दामला यिह छ्य़ेगे थाम्ज्यीगी ङाहती ताम ङ्यिहन्गे।”
ङ्यिहगी ङोह छाएँगी ल़ेहया़ दाङ यिहप्ती-यिहप्ती पेहकेन्गी ल़ेह चोक्पाया़ पाङदी येहबा। ङ्यिह गो़ कोर च्य़ूदी ल़ेह मेहबेकें ओहले किन्ज्योगी सुङला याहर-माहर मेहबेकें। यिहॱनाङ तेहन्दामला ङ्यिह छ्यिसाल-नाहङसाल पेहती प्रा साल्गे ओहले किन्ज्योगी ज़ी़लुला ङ्यिह तेहन्दाम दाङ टाहङबु पेहती मिह थाम्ज्यीगी थोङगे पेहती मिहजी ताङगेराङ येह।
यिहॱनाङ याहर किन्ज्यो लाहमले ओहङग्योगी रिहक्स्यीनी तोहङस्यो क़ेह-चाङमा ओहङगे खोगी स्य़िहदेला यिह छ्य़ेएँ, ओ़ह रिहक्स्यी ज्योर्केन मिह थेका दाङ मिह थाम्ज्यी ङ्याम्बु थिन्गे, खो निङज्यीगी काहङग्यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्बा-ङ्य़ेहरी मेहबेकें, खो यिहन्दो तेन्गे मेहयोहङगे।
ကြော်ငြာတွေ