मत्ती 2:6 - ह्योल्‍मो

⁶ “ए यहूदीयाकी बेथलेहेम, ख्‍ये यहूदीयाकी क्‍याहसागी पाहरक्‍यीला काहन्‍डुमु पेहतीॱआङ फेमा म़ेह, च्‍यिबेमाना ख्‍ये ङो़ले क्‍याहल्‍बु छ्यिम्‍बु च्‍यी़ थेन फेप्‍च्‍ये येह, ओहले मिहरोगीॱराङ कोहरोवागी ल़ेहमु जेती ङाहगी पाहङ-मिहसेर इस्राएलला ज़ी़ नाङज्‍ये येह।”

मत्ती 2:6 ပူးပေါင်းရင်းမြစ်များ

मत्ती 2:1

हेरोद क्‍याहल्‍बुगी ती़हजीला यहूदीयाकी बेथलेहेम माएँ युहलला येशू ठुङ नाङसीन ओहजेला स्‍यारलेगी नामयी ताएँ मिहया़ येशूला छोल्‍दी यरूशलेमला ओहङसीन।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

यूहन्‍ना 21:16

ओहले येशूगी पत्रुसला येहपाराङ टी़ह नाङसीन, “ए यूहन्‍नागी पुह सिमोन, च्‍यि ख्‍ये ङाहला चेवा पेहकें ले?” ओहले पत्रुसगी येशूला मासीन, “लाहसो लाह चो़वो, ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला चारा पेहतोङ।”

यूहन्‍ना 7:42

मास्‍यीका नि दाऊदकी क्‍यिह दाङ दाऊदकी युहल बेथलेहेमलेॱराङ फेप नाङज्‍ये येह म़ेदी च्‍यि सुङरापला प्रुहक्‍यो म़ेहबा ले?”

एफिसी 1:22

ओहले किन्‍ज्‍योगी थाम्‍ज्‍यीराङ से़हया़ मास्‍यीकाकी स्‍याहप चो़ला ज़्‍या़ नाङसीन, ओहले मिहरोला ना थाम्‍ज्‍यीराङ से़हया़ला छेन्‍छोकती गो-छ्येस्‍यो ज़ो नाङसीन।

कलस्‍सी 1:18

मास्‍यीकाला यिह-छ्य़े पेहकेंन छेन्‍छोकया़दी ज़ुबु यिहम्‍बा, ओहले ओ़ह ज़ुबुगी गो़दी मास्‍यीकाॱराङ यिहम्‍बा। ओ़ह छो़बाया़ला मिहली साम्‍बा नाङगेन्‍दीॱआङ मिह-रो़हराङ यिहम्‍बा। मिहरो थाम्‍ज्‍यीराङ से़हया़ला गो-छ्येस्‍यो थेन ख़ूज्‍यु म़ेदी स्‍यिक्‍योया़ नाहङले सोम्‍बो ज़्‍याङ नाङगेन्‍दी तोहङस्‍यो मिह-रो़हराङ यिहम्‍बा।

हिब्रू 7:14

च्‍यिबेमाना ओहराङगी चो़वो यहूदागी छाङ लाहमले ठुङ नाङग्‍यो यिहन म़ेदी मिह थाम्‍ज्‍यीला क्‍यी़ह येहॱराङ येह। यहूदागी छाङ लाहमले पूजाहारी दाम्‍गेन्‍गी तेहन्‍दाला मोशागी च्‍यिॱआङ सुङ नाङदी म़ेह।

ज्‍याल्‍गा 11:15

ओहले तिहम्‍बा स्‍यिहङगामकी स्‍याहप्‍च्‍यीगी राहङ ङ्याम्‍बु येहकेन्‍की रोहवा-लीङ फुसीन, ओहले स्‍यिहङगामला छ्यिम्‍बु-छ्यिम्‍बु सुङ-क़ेगी दि रोहवा सुङ नाङसीन, “जाम्‍बुलीङगी क्‍याहल्‍सी ओहराङ चो़वो दाङ किन्‍ज्‍योकी मास्‍यीकागी क्‍याहल्‍सी काहल्‍दे येह ओहले मास्‍यीकागी नाहम्‍स्‍यी किन्‍दु ओङ छ्य़े नाङज्‍ये येह।”

ज्‍याल्‍गा 2:27

ओ़ह तिङले खुङ थो़ला च्‍या़गी प्रेहका च्‍यी़गी ओङ छ्य़ेज्‍ये येह ओहले खुङला सासाकी निक्‍यीला ल़ेहमुराङ राहप-रोप रोप्‍च्‍ये येह।

ज्‍याल्‍गा 7:17

च्‍यिबेमाना ज़्‍य़ू-ठिकी पाहरक्‍यीला ज़्‍य़ू नाङगेन ल़ूह स्‍ये़बु खुङया़गी कोहरोवा ओहङज्‍ये येह, ओहले खुङया़ला ठिती छ्यु क्‍येज्‍यु थु नोम फेप नाङज्‍ये येह ओहले किन्‍ज्‍योगी खुङगी मी़गी मिज्‍यु थाम्‍ज्‍यीराङ फी़ नाङज्‍ये येह।”