मत्ती 18:5 - ह्योल्‍मो

⁵ ओहले ङाहगी मिहनला दि ल़ेहमु पेहजाला फेप स्‍युहगेन्‍दीगी ङाहलाराङ फेप स्‍युहएँ।”

मत्ती 18:5 ပူးပေါင်းရင်းမြစ်များ

मत्ती 18:4

दि पेहजा ल़ेहमुराङ ङ्येम्‍ज्‍युङ ओहङगे मिहराङ स्‍यिहङगामकी क्‍याहल्‍सीला थाम्‍ज्‍यी म़ेदी चा़ छ्युम्‍बु ओहङगे यिहम्‍बा।

मत्ती 18:6

“यिहॱनाङ सुगी ङाह थो़ला यिह-छ्य़े पेहकेन दि फेमा पेहजाया़ला तिहक्‍पाला छ्यि च्‍य़ूगे, खोलानी ज्‍यिङबाला ला़हवोर च्‍याङदी तिहङ रिहङबु छो-क्‍याहम्‍जोला क्‍युर चाहङना या़हबु ओहङज्‍ये येहकें।

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

मत्ती 25:45

ओ़ह ती़हजीला ज़्‍य़ू-ठिला ज़्‍य़ू नाङगेन क्‍याहल्‍बुगी खुङया़ला दि ल़ेहमु सुङ नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि च्‍यि माहबेबा, ओ़ह ख्‍याया़गी ङाहलाराङ माहबेबा यिहम्‍बा।’

मत्ती 7:8

च्‍यिबेमाना लाङगेन्‍दीगी ज्‍योर्च्‍ये येह, छोल्‍गेन्‍दीगी च्‍य़ेह सिहन्‍ज्‍ये येह, ओहले कोह तुहङदी क़े क्‍याहप्‍केन्‍दीला नाहङलेगी कोह खा फे़ तेर्च्‍ये येह।

मर्कूस 9:37

“ङाहगी मिहनला दि ल़ेहमु पेहजाया़ला फेप स्‍युहगेनया़गी ङाहलाराङ फेप स्‍य़ूहएँ ओहले ङाहला फेप स्‍युहगेनया़गी ङाहला च्‍यी़राङ मिहम्‍बा, ङाहला ताङ नाङगेन याहपलाराङ फेप स्‍य़ूहक्‍यो यिहम्‍बा।”

मर्कूस 9:41

तेहम्‍बाराङ ङाह ख्‍येला माएँ, सुज्‍यीगी ख्‍याला मास्‍यीकादी यिहम्‍बा म़ेदी ङाहगी मिहनला फार्को काहङ छ्यु थुङज्‍येला तेर्सीमाॱनाङ खोगी च्‍याहगा ज्‍योर्च्‍ये येह।”

लूका 9:48

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

यूहन्‍ना 13:20

तेहम्‍बाराङ ङाह ख्‍याया़ला माएँ, ‘का़हन्‍दीला ङाह ताङगे, खोला लोक पेहकेन्‍दीगी ङाहॱलाङ लोक पेहकें, ओहले ङाहला लोक पेहकेन्‍दीगी ङाहला ताङ नाङगेन्‍दीॱलाङ लोक पेहकें’।”

गलाती 4:14

ङाह नेहपा काहल्‍ग्‍योकी ती़हजी ओ़ह ख्‍याया़गी तेहन्‍दाला ङ्याहम्‍छे च्‍यी़ यिहन्‍गे, यिहॱनाङ ख्‍याया़गी ङाहला क्‍युक्‍टो माहबे, ङ्याप्‍च्‍यु माहबे यिहन्‍दी सुङनाङ ख्‍यागी ङाहला किन्‍ज्‍योकी स्‍यिहङगामकी स्‍याहप्‍च्‍यी च्‍यी़ला, मास्‍यीका येशूला ल़ेहमुराङ पेहती ची़नाङ पेहसीन।