मत्ती 17:18 - ह्योल्‍मो

¹⁸ ओहले येशूगी ओ़ह ल्‍हेन्‍डीला काप्‍क्‍येन नाङदी ङ्ये नाङसीन ओहले ओ़ह स्‍यारा लाहम्‍साङराङ टा़हसीन।

मत्ती 17:18 ပူးပေါင်းရင်းမြစ်များ

मत्ती 12:22

ओहले मिहया़गी ल्‍हेन्‍डी स्‍य़ूहक्‍यो मिह च्‍यी़ला येशूसाला ख्‍योङसीन खो मी़ मेहथोङ येहकें ओहले खो तामॱआङ मा मी़हखुएँ येहकें। ओहले येशूगी खोला टा़ह च्‍य़ू नाङ फान्‍ज्‍यो खोगी मी़ थोङगेन दाङ ताम मा ख़ूएँ काहल्‍सीन।

मत्ती 15:28

ओहले येशूगी मोहला सुङ नाङसीन, “ए पोहमो, ख्‍येगी तेहपा छ्यिम्‍बु दु। ख्‍येगी माक्‍यो ल़ेहमुराङ तेहन्‍दा डुप्‍च्‍यु।” ओहजे ती़हजीलाराङ मोहगी पोहमो टा़हसीन।

मत्ती 17:17

येशूगी सुङ नाङसीन, “काहन्‍डुमु यिह-छ्य़े म़ेहबा दाङ नोहङग्‍योगी क्‍यिहपाया़, काहजे ङ्यिहमा थु ङाह ख्‍याया़ ङ्याम्‍बु तेहच्‍ये? नाहम थु ङाहगी ख्‍याया़ला ना़ज्‍ये? केरे खोला ङाहसाला ख्‍येर-स्‍यो ले!”

मत्ती 17:19

तिङले स्‍याहप्‍च्‍यीया़गी येशूला ग्‍या़ यिङबुला ओहङदी टी़हसीन, “ङ्यिहगीदी ओ़ह ल्‍हेन्‍डीला च्‍यिबे तेन मा़हखुबा यिहम्‍बा ले?”

मत्ती 9:22

ओहले येशूगी ल्‍होक लो़हदी ज़ी़ नाङगेमु ओ़ह पी़हमीला ज़ी़सीन ओहले येशूगी ओ़ह पी़हमीला सुङ नाङसीन, “पोहमो ख्‍ये मा-फाम्‍बु माहबे। ख्‍येगी तेहपागी ख्‍येला टा़ह च्‍य़ूदी येह।” ओ़हजेलाराङ ओ़ह पी़हमी टा़हसीन।

मर्कूस 1:34

ओहले येशूगी यिहन्‍जे मिहन्‍जे नाहजाया़गी तुहक्‍पु तेरक्‍यो मिह माहङबुलाराङ टा़ह च्‍य़ू नाङसीन, ओहले मिह माहङबुराङलेगी ल्‍हेन्‍डीया़ तेन नाङसीन। येशू सु यिहम्‍बा म़ेदी ओ़ह ल्‍हेन्‍डीया़ला क्‍यी़ह येहकें ओ़ह सोङबे येशूगी खुङया़ला तामॱराङ मा च्‍य़ू माहनाङ।

मर्कूस 5:8

च्‍यिबेमाना येशूगी ओ़ह मेहचाङा नाम्‍स्‍यीला तोहङलेराङ थेन्‍दी स्‍यो म़ेदी सुङ नाङग्‍यो येहकें।

लूका 4:41

मिह माहङबुलेगीराङ ल्‍हेन्‍डीया़ थेन्‍दी डोएँमु, “राहङ किन्‍ज्‍योगी स़ेबु यिहम्‍बा!” म़ेदी क़े तेन्‍सीन। ओहले येशूगी ओ़ह ल्‍हेन्‍डीया़ला काप्‍क्‍येन नाङदी तामॱराङ मा च्‍य़ू माहनाङ, च्‍यिबे मासीमाना येशू किन्‍ज्‍योगी ताङ नाङग्‍योगी थार्पा थोप च्‍य़ू नाङगेन मास्‍यीका यिहन म़ेदी ओ़ह ल्‍हेन्‍डीया़गी ङोह स्‍ये़उ येहकें।

लूका 8:29

येशूगी मेहचाङा नाम्‍स्‍यीला, “दि मिहलेगी थेन्‍दी सोङ” म़ेदी का नाङग्‍यो सोङगोराङ खोगी ओ़ह रोहवा म़ेदी क़े तेन्‍ग्‍यो येहकें। ओ़ह मिहला मेहचाङा नाम्‍स्‍यी स्‍य़ूहदी ङ्यिहमा माहङबुराङ काहल्‍दी येहकें, लेहमा माहङबुराङ ओ़ह ल्‍हेन्‍डीगी खोला ज़ुङदी तुहक्‍पु तेर्को येहकें। मिहया़गी खोगी काङबा लाहक्‍पाला च्‍याल्‍दागी ताहम्‍दी ता़ ज़्‍या़ॱनाङ खोगी च्‍याल्‍दाया़ च्‍येती, ओ़ह ल्‍हेन्‍डीगी खोला रिह काम्‍बु ग्‍या़या़ला ख्‍येर्को येहकें।

लूका 9:42

ओहले आबादीगी पुहला ख्‍योङगे ख्‍योङगेमुराङ ल्‍हेन्‍डीगी ओ़ह पेहजाला च्‍यार-ताप क्‍याहप्‍ती कक्र्याक-कुक्रुक ज़ोसीन। ओ़हजेलाराङ येशूगी मेहचाङा नाम्‍स्‍यीला काप्‍क्‍येन नाङसीन ओहले ओ़ह पेहजा टा़ह च्‍य़ू नाङदी आबादीला चि क्‍याहप नाङसीन।

ल़ेह-पेन 16:18

ओहले मोहगी ङ्यिहमा माहङबु थु ओ़ह ल़ेहमुराङ म़ेदी क़े तेन्‍दीराङ तेहसीन। ओहले पावल छेर्स्‍यी लाहङदी ल्‍होक लो़हदी ओ़ह ङ्येहम्‍बा नाम्‍स्‍यीला, “येशू मास्‍यीकागी छेनला ख्‍ये दि पोहमोले थेन्‍दी सोङ” म़ेदी ठो़ तेन्‍दी मासीन ओ़हजेलाराङ ओ़ह ङ्येहम्‍बा नाम्‍स्‍यी ओ़ह पोहमोगी ज़ुबुले थेन्‍दी काहल्‍सीन।