मत्ती 14:3 - ह्योल्‍मो

³ तोहङले राहङगी नो़ह फिलिपकी पी़हमी हेरोदियासगी पेहती हेरोदकी यूहन्‍नाला ताहम्‍दी चोन-खाङला लू़क्‍यो येहकें,

मत्ती 14:3 ပူးပေါင်းရင်းမြစ်များ

मत्ती 11:2

बप्‍तिस्‍मा तेर्केन यूहन्‍ना चोन-खाङला येहकेंमु मास्‍यीकागी जे नाङग्‍योगी छ्या़लेया़गी तेहन्‍दाला थ़ेसीन। ओहले यूहन्‍नागी राहङगी स्‍याहप्‍च्‍यीया़ला दि ताम टी़हज्‍येला येशूसाला ताङसीन।

मत्ती 14:6

हेरोदगी क्‍ये़कार ङ्यिहमाला हेरोदियासकी पोहमोगी मिह थाम्‍ज्‍यीगी दिनला छे-मे़हबा या़हबु पेहती छ्याम्‍दी तेन्‍सीन। दि थोङदी हेरोद ज्‍यिबुराङ क़ेहनाङ लाहङसीन

मत्ती 4:12

यूहन्‍ना चोन-खाङला छ्यिसीन दु माएँ ताम थे़दी येशू गालील ङो़ले फेप नाङसीन।

मर्कूस 6:14

येशूगी छेन काहने थेतेराङ फेल्‍ग्‍यो सोङबे हेरोद क्‍याहल्‍बुगीॱआङ येशूगी तेहन्‍दाला थ़ेसीन। लाहला मिहया़गीनी दि ल़ेहमु माएँराङ येहकें, “बप्‍तिस्‍मा तेर्केन्‍गी यूहन्‍ना स्‍यिक्‍योलेगी सोम्‍बो लाहङसीन दु, ओ़ह सोङबे का खोगी दि ल़ेहमु ओङ छ्यिम्‍बुगी ल़ेहया़ पेहकु दु!”

मर्कूस 6:17

ओ़ह म़ेदी तोहङले हेरोदगी यूहन्‍नाला ज़ुङ च्‍य़ूदी ताहम्‍दी चोन-खाङला लू़क्‍यो येहकें च्‍यिबेमाना हेरोदगी राहङदीराङ नो़ह फिलिपकी पी़हमी हेरोदियासला ख्‍योङदी ज़्‍या़क्‍यो येहकें।

मर्कूस 6:19

ओ़ह सोङबे हेरोदियासला यूहन्‍ना ङ्याम्‍बु स्‍यिहताङ लाहङग्‍यो येहकें। मोहगी यूहन्‍नाला सेच्‍ये छोल्‍गो येहकें, यिहॱनाङ हेरोद क्‍याहल्‍बु माहङ्यीहम्‍बा सोङबे मोहगी च्‍यिॱआङ पेह मा़हखु।

मर्कूस 6:22

ओ़ह डेन तेर्के ङ्यिहमाला हेरोदियासगी पोहमो ओहङदी छ्याम्‍सीन। मोहगी छ्याम्‍लु थोङदी क्‍याहल्‍बु दाङ क्‍याहल्‍बुगी डोम्‍बोया़ ज्‍यिबुराङ क़ेहनाङ लाहङसीन। ओहले क्‍याहल्‍बुगी मोहला, “पोहमो ख्‍येला च्‍यि कोहएँ? ख्‍येगी च्‍यि लाङ माएँदी ङाहगी तेर्के” म़ेदी मासीन।

मर्कूस 8:15

ओहले येशूगी स्‍याहप्‍च्‍यीया़ला सुङ नाङसीन, “जेम्‍बु पेहतोङ! फरिसी दाङ हेरोदकी खमिरलेगी जेम्‍दी तेह।”

लूका 13:1

ओहजे काहङला मिहया़गी येशूला दि ल़ेहमु म़ेदी स्‍युहसीन, “मार्च्‍ये फुल तेहकेमु पिलातसगी काहजे गालीलगी मिहया़ला सेत्‍ती खुङया़गी ठा़ ङ्याम्‍बुराङ मार्च्‍येगी ठा़ॱआङ स़ेसीन।”

लूका 13:31

ओ़हजेलाराङ सुज्‍यी फरिसीया़ येशूसाला ओहङदी मासीन, “राहङ देलेगी थेन्‍दी लेहमेन ग्‍या़ च्‍यी़ला फेप नाङदोङ च्‍यिबे मासीमाना हेरोदगी राहङला सेच्‍येला छोल्‍गेराङ येह।”

लूका 23:11

हेरोदगी राहङगी माक्‍मीया़ ङ्याम्‍बु डी़दी येशूला नाम्‍दो पेहती स्‍ये़हन्‍डील पेहसीन। ओहले येशूला क्‍याहल्‍बुगी नोम्‍गे ल़ेहमु नाहम्‍सा केन तेर्ती पिलातस सालाराङ लो़ ताङसीन।

लूका 23:7

ओहले येशू गालील साने़की मिह यिहम्‍बा दु म़ेदी क्‍यी़ह ज्‍योर फान्‍ज्‍यो येशूला क्‍याहल्‍बु हेरोदसाला ताङसीन। ओहजे काहङला हेरोद यरूशलेमलाराङ येहकें।

लूका 3:1

रोमी क्‍याहल्‍बु छ्यिम्‍बु तिबेरिअसगी रोम क्‍याहल-खामगी थो़ला ओङ छ्य़ेदी लोह च्‍ये़ङा काहल सिहन्‍दी येहकें। ओहजे काहङला पन्तियस पिलातस यहूदीया लुहङबागी पोम्‍बो छ्यिम्‍बु येहकें। ओहले रोमी क्‍याहल्‍बुगी ओङ चो़ला हेरोदगी गालील साने़ थो़ला ओङ छ्ये़उ येहकें, ओहले हेरोदगी नो़ह फिलिपगीदी इतुरिया दाङ त्राखोनितिस लुहङबा थो़ला ओङ छ्ये़उ येहकें, ओहले अबिलेने लुहङबाला लुसानियासगी ओङ छ्ये़उ येहकें।

लूका 8:3

क्‍याहल्‍बु हेरोदसाला ल़ेह पेहकें खुजासकी पी़हमी योअन्‍ना दाङ सुसन्‍ना। दि पी़हमीया़ दाङ लेहमेनया़गीॱआङ राहङगी क्‍युह नोहरया़ तेर्ती येशूला स्‍याहप्‍तो स्‍युहउ येहकें।

ल़ेह-पेन 12:1

ओ़ह ती़हजीला हेरोद क्‍याहल्‍बुगी छेन्‍छोककी आदा-नो़हया़ला ज़ुङदे ज्‍यिबुराङ तुहक्‍पु तेर्च्‍ये छ़ूसीन

ल़ेह-पेन 4:27

“तेहम्‍बाराङ राहङगी दाम नाङग्‍यो, राहङगी नाम्‍पार-ताहक्‍पा स्‍याहप्‍च्‍यी येशूला टा़ह पेहती हेरोद दाङ पन्तियस पिलातस खुङ ङ्यी़, ओहले लेहमेन क्‍यिहपा दाङ इस्राएलीया़ ङ्याम्‍बु दि क्‍याहसाला जोम्‍दी येहकें।