मत्ती 11:6 - ह्योल्‍मो

⁶ ङाहगी तेहन्‍दाला थेचुम मेहबेगेन मिह तेहम्‍बाराङ काहजे सोनाम-साक्‍पु।”

मत्ती 11:6 ပူးပေါင်းရင်းမြစ်များ

मत्ती 13:21

यिहॱनाङ दि लोप्‍च्‍युङ खुङया़गी सेमला या़हबु पेहती सू़हक्‍यो मेहयोहङगे ओहले ङ्यिहमा तोबा च्‍यी़राङ लिहकें। किन्‍ज्‍योगी लोप्‍च्‍युङ ङ्यिहन्‍ग्‍यो सोङबे तुहक्‍पु दाङ ङ्येन्‍ज्‍येन ओहङलुङ मे़हबाराङ खुङगी दि लोप्‍च्‍युङ क्‍युर्कें।

मत्ती 18:7

काहजे छा़ तुहवा दि जाम्‍बुलीङ! च्‍यिबेमाना दि जाम्‍बुलीङला मिहया़ला तिहक्‍पाला छ्यि च्‍य़ूगेन्‍गी से़हया़नी माहङबुराङ येह। दि ल़ेहमु तिहक्‍पाला छ्यि च्‍य़ूगेन्‍गी से़हया़नी ओहङॱराङ ओहङगे, यिहॱनाङ ओ़ह मिहला का़हन्‍दीगी तिहक्‍पाला छ्यि च्‍य़ूगे खोला छा़ तुहवा।”

मत्ती 24:10

“ओहजे काहङला मिह माहङबुराङ नार्तो क्‍याहप्‍च्‍ये येह, च्‍यी़गी च्‍यी़ला सा़ क्‍याहप्‍च्‍ये येह, च्‍यी़गी च्‍यी़ला ङेन्‍ज्‍येन पेहच्‍ये येह।

मत्ती 26:31

ओहजेला येशूगी स्‍याहप्‍च्‍यीया़ला सुङ नाङसीन, “तिहरीङ नुहङमु ख्‍याया़ थाम्‍ज्‍यीगी ङाहला क्‍युर ज़्‍या़दी प्रे़हदी डोज्‍ये येह। च्‍यिबेमाना सुङरापला दि ल़ेहमु प्री़हदी येहबा– ‘ङाह कोहरोवाला सेच्‍ये येह ओहले ल़ूहया़ फेतोर कोहतोर डोज्‍ये येह’।”

मत्ती 5:29

का़हलेॱआङ ख्‍येगी योबा मी़गी ख्‍येला तिहक्‍पा पेह च्‍यू़सीमाना ओ़ह मी़ तेन्‍दी क्‍युर चोहङ, च्‍यिबेमाना ख्‍येगी ज़ुबु थाम्‍ज्‍यी ङ्याल्‍वाला छ्यिकें म़ेदीनी मी़ च्‍यी़ मे़हबाराङ काहवा यिहम्‍बा।

मर्कूस 6:3

दि खो ओ़ह मरियमगी पुह स्‍यिङसो ख़ेबा मिहम्‍बा ले? च्‍यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्‍बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये।

लूका 2:34

शिमियोनगी खुङया़ला मेलाम क्‍याहप्‍ती स़ेबुगी आमा मरियमला मासीन, “ङ्यिहन्‍दोङ, इस्राएलला मिह माहङबुगीराङ थार्पा थोप्‍च्‍यु कि-माना तोङदी डोज्‍यु म़ेदीराङ चो़वो छ्येवागी ख्‍येगी स़ेबुलाॱराङ दाम नाङदी येह। मिह-रो़हराङ चो़वो छ्येवागी तेन नाङगेन्‍गी ताक्‍छेन यिहम्‍बा, ओ़हदीला मिह माहङबुगीराङ टाह पेहच्‍ये येह।

लूका 7:23

ङाहला थेचुम मेहबेकें मिह तेहम्‍बाराङ सोनाम-साक्‍पु यिहम्‍बा!” म़ेदी येशूगी सुङ नाङसीन।

यूहन्‍ना 16:1

“ख्‍याया़की तेहपा मा़हलोज्‍यु म़ेदी ङाहगी दि तामया़ माक्‍यो यिहम्‍बा।

यूहन्‍ना 6:66

ओ़ह ती़हजी यिहन्‍ज्‍यु येशूगी स्‍याहप्‍च्‍यीया़ नाहङगी माहङबुराङ स्‍याहप्‍च्‍यीया़ क्‍याहप लो़हसीन ओहले येशूला तिङ ङ्या़ज्‍ये क्‍युर्सीन।

१ कोरिन्‍थी 2:14

का़हन्‍दी मिह यिहक्‍तेन म़ेह, खोगी किन्‍ज्‍योकी थुगी स्‍याहलया़ ल़ेहन मी़हखुएँ। च्‍यिबेमाना ओ़ह से़हया़नी खोगी तेहन्‍दाला उल्‍दुम्‍बा यिहम्‍बा ओ़ह सोङबे खोगी ओ़ह से़हया़ ङोह स्‍य़े मी़हखुएँ, च्‍यिबेमाना ओ़ह से़हया़ यिहक्‍तेन लाहमले च्‍यी़राङ ङोह स्‍य़े ख़ूएँ यिहम्‍बा।

गलाती 5:11

आदा-नो़ह दाङ आज्‍यी-नुहमुया़, ताहन्‍दाॱआङ ङाहगी स्‍या-ताककी तेहन्‍दाला लोप्‍केॱराङ येहसीमानानी ङाहला मिहया़गी च्‍यिबे तुहक्‍पु तेर्केॱराङ येहबा ले? दि केच्‍या तेहम्‍बाराङ यिहन्‍सीमानानी मास्‍यीकागी क्‍याहङस्‍यीङ लाहमले थार्पा ज्‍योर्के माएँ ताम ङाहगी मिहया़ला स्‍येकेमु सुगीॱआङ टाह पेहच्‍ये म़ेहबा येहकें।

१ पत्रुस 2:8

छ्य़ेगी सुङ नाङगे, “तोह च्‍यी़, का़हन्‍दीगी मिहया़ला नार्तो क्‍याहप च्‍य़ूगे, तोह-पा़रा च्‍यी़, का़हन्‍दीगी खुङया़ला रिहल च्‍य़ूगे।” च्‍यिबेमाना खुङ लुहङला मी़हचीएँ ओहले रिहल्‍गे। दि केच्‍या खुङया़गी तेहन्‍दाला किन्‍ज्‍योगी राहङगी थुला तोहङलेराङ ठुङ सिहन्‍दी येहकें।