मत्ती 11:5 - ह्योल्‍मो

⁵ “मी़ मेहथोङगेन मिहया़गी मी़ थोङगोराङ येह, काङबा स्‍योरक्‍यो मिहया़ लाहङदी डोॱराङ येह, जे-ने़ह थेन्‍ग्‍यो मिहया़ टा़हगेॱराङ येह, नाम्‍ज्‍यो मे़हथेगे मिहया़गी थे़एँराङ येह, स्‍यिक्‍यो मिहया़ सोम्‍बो लो़हदीॱराङ येह ओहले प्राङबुया़गी या़हबु लेहङगु ङ्यिहन ङ्युहङगेनॱराङ येह।

मत्ती 11:5 ပူးပေါင်းရင်းမြစ်များ

मत्ती 10:8

नेहपाया़ला टा़ह च्‍य़ूदोङ, स्‍यिक्‍यो मिहया़ला सोम्‍बो लो़ह च्‍य़ूदोङ, जे-ने़ह थेन्‍ग्‍यो मिहया़ला टा़ह च्‍य़ूदोङ, ओहले ल्‍हेन्‍डीया़ला तेन्‍दोङ। ख्‍याया़गी आहन्‍डाराङ ज्‍योर्सीन, आहन्‍डाराङ तेर्तोङ!

मत्ती 11:4

ओहले येशूगी खुङया़ला, “ख्‍याया़गी थे़क्‍यो दाङ थोङग्‍योकी केच्‍याया़ यूहन्‍नाला स्‍ये तेर” म़ेदी सुङ नाङसीन।

मत्ती 12:13

ओ़ह तिङले येशूगी ओ़ह लाहक्‍पा काम्‍ग्‍योगी मिहला, “ख्‍येगी लाहक्‍पा क्‍याङदोङ ले!” म़ेदी सुङ नाङसीन। ओहले खोगी लाहक्‍पा क्‍याङसीन ओहले ओ़ह लाहक्‍पा टा़हसीन।

मत्ती 21:14

ओ़ह तिङले मी़ मेहथोङगे दाङ काङबा कुच्‍या काहल्‍ग्‍योया़ छ्योखाङला येशूसाला ओहङसीन। येशूगी खुङया़ला टा़ह च्‍य़ू नाङसीन।

मत्ती 5:3

“सेमला प्राङबु येहकेनया़ काहजे सोनाम-साक्‍पु, च्‍यिबेमाना स्‍यिहङगामकी क्‍याहल्‍सी खुङया़दीॱराङ यिहन।

मत्ती 9:30

ओहले खुङ ङ्यी़गी मी़ थोङगेन काहल्‍सीन। ओहले येशूगी खुङला, “दि केच्‍या सुॱलाङ छोर मा़हच्‍यु” म़ेदी का नाङसीन।

मर्कूस 7:37

दि केच्‍या थे़गेनया़ मिह थाम्‍ज्‍यीगी ज्‍यिबुराङ ह्‍अ ल़ेहदी, “मिहरोगी थाम्‍ज्‍यीराङ छ्या़लेया़ या़हबु जे-नाङदी येह। मिहरोगी नाम्‍ज्‍यो मे़हथेगेनया़ला थ़े ख़ूएँ ज़ो नाङगे ओहले ताम मेहथेन्‍गेनया़ॱलाङ ताम मा ख़ूएँ ज़ो थुप्‍कें” म़ेदी मासीन।

मर्कूस 9:25

मिह मिह-माहङ जोम्‍दी राहङ ङो़ले ओहङग्‍यो ज़ी़ नाङदी येशूगी मेहचाङा नाम्‍स्‍यीला काप्‍क्‍येन नाङगेराङ सुङ नाङसीन, “ए लेम्‍बा दाङ नाम्‍ज्‍यो थ़े मी़हच्‍युएँ ज़ोएँगी नाम्‍स्‍यी, ओ़ह पेहजालेगी थेन्‍दी स्‍यो ओहले येहपाराङ नाहमॱआङ लो़हदी खो नाहङला मा़हस्‍युह!”

लूका 4:18

“चो़वो छ्येवा किन्‍ज्‍योगी थु ङाह ङ्याम्‍बु ज़्‍य़ू नाङदी येह, प्राङबुया़ला या़हबु लेहङगु स्‍येतोङ सुङदी किन्‍ज्‍योगी ङाहला दाम्‍दी ताङ नाङग्‍यो यिहम्‍बा, ताहम्‍दी ज़्‍या़क्‍योया़ला स्‍यी़ तेर्च्‍येला, मी़ मेहथोङगेनया़ला मी़ थोङ च्‍य़ूज्‍येला, नेम्‍दी ज़्‍या़क्‍योया़ला लाहङ च्‍य़ूज्‍येला,

यूहन्‍ना 10:25

ओहले येशूगी खुङया़ला सुङ नाङसीन, “ङाहगी तोहङलेराङ ख्‍याया़ला मा सिहन्‍दी येह, यिहॱनाङ ख्‍यागी यिह मे़हछ्ये दु। ङाहगी याहपकी छेनला च्‍यि च्‍यि ल़ेहया़ पेहपा, ओ़ह ल़ेहया़गीॱराङ ङाह सु यिहम्‍बा म़ेदी तेन्‍गे।

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 2:23

थार्पा छ्येपागी ती़हजीला यरूशलेमला ज़्‍य़ू नाङगेमु येशूगी माहङबुराङ याहम्‍जेन छ्येवागी छ्या़लेया़ जे नाङसीन। दि थोङदी मिह माहङबुगीराङ येशूला यिह छ्य़ेसीन।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 5:36

“यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

यूहन्‍ना 9:7

“ता़हनी सोङ, सिलोआमकी छोला काहल्‍दी तोहङबा ठी़दोङ।” (सिलोआम माएँगी तेहन्‍दा, “ताङ नाङग्‍यो” यिहम्‍बा।) ओहले ओ़ह मिहगी सिलोआम छोला काहल्‍दी तोहङबा ठुसीन ओहले खो मी़ थोङगेन काहल्‍दी लो़ह ओहङसीन।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?