मत्ती 11:30 - ह्योल्‍मो

³⁰ त़ेदोङ, ङाहगी ङ्यास्‍यीङ ज्‍यो़-तेहमु येह ओहले ङाहगी खुर्पु याहङदी येह” म़ेदी येशूगी सुङ नाङसीन।

मत्ती 11:30 ပူးပေါင်းရင်းမြစ်များ

मत्ती 12:1

ओहजे काहङला येशू थाङ सोएँ ङ्यिहमाला ने़ह-स्‍यिहङलेगी जेती फेप नाङगेराङ येहकें। ओहले येशूगी स्‍याहप्‍च्‍यीया़ तो़क्‍यो सुङगोराङ खुङया़ ने़ह-सी़ ट़ूहदी साहज्‍ये छ़ूसीन।

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

ल़ेह-पेन 15:10

ओ़ह सोङबे स्‍याहप्‍च्‍यीया़गी ताक्‍चाला दि ङ्यास्‍यीङ ज़्‍या़ नाङदी च्‍यिबे किन्‍ज्‍योगी छेता पेहकें? मोशागी नाङग्‍यो छ्य़े-ठिम ओहराङगी चावाया़गीॱआङ ची़ मा़हखुबा येहकें ओहले ओहराङगीॱआङ ची़ मी़हखुएँ।

ल़ेह-पेन 15:28

ता़ह ची़ कोहएँगी तामया़ म़ेदी लेहमेन, राहङ फे़बेया़ला मोशागी नाङग्‍योकी ठिमगी खुर्पु खुर मी़हच्‍य़ूज्‍येला किन्‍ज्‍योगी नाम्‍पार-ताहक्‍पा थुगी ङ्यिहला तेन नाङसीन।

२ कोरिन्‍थी 4:17

ङ्यिहगी ताहन्‍दा खुरक्‍यो तुहक्‍पु तिङले ज्‍योर्केन्‍की च्‍यि स़ेह ङ्याम्‍बुॱआङ दुर मी़हखुएँ ज़िज्‍यिद टेहम्‍बा साल्‍गेमुनी तेहम्‍बाराङ दि तुहक्‍पुनी च्‍यिॱआङ मिहन।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

गलाती 5:18

यिहॱनाङ ता़ह ख्‍या नाम्‍पार-ताहक्‍पा थुगी तेन नाङग्‍योकी लाहमला डोलु-तेहलु पेहक्‍यो यिहन्‍सीमानानी ख्‍या ता़हनी छ्य़े-ठिमकी ओङ चो़ला ज्‍युल्‍दी म़ेह।

फिलिप्‍पी 4:13

च्‍यिबेमाना ङाहला ओङ नाङगे मास्‍यीका लाहमलेॱराङ ङाह ना थाम्‍ज्‍यी पेह ख़ूएँ।

१ यूहन्‍ना 5:3

च्‍यिबेमाना किन्‍ज्‍योगी काया़ ङ्यिहन्‍गेन्‍दीॱराङ ओहराङगी किन्‍ज्‍योला चेवा पेहक्‍यो यिहम्‍बा। किन्‍ज्‍योगी काया़ ची़ज्‍येला ओहजेबा खेन्‍दा-का़हबु म़ेह।