मत्ती 11:1 - ह्योल्‍मो

¹ राहङगी स्‍याहप्‍च्‍यी च्‍यिङ्यी़ला दि स्‍याहल स्‍ये छार फान्‍ज्‍यो येशू ओ़ह ग्‍या़लेगी खुङया़गी क्‍याहसाया़ला लोप्‍च्‍ये दाङ या़हबु लेहङगु ख्‍येप्‍टा ताङज्‍येला फेप नाङसीन।

मत्ती 11:1 ပူးပေါင်းရင်းမြစ်များ

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

मत्ती 4:23

ओहले येशूगी खुङया़गी छो़खाङया़ला लोप्‍केॱराङ, किन्‍ज्‍योगी क्‍याहल्‍सीगी तेहन्‍दाला लेहङगु या़हबुया़ स्‍येकेराङ, ओहले मिहया़ला क्‍याहप्‍क्‍योगी नमे-नाजो नाहजाया़ दाङ ज़ुबुगी ने़-क्‍यालया़ला टा़ह च्‍य़ू नाङदी गालील साने़ काहङ्येॱराङ कोरा क्‍याहप नाङसीन।

मत्ती 7:28

ओहले येशूगी दि स्‍याहलया़ सुङ छार फान्‍ज्‍यो मिह मिह-माहङ येशूगी सुङदेन थे़दी ज्‍यिबुराङ ह्‍अ ल़ेहसीन।

मत्ती 9:35

येशू क्‍याहसा क्‍याहसा दाङ युहल युहलगी छो़खाङया़ला सुङदेन ख्‍येप्‍टा नाङगेनॱराङ किन्‍ज्‍योगी क्‍याहल्‍सीकी तेहन्‍दाला या़हबु लेहङगुगी केच्‍याया़ स्‍ये नाङसीन, ओहले मिहया़दी नामे-नाजो नाहजाया़ दाङ नेहपाया़ला टा़ह-च्‍यू़ नाङसीन।

मर्कूस 6:12

ओ़ह तिङले स्‍याहप्‍च्‍यीया़ काहल्‍दी मिहया़ला “सेमगी स्‍या़बा पेहती तिहक्‍पा पाङदोङ” म़ेदी लोप्‍च्‍युङ तेर्च्‍ये छ़ूसीन।

लूका 23:5

यिहॱनाङ खुङया़गी क़े तेन्‍दी मासीन, “दि मिहगी गालील साने़लेगी छ़ूदी थाम्‍ज्‍यीराङ यहूदीया ओहले दि ग्‍या़ थु खोगी लोप्‍च्‍युङया़ तेर्ती मिहया़ला गो़ कोर च्‍य़ूएँराङ येहबा।”

लूका 8:1

ओहले येशू क्‍याहसा क्‍याहसा दाङ युहल युहलला स्‍य़ूहदी किन्‍ज्‍योगी क्‍याहल्‍सीगी तेहन्‍दाला मिहया़ला लेहङगु या़हबुया़ स्‍येती फेप नाङसीन। येशूगी स्‍याहप्‍च्‍यी च्‍यिङ्यी़ॱआङ येशू ङ्याम्‍बुराङ येहकें।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

ल़ेह-पेन 1:2

येशू राहङगीराङ दाम नाङग्‍योकी ल़ेह-पेनया़ला नाम्‍पार-ताहक्‍पा थु लाहमले का नाङ सिहन फान्‍ज्‍यो येशू स्‍यिहङगामला फेप नाङग्‍यो थु थाम्‍ज्‍यीराङ तामया़ तोहङमा छ्य़ेला प्री़हदी येह।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 10:42

या़हबु लेहङगु स्‍येच्‍ये दाङ किन्‍ज्‍योगी येशूला सोम्‍बो दाङ स्‍यिक्‍यो मिहया़ला ठिम ताङज्‍येला का नाङदी येह म़ेदी पाङबु तेर्च्‍येला ङ्यिहया़ला का नाङसीन।

१ थेसलोनिकी 4:2

च्‍यिबेमाना ङ्यिहगी चो़वो येशू लाहमले ज़्‍योरक्‍योगी का़हन्‍दी काया़ ख्‍या फ़ेबे-म़ेहमेया़ला तेर्पा ओ़हदी राहङ फ़ेबे-म़ेहमेया़ला थुयी़राङ येह।

२ थेसलोनिकी 3:10

ख्‍या फ़ेबे-म़ेहमेॱया ङ्याम्‍बु तेहकेमु ङ्यिहगी दि का तेरक्‍यो येहकें “ल़ेह मेहबेकेंया़गी तोॱआङ माहसाहज्‍यु।”

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

१ तिमोथी 6:14

ङाह ख्‍येला दि का तेर्को येह, ख्‍येगी ओहराङगी चो़वो येशू मास्‍यीका माहफेप थु ख्‍येगी दि काया़ या़हबु पेहती ची़दोङ ओहले सुगीॱआङ ख्‍येला फातुर च़ू माहङ्युहङज्‍यु।