Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




मत्ती 10:3 - ह्योल्‍मो

3 फिलिप दाङ बारथोलोमाइ, थोमा दाङ ठाल तुहएँगी मत्ती, अल्‍फयसकी पुह याकूब दाङ थेदियस,

အခန်းကိုကြည့်ပါ။ ကော်ပီ




मत्ती 10:3
30 ပူးပေါင်းရင်းမြစ်များ  

ओहजे पेहतीॱआङ खोगी ताम मिहङ्यीहन्‍सीमाना छेन्‍छोकला काहल्‍दी ख्‍येगी ताम थाम्‍ज्‍यी प्रा साल तेर ओहले खुङगी तामॱआङ खोगी मिहङ्यीहन्‍सीमाना खोला किन्‍ज्‍योला ङोह मे़हस्‍येएँगी मिहया़ दाङ घूस लेहन्‍गेन्‍गी ठाल तुहएँगी तिहक्‍च्‍येम्‍बा मिहया़ ल़ेहमुराङ यिहन म़ेदी सेमला ने़दोङ।”


खुङ नाहङला मरियम मग्‍दलिनी, याकूब दाङ योसेफकी आमा मरियम दाङ जब्‍दियागी पुह पिन ङ्यी़गी आमा यिहन्‍गे।


येशू ओहलेगी फेप नाङगेमु मत्ती माएँ मिह च्‍यी़ला ठाल तुहएँगी खाङबाला तेहक्‍यो ज़ी़ नाङसीन, ओहले खोला येशूगी सुङ नाङसीन, “ङाहला ताहदा क्‍याहप्‍ती स्‍यो।” ओहजेला मत्ती लाहङदी येशूला ताहदा क्‍याहप्‍ती काहल्‍सीन।


लाहला पी़हमी पेहजाया़गीॱआङ था़-रिहङबुलेगीॱराङ लाहङदी त़ेदी तेहक्‍यो येहकें। ओ़ह पी़हमी-पेहजाया़दी मरियम मग्‍दलिनी ओहले फेमा याकूब दाङ योसेफगी आमा मरियम दाङ सलोमी यिहन्‍गे।


ओहले ओहलेगी फेप्‍केमु फेप-लाहमला येशूगी मिह च्‍यी़ ठाल तुहएँगी खाङबाला तेहक्‍यो ज़ी़ नाङसीन। खो अल्‍फयसकी पुह लेवी यिहन्‍गे। ओहले येशूगी खोला, “ङाहला ताहदा क्‍याहप्‍ती स्‍यो!” म़ेदी सुङ नाङसीन। दि थे़दी खो लाहङदी येशूला ताहदा क्‍याहप्‍ती काहल्‍सीन।


ओहले अन्‍द्रियास, फिलिप, बारथोलोमाइ, मत्ती, थोमा, अल्‍फयसकी पुह याकूब, थेदियस, सिमोन कनानी,


“ङ्यिहमा च्‍यी़ फरिसी दाङ ठाल तुहएँ मिह ङ्यी़ छ्योखाङला सोल्‍वाङ ताप्‍च्‍येला काहल्‍सीन।”


“ओहले फरिसीगी लाहङदी सेम सेमलाॱराङ दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह राहङला थुज्‍यी-छ्ये़ फुल्‍गे! च्‍यिबेमाना ङाह राहङसा मिहया़गी ल़ेहमु च्‍याहक्‍पा पेहती म़ेह। यिह-छ्य़े मी़हखुएँगी ल़ेह पेहती म़ेह। ङाहगी छ्येउ-छ्येंमु पेहती म़ेह। ओहले ङाह दि ठाल तुहएँ मिह ल़ेहमु मिहन।


“ओहले ठाल तुहएँ मिहगीदी क्‍याहङलेराङ लाहङदी स्‍यिहङगाम ङो़ले ता मा़हखुबा पेहती राहङगी प्राहङगो तुहङदी किन्‍ज्‍योला दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह तिहक्‍च्‍येम्‍बा यिहन, ङाहला थुज्‍यी ज़ी़-नाङदोङ!’


ओ़ह क्‍याहसाला जखायस मिहन थो़क्‍योगी मिह छ्युक्‍पु च्‍यी़ येहकें। खो ठाल तुहएँया़गी मिह छ्यिम्‍बु यिहन्‍गे।


ओहले येशू ओ़ह ग्‍या़लेगी थेन्‍दी फेप्‍ती तिङला लेवी माएँ मिह च्‍यी़ ठाल तुहएँ ग्‍या़ला तेहक्‍यो ज़ी़ नाङसीन। खो ठाल तुहएँ मिह यिहन्‍गे। ओहले येशूगी खोला, “ङाहगी तिङदा तिङ स्‍यो” म़ेदी सुङ नाङसीन।


ओहले नथानेलगी टी़हसीन “ङाहला राहङगी काह-ठि पेहती ङोह ख्‍येन्‍बा ले?” ओहले येशूगी खोला ल़ेहन क्‍याहप्‍ते सुङ नाङसीन, “फिलिपगी ख्‍येला क़े क्‍याहप्‍केन म़ेदी तोहङले ङाहगी ख्‍येला को़स्‍यीङ तोहङबो चो़ला थोङग्‍यो येहकें।”


ओहले स्‍याहप्‍च्‍यीया़ नाहङगी दिदुमस माएँ थोमागी राहङगी लेहमेन रो़हया़ला मासीन, “लो, ता़ह ओहराङॱआङ लोबेन ङ्याम्‍बुराङ डोएँ ओहले मिहरो ङ्याम्‍बुराङ स्‍यिएँ।”


ओहले यहूदागी येशूला मासीन, “चो़वो, च्‍यिबे राहङ ङ्यिहसाला च्‍यी़राङ राहङला तेन्‍ज्‍येला फेप नाङगे, यिहॱनाङ जाम्‍बुलीङगी मिहया़ सालाती च्‍यिबे फेप मेहनाङगे?” (दि यहूदा इस्‍करियोतती मिहम्‍बा यिहन्‍गे।)


थोमागी येशूला स्‍युहसीन, “ओ़ चो़वो, राहङ का़हला फेप नाङगेराङ येहबा, ओ़ह ङ्यिहला क्‍यी़ह म़ेह ओहले ङ्यिहगी लाहम काह-ठि पेहती ङोह स्‍य़े ख़ूज्‍ये ले?”


येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?


सिमोन-पत्रुस, दिदुमस माएँगी थोमा, गालीलगी काना माएँ क्‍याहसाकी नथानेल, जब्‍दियागी पुह ङ्यी़, ओहले येशूकी लेहमेन स्‍याहप्‍च्‍यी ङ्यी़ ङ्याम्‍बुराङ जोम्‍दी येहकें।


ओहले यरूशलेम क्‍याहसाला लेप्‍ती खुङ राहङ तेहकेन्‍गी खाङबागी थो़मे तेङला काहल्‍सीन। खुङ फ़ेबेॱया मेहन्‍दा च्‍यू़ज्‍यी येहके– पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसकी पुह याकूब, देशभक्त माएँगी सिमोन दाङ याकूबकी पुह यहूदा येहकें।


ओहले पत्रुसगी, “ख्‍या मे़हमेया़ खाजुम तेह” म़ेदी ला़हदाप पेहसीन। ओहले चो़वो छ्येवागी खोला चोन-खाङले तेन नाङग्‍योकी ताम थाम्‍ज्‍यीराङ स्‍येसीन। ओहले, “याकूब दाङ लेहमेन आदा नो़हया़ॱलाङ दि ताम स्‍ये तेर” म़े ज़्‍या़दी खो ओ़ह ग्‍या़ले तेन्‍दी काहल्‍सीन।


ओहले खुङ ङ्यी़गी ताम मा सिहन फान्‍ज्‍यो याकूबगी लाहङदी मासीन, “आदा-नो़हया़, सेन नाङदोङ!


ओहले नाहङबार च्‍युङ पावल ङ्यिह ङ्याम्‍बुराङ याकूबसाला काहल्‍सीन। ङ्यिह याकूबगी खाङबाला लेप्‍केमुनी ओ़हला थाम्‍ज्‍यी एल्‍डरया़ छो़दी तेहक्‍यो दुबा।


यिहॱनाङ ओ़हला ङाहगी चो़वो छ्येवागी नो़ह याकूबला मिहम्‍बा लेहमेन ल़ेह-पेन सुॱलाङ माह-थु।


याकूब, केफास दाङ यूहन्‍ना छेन्‍छोककी गो-छ्येवा गोबाया़ यिहन्‍गे ओहले खुङ फे़बेया़गी किन्‍ज्‍योगीॱराङ ङाहला काटीन नाङग्‍यो दु माएँ ताम ङोह स्‍य़े फान्‍ज्‍यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्‍यिहपाकी मिहया़की पाहरक्‍यीला ल़ेह पेहकें काहल्‍सीन ओहले खुङ फ़ेबेया़ती यहूदीया़की पाहरक्‍यीला ल़ेह पेहकें काहल्‍सीन।


किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।


ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ