मत्ती 10:17 - ह्योल्मो17 यिहॱनाङ मिहया़ ङ्याम्बु जेम्बु पेह, च्यिबेमाना खुङया़गी ख्याया़ला ठिमखाङया़ला ख्येर्च्ये येह ओहले खुङया़गी छो़खाङया़ला ख्याया़ला ताक्स्यु क्याहप्च्ये येह। အခန်းကိုကြည့်ပါ။ |
मत्ती 10:17
26 ပူးပေါင်းရင်းမြစ်များ
ता़ह या़हबु पेहती ङ्यिहन्दोङ, ङाह ख्याया़साला लुहङतेम्बा, खेम्बा ताहक्पु मिहया़ दाङ तेहन्दामकी छ्य़े-ठिमकी लोबेनया़ ताङ चाहङज्ये येह। खुङया़ नाहङला ख्याया़गी लाहलाला सेच्ये येह, लाहलाला क्याहङस्यीङला च्याङज्ये येह ओहले लाहलालादी छो़खाङया़ला ताक्स्यु क्याहप्च्ये येह ओहले लाहलाला क्याहसा च्यी़ले लेहमेन क्याहसा थु ङेच्ये येह।
यिहॱनाङ ङाह ख्याया़ला माएँ, का़हन्दीगी राहङगी नो़ह ङ्याम्बु स्यिहताङ पेहकें खो ङ्य़ेहबा खुर्च्ये सी़हएँ, ओहले का़हन्दीगी राहङगी नो़हला ङ्याप्च्यु पेहकें, खोगी छो़बा छ्यिम्बुगी दिनला ल़ेहन क्याहप कोहच्ये येह। यिहॱनाङ का़हन्दीगी राहङगी नो़हला ‘ख्ये उल्दुम्बा’ म़ेदी माएँ, खो ङ्याल्वागी मेहला छ्यिकेन्गी ज्यिक्पा ओहङज्ये येह।”
ख्यादी जेम्बु पेहती तेह च्यिबेमाना मिहया़गी ख्याला ज़ुङदी ठिम-खाङला ख्येर्च्ये येह ओहले छो़खाङया़ला ख्येर्ती ताक्स्यु क्याहप्च्ये येह। ख्याला ङाहगी पेहती स्युहङ-पेन छ्यिम्बु दाङ क्याहल्बुया़गी दिनला लाहङ च्य़ूज्ये येह। ओहले ख्यागी ङाहगी तेहन्दाला खुङया़ला पाङबु तेर कोहच्ये येह।
ङाह यहूदीया़की छो़खाङया़ला काहल्दी चो़वो येशूला यिह-छ्य़े पेहकेन्गी मिहया़ला ला़ खाजेबा तुहक्पु तेर्ती खुङया़ला चो़वो येशू ङो़ले तेहपा लो़ह च्य़ूज्ये म़ेदी माहङबुराङ तुहक्पु तेर्सीन। ङाह खुङ ङ्याम्बु स्यिहताङगी मेहॱराङ पाहर्ती येहकें ओ़ह सोङबे ङाह लेहमेन लुहङबागी क्याहसाया़ला काहल्दीॱआङ खुङया़ला तुहक्पु तेर्च्ये छ़ूसीन।
ओहले “दमस्कस छो़खाङगी पोम्बोया़ला ङाहगी ङोहस्यी तेर्ते यिहगी प्री़हदी नाङदोङ,” म़ेदी स्युहसीन। “दमस्कसला काहल्दी ओ़ह थार्पा ज्योर्केन माएँ लाहमला स्युहक्योगी क्येप-ख्योवा दाङ पी़हमी-पेहजा थाम्ज्यीलाराङ छोल्दे छोल्दे ज़ुङदी यरूशलेमला ख्योङ ङ्युहङज्यु,” म़ेदी खोगी गो-छ्येवा पूजाहारी ङ्याम्बु ओङ लाङसीन।
ကြော်ငြာတွေ