मत्ती 10:14 - ह्योल्‍मो

¹⁴ का़हलेॱआङ सुज्‍यीगी ख्‍याया़ला चा़ मेहबेसीमाना, ओहले ख्‍याया़गी तामॱराङ मिहङ्यीहन्‍सीमानानी ओ़ह खाङबा क्‍यिनी ओ़ह क्‍याहसालेगी थेन्‍दी डोएँमु ख्‍याया़गी काङबागी थाल्‍बी प्रू़ ज़्‍या़दोङ।

मत्ती 10:14 ပူးပေါင်းရင်းမြစ်များ

मत्ती 10:13

ओ़ह खाङबागी मे़हमेया़ ख्‍याया़गी तेरक्‍योगी मेलाम सी़हज्‍ये येहसीमाना ओ़ह खाङबाला मेलाम थोप्‍च्‍ये येह। यिहॱनाङ खुङया़ मेलाम थोप्‍च्‍ये सी़हज्‍ये मे़हसीमानानी ख्‍याया़गी तेरक्‍योगी मेलाम ख्‍यासालाॱराङ लो़ह ओहङज्‍ये येह।

मत्ती 18:5

ओहले ङाहगी मिहनला दि ल़ेहमु पेहजाला फेप स्‍युहगेन्‍दीगी ङाहलाराङ फेप स्‍युहएँ।”

मर्कूस 6:11

ओहले युहलला लेप्‍केमु ख्‍याला सु मिह च्‍यी़गीॱआङ फेप मेहस्‍युहसीमाना ओहले ख्‍यागी ताम मिहङ्यीहन्‍सीमाना ओ़ह मिहया़ला किन्‍ज्‍योगी ताङ नाङगेन्‍गी छ्य़े-ठिमगी ज्‍यी़-ङोर तेन्‍दे राहङगी काङबागी थाल्‍बी ओ़हलाराङ प्रू़दी ओ़ह युहललेगी थेन्‍दी सोङ।”

मर्कूस 9:37

“ङाहगी मिहनला दि ल़ेहमु पेहजाया़ला फेप स्‍युहगेनया़गी ङाहलाराङ फेप स्‍य़ूहएँ ओहले ङाहला फेप स्‍युहगेनया़गी ङाहला च्‍यी़राङ मिहम्‍बा, ङाहला ताङ नाङगेन याहपलाराङ फेप स्‍य़ूहक्‍यो यिहम्‍बा।”

लूका 9:48

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

लूका 9:5

मिहगी युहलला लेप्‍ते ख्‍याला सुगीॱआङ फेप मिहस्‍युहसीमाना ओ़ह युहलले थेन्‍दी डोएँमु ओ़ह युहलगी मिहया़ला किन्‍ज्‍योगी ठिम ताङ नाङज्‍ये येह म़ेदी तेन्‍ज्‍येला ख्‍यागी काङबाला ज़्‍योरक्‍योगी थाल्‍बी प्रू़दी ज़्‍यो़!” म़ेदी येशूगी स्‍याहप्‍च्‍यीया़ला सुङ नाङसीन।

यूहन्‍ना 13:20

तेहम्‍बाराङ ङाह ख्‍याया़ला माएँ, ‘का़हन्‍दीला ङाह ताङगे, खोला लोक पेहकेन्‍दीगी ङाहॱलाङ लोक पेहकें, ओहले ङाहला लोक पेहकेन्‍दीगी ङाहला ताङ नाङगेन्‍दीॱलाङ लोक पेहकें’।”

ल़ेह-पेन 13:51

ओहले पावल दाङ बारनाबासकी खुङया़ला ज्‍यी़-ङोर तेर्ती राहङगी काङबाकी थाल्‍बी प्रू़ ज़्‍या़दी खुङ आइकोनियन साने़ला ओहङसीन।

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।