मत्ती 1:23 - ह्योल्‍मो

²³ “त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

मत्ती 1:23 ပူးပေါင်းရင်းမြစ်များ

मत्ती 1:24

ओहले योसेफ ङ्यि स़े फान्‍ज्‍यो चो़वो छ्येवागी स्‍यिहङगामकी स्‍याहप्‍च्‍यीगी मिलामला सुङ नाङग्‍योकी स्‍याहल ङ्यिहन्‍दी मरियमला पा़हमा पेहती राहङसाला ख्‍योङसीन।

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

लूका 20:44

“दाऊद राहङगीराङ मास्‍यीकाला चो़वो छ्येवा म़े फान्‍ज्‍यो काहन्‍डुमु पेहती मास्‍यीकाला दाऊदगी छार्क्‍यीन यिहन म़ेदी मा ख़ूएँ?”

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

ल़ेह-पेन 18:9

कुहङमु च्‍यी़ चो़वोगी पावलला ज्‍याल्‍गा नाङदी सुङ नाङसीन, “सुॱलाङ मा़हन्‍ज्‍यी, खाजुम माहतेह, या़हबु लेहङगुया़ स्‍येकेराङ सोङ।

रोमी 8:31

ता़ह दि केच्‍याला साम्‍लु ताङगेमु ओहराङगी च्‍यि माज्‍ये ले? का़हलेॱआङ किन्‍ज्‍यो ओहराङ छ्यो़ले ज़्‍य़ू नाङदी येहसीमानानी ओहराङला सुगी टाह पेह खू़रो ले?

रोमी 9:5

इस्राएलीया़ ज्‍यिबुराङ छ्यिम्‍बु मिहन थोप्‍क्‍यो चावाया़गी छार्क्‍यीन यिहम्‍बा, मास्‍यीका मिहरोॱआङ दि क्‍यिहपाला ठुङ नाङसीन। मिहरोनी थाम्‍ज्‍यी थो़ला ठिम ताङ नाङगे किन्‍ज्‍योॱराङ यिहम्‍बा। मिहरोला नाहम-माना त़ेरा तेच्‍या फुल्‍ज्‍यु। आमेन।

२ कोरिन्‍थी 5:19

येशू मास्‍यीका लाहमले किन्‍ज्‍योगी मिह थाम्‍ज्‍यीला येहपाराङ थिन च्‍य़ू नाङगेराङ येह। किन्‍ज्‍योगी खुङया़गी तिहक्‍पाया़ च्‍यिॱआङ टाहङजी ज़्‍या़ माहनाङ, यिहॱनाङ खुङया़ला किन्‍ज्‍यो ङ्याम्‍बु थिन च्‍य़ूएँ ठालगी लेहङगु मिहरोगी ङ्यिहला चि क्‍याहप नाङसीन।

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

२ तिमोथी 4:17

यिहॱनाङ लेहमेहन क्‍यिहपागी मिह थाम्‍ज्‍यीगी ङ्यिहन ख़ूज्‍यु म़ेदी चो़वो ङाह ङ्याम्‍बु ज़्‍य़ू नाङसीन, ओहले निङ थाक्‍पा यिहन्‍ज्‍युराङ किन्‍ज्‍योकी सुङ प्रा-साल्‍ज्‍येला ङाहला ओङ नाङसीन। ओहले चो़वोगी ङाहला सिङग्‍यी-ता़गी खाले थार च्‍य़ू नाङसीन।

२ तिमोथी 4:22

चो़वो ख्‍येगी नाम्‍स्‍यी ङ्याम्‍बुराङ ज़्‍य़ू नाङज्‍यु। ख्‍या ङ्याम्‍बु किन्‍ज्‍योकी काटीन ज्‍यू़-नाङज्‍यु।