मत्ती 1:22 - ह्योल्‍मो

²² लुहङतेम्‍बा लाहमले चो़वोगी सुङ नाङग्‍योकी स्‍याहल तेहन्‍दा डुप्‍च्‍येला दि थाम्‍ज्‍यी काहल्‍ग्‍यो यिहम्‍बा:

मत्ती 1:22 ပူးပေါင်းရင်းမြစ်များ

मत्ती 12:17

ओहले दि ल़ेहमु पेहती यशैया लुहङतेम्‍बागी सुङ नाङग्‍योकी स्‍याहल तेहन्‍दा डुप्‍सीन।

मत्ती 13:21

यिहॱनाङ दि लोप्‍च्‍युङ खुङया़गी सेमला या़हबु पेहती सू़हक्‍यो मेहयोहङगे ओहले ङ्यिहमा तोबा च्‍यी़राङ लिहकें। किन्‍ज्‍योगी लोप्‍च्‍युङ ङ्यिहन्‍ग्‍यो सोङबे तुहक्‍पु दाङ ङ्येन्‍ज्‍येन ओहङलुङ मे़हबाराङ खुङगी दि लोप्‍च्‍युङ क्‍युर्कें।

मत्ती 13:35

ओहले दि ल़ेहमु पेहती लुहङतेम्‍बागी सुङ नाङग्‍योकी दि स्‍याहल तेहन्‍दा डुप्‍सीन– ङाह खुङया़ला पे ज़्‍या़दी ताम माज्‍ये येह ओहले जाम्‍बुलीङ छ्या़गे यिहन्‍ज्‍यु पे़हदी ज़्‍या़क्‍योगी तामया़ ङाहगी स्‍येच्‍ये येह।

मत्ती 2:15

ओहले हेरोद मा़हस्‍यी थु खुङ मिश्र क्‍याहल-खापलाॱराङ तेहसीन। लुहङतेम्‍बा लाहमले चो़वो छ्येवागी सुङ नाङग्‍योकी स्‍याहल दि ल़ेहमु पेहती तेहन्‍दा डुप्‍सीन, “ङाहगी राहङगी पुहला मिश्र क्‍याहल-खापले क़े क्‍याहप्‍सीन।”

मत्ती 2:23

ओहले खुङ नासरत माएँ क्‍याहसाला काहल्‍दी तेहसीन। दि ल़ेहमु पेहती लुहङतेम्‍बाया़ लाहमले सुङ नाङग्‍योकी स्‍याहल तेहन्‍दा डुप्‍सीन, “मिहरोला नासरी माज्‍ये येह।”

मत्ती 5:17

“मोशागी नाङग्‍योकी छ्य़े-ठिम दाङ लुहङतेम्‍बाया़गी सुङ नाङग्‍यो स्‍याहल च्‍येच्‍येला ङाह ओहङग्‍यो म़ेदी मा़हने। ङाह ओ़ह मोशागी नाङग्‍योकी छ्य़े-ठिम दाङ लुहङतेम्‍बाया़गी सुङ नाङग्‍योकी स्‍याहल च्‍येच्‍येला मिहम्‍बा यिहॱनाङ तेहन्‍दा डुप च्‍य़ूज्‍येला ओहङग्‍यो यिहम्‍बा।

मत्ती 8:17

दि ल़ेहमु पेहती यशैया लुहङतेम्‍बागी सुङ नाङग्‍योकी स्‍याहल तेहन्‍दा डुप्‍सीन– “मिहरोगी ओहराङगी तुहक्‍पु दाङ नाहजाया़ नोम्‍दी राहङगीराङ खुर नाङसीन।”

लूका 21:22

च्‍यिबेमाना, ओ़हदीॱराङ ङ्य़ेहबा फो़एँगी ती़हजी यिहम्‍बा, ओहले सुङरापला प्रुहक्‍योगी केच्‍या थाम्‍ज्‍यीराङ तेहन्‍दा डुप्‍च्‍ये येह।

लूका 24:44

येशूगी खुङया़ला सुङ नाङसीन, “ख्‍या ङ्याम्‍बु तेहकेमु ङाहगी ख्‍याला माक्‍यो मिहन ले, मोशागी नाङग्‍योकी छ्य़े-ठिम, लुहङतेम्‍बा दाङ छ्य़े-लुगी छ्य़ेला ङाहगी तेहन्‍दाला प्रुहक्‍योगी थाम्‍ज्‍यीराङ केच्‍याया़ तेहन्‍दा डुपॱराङ कोहकें।”

यूहन्‍ना 10:35

किन्‍ज्‍योगी देला सु ङ्याम्‍बु स्‍याहल सुङ नाङबा, खुङया़ला किन्‍ज्‍योगी ल्‍हाया़ म़ेदी सुङ नाङसीन मासीमाना (सुङरापला प्रुहक्‍योगी किन्‍ज्‍योगी स्‍याहल नाहम्‍माॱनाङ तेहम्‍बा-तेहन्‍सुमराङ ओहङगे।)

यूहन्‍ना 15:25

यिहॱनाङ, छ्य़े-ठिमला प्रुहक्‍योकी दि स्‍याहल तेहन्‍दा डुप्‍च्‍येला दि काहल्‍ग्‍यो यिहम्‍बा, ‘खुङया़गी ङाहला च्‍यिॱआङ तेहन्‍दा मे़हबाला ङ्येन्‍ज्‍येन पेहसीन।’

यूहन्‍ना 17:12

ङाह खुङ ङ्याम्‍बु येहकें थु राहङगी ङाहला नाङग्‍योकी राहङगी छेनला ङाहगी खुङया़ला तेम्‍बु पेहती ज़्‍या़सीन ओहले थार च्‍य़ूसीन। खुङया़ नाहङला तोङदी डो कोहएँगी पुह च्‍यी़ले ल्‍हाक्‍पु लेहमेन सुॱआङ तोङदी माहकाहल, च्‍यिबेमाना सुङरापला प्रुहक्‍योकी स्‍याहल तेहन्‍दा डुपॱराङ कोहच्‍ये येहकें।

यूहन्‍ना 18:9

“राहङगी ङाहला नाङग्‍योया़ नाहङला मेहन्‍दा च्‍यी़ॱआङ तोर च्‍य़ूदी म़ेह” म़ेदी मिहरोगी सुङ नाङग्‍योकी स्‍याहल तेहन्‍दा डुप्‍च्‍यु म़ेदी दि काहल्‍ग्‍यो यिहम्‍बा।

ल़ेह-पेन 3:18

मास्‍यीकागी ओहप-क्‍याल खुर नाङ कोहच्‍ये येह म़ेदी किन्‍ज्‍योगी माहङबुराङ तोहङ यिहन्‍ज्‍यु लुहङतेम्‍बाया़ ङो़ले सुङ नाङग्‍यो स्‍याहल किन्‍ज्‍योगी दि ल़ेहमु जेती तेहन्‍दा डुप्‍च्‍यु नाङसीन।

रोमी 1:2

ओ़ह या़हबु लेहङगु किन्‍ज्‍योगी लोह माहङबु तोहङले राहङगी लुहङतेम्‍बाया़ लाहमले नाम्‍पार-ताहक्‍पा सुङरापला ताहम्‍ज्‍या ज़्‍या़ नाङग्‍यो येहकें।

ज्‍याल्‍गा 17:17

च्‍यिबेमाना किन्‍ज्‍योगी सुङ तेहन्‍दा माहन्‍डुप थु सेम च्‍यी़ डी़दी खुङया़गी राहङगी क्‍याहल्‍बुकी ओङ ओ़ह सेम्‍ज्‍येनला तेर्ती किन्‍ज्‍योगी थु-सेम छाङबु पेहच्‍येला मिहरोगी खुङगी सेमला दि स्‍याहल ज़्‍या़ नाङसीन