मत्ती 1:21 - ह्योल्‍मो

²¹ मोहगी स़ेबु च्‍यी़ ठुङज्‍ये येह, ओहले ख्‍येगी ओ़ह स़ेबुगी छेन येशू ज़्‍या़दोङ च्‍यिबेमाना येशूगी राहङगी मिहया़ला तिहक्‍पालेगी थार च्‍य़ू नाङज्‍ये येह” म़ेदी सुङ नाङसीन।

मत्ती 1:21 ပူးပေါင်းရင်းမြစ်များ

मत्ती 1:25

यिहॱनाङ मरियमगी स़ेबु माहठुङ थु खुङ ङ्यी़गी ली़ह-प्रेहल माहबे। मरियमगी स़ेबु ठुङ फान्‍ज्‍यो योसेफगी ओ़ह स़ेबुगी छेन येशू म़ेदी ज़्‍या़सीन।

लूका 1:13

ओहले स्‍यिहङगामकी स्‍याहप्‍च्‍यीगी सुङ नाङसीन, “ए जकरिया, ख्‍ये मा़हन्‍ज्‍यी, च्‍यिबेमाना ख्‍येगी ताप्‍क्‍यो सोल्‍वाङ किन्‍ज्‍योगी सेन नाङदी येह। ता़ह ख्‍येगी पी़हमी एलीशिबागी ख्‍येगी तेहन्‍दाला पुह च्‍यी़ क्‍येज्‍ये येह, ओहले ख्‍येगी खोगी मिहन यूहन्‍ना ज़्‍या़दोङ।

लूका 1:31

ता़ह ङ्यिहन्‍दोङ, ख्‍ये ज़ुबु ङ्यिहपा डोज्‍ये येह, ओहले ख्‍येगी स़ेबु च्‍यी़ ठुङज्‍ये येह, ख्‍येगी ओ़ह स़ेबुगी छेन येशू ज़्‍या़दोङ।

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

लूका 2:21

ओहले मोशागी छ्य़े-ठिमला ल़ेहमुराङ ओ़ह स़ेबु ठुङदी ङ्यिहमा क्‍ये़ह डोएँ ङ्यिहमु स्‍या-ताक पेहसीन, ओहले ओ़ह स़ेबुला येशू माएँ छेन ता़सीन। ओहले ओ़ह छेनदी मरियम ज़ुबु ङ्यिहपा डोएँ म़ेदी तोहङलेराङ स्‍यिहङगामकी स्‍याहप्‍च्‍यीगी नाङग्‍यो येहकें।

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

ल़ेह-पेन 13:23

राहङगी ज़्‍या़ नाङग्‍योकी ताहम्‍ज्‍या तेहन्‍दा डुप च्‍यु नाङदी किन्‍ज्‍योगी इस्राएली क्‍याहल-खापकी मिहया़गी तेहन्‍दाला क्‍याहल्‍बु दाऊदगी क्‍यिहलेगीराङ थार्पा थोप च्‍य़ू नाङगेन मेहन्‍दा च्‍यी़ ताङ नाङसीन, ओ़हदीॱराङ येशू यिहम्‍बा।

ल़ेह-पेन 3:26

ख्‍या फे़बे ऱेह-ऱेहला राहङगी ङ्येहम्‍बा ल़ेहया़ ङो़ले लो़-ख्‍योङदी ख्‍या फे़बेया़ला ओ़ह मेलाम नाङज्‍ये सुङदी किन्‍ज्‍योगी राहङला स्‍याहप्‍तो स्‍युहएँ येशूला थाम्‍ज्‍यी म़ेदी तोहङले ख्‍या फे़बेया़साला ताङ नाङसीन।”

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

ल़ेह-पेन 5:31

इस्राएली मिहया़गी सेमगी स्‍या़बा पेहती तिहक्‍पालेगी कोहङदा ज्‍योर्च्‍यु म़ेदी किन्‍ज्‍योगी येशूला थार्पा नाङगेन क्‍याहल्‍बु ज़ो नाङदी राहङगी योबा ङो़गी ज़्‍य़ू-ठिला ज़्‍या़ नाङसीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

१ यूहन्‍ना 3:5

ख्‍याया़ला क्‍यी़हराङ येह मिहगी तिहक्‍पा ता़ह च्‍य़ूज्‍येला मास्‍यीका फेप नाङसीन ओहले मिहरोला तिहक्‍पा च्‍यी़ॱआङ म़ेह।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”