मत्ती 1:1 - ह्योल्‍मो

¹ अब्राहाम दाङ दाऊदकी छार्क्‍यीन येशू मास्‍यीकाकी क्‍यिहया़–

मत्ती 1:1 ပူးပေါင်းရင်းမြစ်များ

मत्ती 1:18

येशू मास्‍यीका दि ल़ेहमु जेती ठुङ नाङसीन: येशूकी आमा मरियम, योसेफ ङ्याम्‍बु लाङज्‍याङ काहल्‍दी येहकें, यिहॱनाङ खुङ ङ्यी़गी पा़हमा पेहकें म़ेदी तोहङले मरियम नाम्‍पार-ताहक्‍पा थु लाहमले ज़ुबु ङ्यिहपा काहल्‍ग्‍यो क्‍यी़ह ज्‍योर्सीन।

मत्ती 1:2

अब्राहामकी पुह इसहाक, इसहाककी पुह याकूब, याकूबकी पुह यहूदा दाङ खोगी आदा-नो़हया़ यिहन्‍गे।

मत्ती 15:22

ओ़ह ग्‍या़गी पी़हमी च्‍यी़ ओहङदी क़े तेन्‍दी मासीन, “ओ़ चो़वो, दाऊदकी स़ेबु ङाहला निङज्‍यी जे नाङदोङ! ङाहगी पोहमोला ल्‍हेन्‍डीगी ज्‍यिबुराङ तुहक्‍पु तेर्ते येह।”

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

मत्ती 9:27

येशू ओ़ह ग्‍या़लेगी फेप नाङगेमु मी़ मेहथोङगेन मिह ङ्यी़गी “ओ़ दाऊदकी स़ेबु, ङ्यिहला निङज्‍यी जे नाङदोङ” म़ेदी क़े तेन्‍गेॱराङ येशूला ताहदा क्‍याहप्‍ती काहल्‍सीन।

लूका 1:33

खोगी नाहम-माना याकूबकी क्‍यिह थो़ला ओङ छ्य़ेज्‍ये येह ओहले खोगी ओङ जेकेन्‍गी ती़हजी नाहमॱआङ चो़हज्‍ये म़ेह” म़ेदी स्‍यिहङगामकी स्‍याहप्‍च्‍यीगी मरियमला सुङ नाङसीन।

यूहन्‍ना 7:42

मास्‍यीका नि दाऊदकी क्‍यिह दाङ दाऊदकी युहल बेथलेहेमलेॱराङ फेप नाङज्‍ये येह म़ेदी च्‍यि सुङरापला प्रुहक्‍यो म़ेहबा ले?”

ल़ेह-पेन 2:30

यिहॱनाङ क्‍याहल्‍बु दाऊद लुहङतेम्‍बा यिहन्‍गे, ओहले खोगी छार्क्‍यीनलेगीराङ मेहन्‍दा च्‍यी़ खोगी ज़्‍य़ू-ठिला ज़्‍य़ू च्‍य़ू नाङज्‍ये येह म़ेदी खोला क्‍यी़ह येहकें। च्‍यिबेमाना किन्‍ज्‍योगी खो ङ्याम्‍बु दि ताहम्‍ज्‍या ज़्‍या़ नाङदी येहकें।

रोमी 1:3

ओ़ह या़हबु लेहङगुदी किन्‍ज्‍योगी स़ेबु ओहराङ चो़वो येशू मास्‍यीकाकी तेहन्‍दाला यिहम्‍बा। ओहले मिहरो मिहगी मिहली नोम्‍दी क्‍याहल्‍बु दाऊदगी क्‍यिहला ठुङ नाङसीन।

रोमी 4:13

अब्राहामगी छ्य़े-ठिम ची़क्‍यो सोङबे मिहम्‍बा, यिहॱनाङ खोगी किन्‍ज्‍योला यिह छ्य़ेक्‍यो सोङबे खो टाहङबु सी़ह ख़ूसीन ओहले किन्‍ज्‍योगी खो दाङ खोगी छार्क्‍यीनया़ला जाम्‍बुलीङला ओङ ज्‍योर्केया़ ज़ो नाङज्‍ये येह सुङदी ताहम्‍ज्‍या ज़्‍या़ नाङसीन।

रोमी 9:5

इस्राएलीया़ ज्‍यिबुराङ छ्यिम्‍बु मिहन थोप्‍क्‍यो चावाया़गी छार्क्‍यीन यिहम्‍बा, मास्‍यीका मिहरोॱआङ दि क्‍यिहपाला ठुङ नाङसीन। मिहरोनी थाम्‍ज्‍यी थो़ला ठिम ताङ नाङगे किन्‍ज्‍योॱराङ यिहम्‍बा। मिहरोला नाहम-माना त़ेरा तेच्‍या फुल्‍ज्‍यु। आमेन।

गलाती 3:16

तोहदामया़ अब्राहाम दाङ खोगी छार्क्‍यीनया़ला नाङग्‍यो येहकें। सुङरापगी “छार्क्‍यीनया़ला” म़ेदी सुङ मेहनाङगे, दिगीनी मिह माहङबुलाराङ माक्‍यो यिहन म़ेदी गा तेन्‍गे यिहम्‍बा। यिहॱनाङ सुङरापगी “ख्‍येगी छार्क्‍यीनला” म़ेदी सुङ नाङगे, दिगी मेहन्‍दा च्‍यी़लाज्‍यीॱराङ तेन्‍गे, ओ़ह मास्‍यीका यिहम्‍बा।

१ तिमोथी 2:5

ओहराङ किन्‍ज्‍योॱआङ च्‍यिमे च्‍यी़राङ येह ओहले मिहया़ला किन्‍ज्‍यो ङ्याम्‍बु थ़ू च्‍य़ू थुप्‍केन्‍दीॱआङ च्‍यिमे च्‍यी़राङ येह, ओ़ह थ़ू च्‍य़ू नाङगेन मिहदी मास्‍यीका येशू यिहम्‍बा।

२ तिमोथी 2:8

टोहङग्‍योया़लेगी सोम्‍बो ज़्‍याङ नाङग्‍योकी क्‍याहल्‍बु दाऊदकी क्‍यी़ह येशू मास्‍यीकाला टेहम्‍बा साल्‍दोङ, ङाहगी प्रा साल्‍ग्‍योगी या़हबु लेहङगु दिराङ यिहम्‍बा।

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”