लूका 9:56 - ह्योल्‍मो

⁵⁶ ओहले येशू स्‍याहप्‍च्‍यीया़ ङ्याम्‍बु लेहमेन युहलला फेप नाङसीन।

लूका 9:56 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 18:11

[च्‍यिबेमाना मिहगी स़ेबु तोरक्‍योया़ला थार च्‍य़ूज्‍येला ओहङग्‍यो यिहम्‍बा।”]

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

मत्ती 5:39

यिहॱनाङ ङाह ख्‍याया़ला माएँ, ख्‍याया़गी सु ङ्याम्‍बुॱआङ क्‍यिम्‍बा माहलेहन। का़हलेॱआङ सुज्‍यीगी ख्‍येगी योबा डाम्‍बाला क्‍याहप्‍सीमाना योमा डाम्‍बाॱआङ सेहतेर।

लूका 19:10

ङाह मिहगी स़ेबु तोरक्‍यो मिहया़लाॱराङ छोल्‍ज्‍ये दाङ थार्पा तेर्च्‍ये म़ेदी ओहङग्‍यो यिहम्‍बा” म़ेदी येशूगी सुङ नाङसीन।

लूका 22:51

ओहले येशूगी, “माहक्‍याहप, खोला ले ताङदोङ!” म़ेदी सुङ नाङदी ओ़ह योक्‍पुगी नाम्‍ज्‍यो दे़दी टा़ह च्‍य़ू नाङसीन।

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

लूका 9:55

दि ताम सेन्‍दी येशूगी खुङ ङो़ले ज़ी़दी काप्‍क्‍येन नाङसीन।

लूका 9:57

ओहले येशू दाङ स्‍याहप्‍च्‍यीया़ लाहमला फेप्‍केराङ जेकेमु मिह च्‍यी़ ओहङदी येशूला स्‍युहसीन, “लोबेन ला़ह, राहङ का़हला फेप नाङगे ङाहॱआङ राहङगी तिङदा तिङ ओहङगे।”

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

यूहन्‍ना 12:47

सुगी ङाहती ताम ङ्यिहन्‍गे, ओहले ओ़ह मी़हचीगे, ङाह खोला ठिम मेहताङ। च्‍यिबेमाना ङाह जाम्‍बुलीङला ठिम ताङज्‍येला ओहङग्‍यो मिहन, यिहॱनाङ जाम्‍बुलीङला थार च्‍य़ूज्‍येला ओहङग्‍यो यिहम्‍बा।

यूहन्‍ना 3:17

च्‍यिबेमाना किन्‍ज्‍योगी जाम्‍बुलीङला ङ्य़ेहबा फो़ च्‍य़ूज्‍ये म़ेदी स़ेबुला दि जाम्‍बुलीङला ताङ माहनाङ यिहॱनाङ जाम्‍बुलीङ मिहरो लाहमले थार ख़ूज्‍यु म़ेदी स़ेबुला दि जाम्‍बुलीङला ताङ नाङसीन।

रोमी 12:21

चोक्‍पागी ख्‍येला माहक्‍याहल्‍ज्‍यु यिहॱनाङ या़हबुगी चोक्‍पाला क्‍याहल ख़ूज्‍यु।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।