लूका 9:48 - ह्योल्‍मो

⁴⁸ ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

लूका 9:48 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 18:14

ओ़ह ल़ेहमुराङ पेहती स्‍यिहङगामला ज़्‍य़ू नाङगेन ख्‍याया़गी किन्‍ज्‍यो याहपगी दि फेमाया़ नाहङला सुज्‍यीॱआङ माहतोर्च्‍यु म़ेदी थु-सेम जे नाङगे।”

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

मत्ती 25:45

ओ़ह ती़हजीला ज़्‍य़ू-ठिला ज़्‍य़ू नाङगेन क्‍याहल्‍बुगी खुङया़ला दि ल़ेहमु सुङ नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि च्‍यि माहबेबा, ओ़ह ख्‍याया़गी ङाहलाराङ माहबेबा यिहम्‍बा।’

मर्कूस 9:37

“ङाहगी मिहनला दि ल़ेहमु पेहजाया़ला फेप स्‍युहगेनया़गी ङाहलाराङ फेप स्‍य़ूहएँ ओहले ङाहला फेप स्‍युहगेनया़गी ङाहला च्‍यी़राङ मिहम्‍बा, ङाहला ताङ नाङगेन याहपलाराङ फेप स्‍य़ूहक्‍यो यिहम्‍बा।”

लूका 10:16

ओहले येशूगी स्‍याहप्‍च्‍यीया़ला सुङ नाङसीन, “ख्‍यागी ताम ङ्यिहन्‍गेन्‍दीगी ङाहगी ताम ङ्यिहन्‍गे, ख्‍याला मिहङ्यीहन्‍गेया़गी ङाहॱलाङ मिहङ्यीहन्‍गे, ओहले ङाहला मिहङ्यीहन्‍गेया़गी ङाहला ताङ चाहङ नाङगेन किन्‍ज्‍योॱलाङ मिहङ्यीहन्‍गे” म़ेदी येशूगी सुङ नाङसीन।

लूका 14:11

च्‍यिबे मासीमाना, राहङगी राहङला छ्यिम्‍बु ज़ोएँदी फेमा ओहङज्‍ये येह, ओहले राहङगी राहङला फेमा ज़ोएँदी छ्यिम्‍बु डोज्‍ये येह।”

लूका 22:26

ख्‍या नाहङदुङ दि ल़ेहमु ओहङज्‍ये मेहयोहङगे। ख्‍या नाहङला थाम्‍ज्‍यी म़ेदी का़हन्‍दी छ्यिम्‍बु येहबा ओ़हदी थाम्‍ज्‍यी म़ेदी फेमा ल़ेहमु पेहती तेह कोहएँ, ओहले गोबा ओहङज्‍ये सेम पेहकेनया़गी योक्‍पुकी ल़ेहमुराङ पेहती स्‍याहप्‍तो स्‍युह कोहएँ।

लूका 22:30

ख्‍या ङाहगी क्‍याहल्‍सीला ङाह ङ्याम्‍बुराङ तेहती साहज्‍ये येह, ओहले ठिला तेहती इस्राएली छाङ च्‍यिङ्यी़ थो़ला ठिम ताङज्‍ये येह” म़ेदी येशूगी सुङ नाङसीन।

लूका 7:28

“ङाहगी ख्‍याला माएँ, पी़हमी पेहजाया़ ङो़ले क्‍येक्‍योगी पेहजाया़ नाहङला, यूहन्‍ना म़ेदी छ्यिम्‍बु मी़ह सुॱआङ म़ेह। यिहॱनाङ, किन्‍ज्‍योगी क्‍याहल्‍सीला सु थाम्‍ज्‍यी म़ेदी फेमा येहबा, खो यूहन्‍ना म़ेदीॱआङ छ्यिम्‍बु यिहम्‍बा” म़ेदी येशूगी सुङ नाङसीन।

यूहन्‍ना 13:20

तेहम्‍बाराङ ङाह ख्‍याया़ला माएँ, ‘का़हन्‍दीला ङाह ताङगे, खोला लोक पेहकेन्‍दीगी ङाहॱलाङ लोक पेहकें, ओहले ङाहला लोक पेहकेन्‍दीगी ङाहला ताङ नाङगेन्‍दीॱलाङ लोक पेहकें’।”

यूहन्‍ना 14:21

ङाहला चेवा पेहकें मिहगी ङाहती का ङ्यिहन्‍दी ची़गे। ओहले ङाहला चेवा पेहकें मिहला ङाहती याहपगी चेवा जे नाङगे। ङाह खोला चेवा पेहच्‍ये येह, ओहले ङाह खोसाला डोज्‍ये येह।”

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।

१ पत्रुस 5:6

ओ़ह सोङबे किन्‍ज्‍योगी ओङज्‍या छ्यिम्‍बु छ्या़ चो़ला राहङला स्‍यिहवा पेहसीनमाना किन्‍ज्‍योगी राहङगी ती़हजीला ख्‍याया़ला याहर याहर क्‍या़ नाङज्‍ये येह।

ज्‍याल्‍गा 21:14

ओ़ह क्‍याहसाकी चिक्‍पागी ब्रामया़ च्‍यिङ्यी़ येहकें। ओ़ह थो़ला ल़ूह स्‍ये़बुकी ल़ेह-पेन च्‍यिङ्यी़दीॱराङ मिहनया़ प्री़हदे येहकें।

ज्‍याल्‍गा 3:21

का़हन्‍दीगी क्‍याहल्‍गे, खोला ङाह ङ्याम्‍बु ङाहती ठिला तेहच्‍येला ओङ तेर्के। ङाह राहङगीॱआङ क्‍याहल्‍ग्‍यो सोङबे ङाहती याहप ङ्याम्‍बु मिहरोगी ज़्‍य़ू-ठिला ङाह तेहती येहबा।