लूका 9:45 - ह्योल्‍मो

⁴⁵ स्‍याहप्‍च्‍यीया़गी दि केच्‍या ह्‍अ मा़हकेह, च्‍यिबेमाना दि केच्‍या खुङया़गी ह्‍अ माहकोहज्‍यु म़ेदी खुङया़ ङो़ले पे़हदी ज़्‍या़क्‍यो येहकें। ओहले च्‍यी़ सुङ नाङग्‍यो यिहम्‍बानी म़ेदी खुङया़गी येशूला टी़हज्‍येला आप-छ्ये मा़हखु।

लूका 9:45 ပူးပေါင်းရင်းမြစ်များ

मत्ती 16:22

दि थे़दी पत्रुसगी येशूला ग्‍या़ च्‍यी़ला ख्‍येर्ती मासीन, “किन्‍ज्‍योगी दि ल़ेहमु डो च्‍य़ू माहनाङच्‍यु। चो़वो छ्येवा! दि ल़ेहमुनी राहङला नाहमॱआङ माहयोहङज्‍यु।”

मत्ती 17:22

स्‍याहप्‍च्‍यीया़ ङ्याम्‍बुराङ गालील साने़ला ज़्‍य़ू नाङगेमु येशूगी खुङया़ला सुङ नाङसीन, “ता़ह मिहगी स़ेबुला ज़ुङदी मिह ङ्येहम्‍बाया़गी लाहक्‍पाला चि क्‍याहप्‍च्‍ये येह।

मर्कूस 9:10

खुङगी ओ़ह केच्‍या राहङ-राहङगी सेमला ज़्‍या़सीन यिहॱनाङ “स्‍यिदीले सोम्‍बो लो़हदी ओहङगेन माक्‍योदी च्‍यि यिहम्‍बा?” म़ेदी राहङ नाहङदुङ ताम माज्‍ये छ़ूसीन।

मर्कूस 9:32

यिहॱनाङ स्‍याहप्‍च्‍यीया़गी दि केच्‍यागी तेहन्‍दा ह्‍अ मा़हकेह ओहले खुङगी येशूला स्‍युहवा फुल मा़हखु।

लूका 18:34

यिहॱनाङ स्‍याहप्‍च्‍यीया़गी दि केच्‍याया़ च्‍यिॱआङ ङोह मा़हस्‍ये। दि केच्‍या खुङया़गी तेहन्‍दाला सङदे ज़्‍या़दी येहकें, येशूगी च्‍यि सुङ नाङग्‍यो यिहम्‍बा म़ेदी खुङया़गी साम्‍लुॱराङ ताङ मा़हखु।

लूका 2:50

यिहॱनाङ येशूगी सुङ नाङग्‍योकी स्‍याहल मरियम दाङ योसेफगी ह्‍अ मा़हकेह।

लूका 9:46

ओहले स्‍याहप्‍च्‍यी च्‍यिङ्यी़ नाहङला, “सु छ्यिम्‍बु यिहम्‍बा?” म़ेदी कालाम काहल्‍सीन।

यूहन्‍ना 12:16

ओ़ह ती़हजीला येशूगी स्‍याहप्‍च्‍यीया़गी दि केच्‍याया़ ङोह मा़हस्‍ये। यिहॱनाङ येशू टोहङदी येहपाराङ सोम्‍बो ज़्‍याङ फान्‍ज्‍यो स्‍यिहङगामकी ज़िज्‍यिदला लो़हदी फेप नाङदी च्‍यी़राङ खुङया़गी छ्य़ेला प्रुहक्‍योकी केच्‍याया़ तेहन्‍दा डुप्‍च्‍येला गा दि ल़ेहमु काहल्‍ग्‍यो दुबा म़ेदी ह्‍अ कोहसीन।

यूहन्‍ना 12:34

ओहले मिहया़गी मासीन, “मास्‍यीकानी नाहम्‍स्‍यी किन्‍दुॱराङ थार्च्‍ये येह म़ेदी ङ्यिहगी छ्य़े लाहमले थे़दी येहबा। यिहॱनाङ मिहगी स़ेबुला क्‍या़ कोहएँ म़ेदी राहङगी काह-ठि पेहती सुङ ख़ूएँ ले? राहङगी सुङ नाङग्‍यो मिहगी स़ेबुती सु यिहम्‍बा ले?”

यूहन्‍ना 14:5

थोमागी येशूला स्‍युहसीन, “ओ़ चो़वो, राहङ का़हला फेप नाङगेराङ येहबा, ओ़ह ङ्यिहला क्‍यी़ह म़ेह ओहले ङ्यिहगी लाहम काह-ठि पेहती ङोह स्‍य़े ख़ूज्‍ये ले?”

यूहन्‍ना 4:33

दि स्‍याहल थे़दे स्‍याहप्‍च्‍यीया़गी राहङ नाहङदुङ ताम माज्‍ये छ़ूसीन, “सुज्‍यीगी लोबेनला छ्येच्‍ये से़हया़ ख्‍योङदी नाङबा नि च्‍यि यिहम्‍बा?”