लूका 9:31 - ह्योल्‍मो

³¹ खुङया़ स्‍यिहङगामकी क्‍या-साङेला येहपा छ्या़दे येहकें ओहले यरूशलेमला येशू टोहङ कोहएँगी तेहन्‍दाला येशू ङ्याम्‍बु स्‍याहल सुङगेराङ येहकें।

लूका 9:31 ပူးပေါင်းရင်းမြစ်များ

लूका 9:22

दि का नाङ सिहन फान्‍ज्‍यो येशूगी येहपाराङ सुङ नाङसीन, “मिहगी स़ेबुगी तुहक्‍पु माहङबुराङ ना़ कोहज्‍ये येह, एल्‍डर, पूजाहारी छ्यिम्‍बु दाङ खेम्‍बुया़गी खोला चा़ पेहच्‍ये म़ेह, ओहले तिङले सेच्‍ये येह। यिहॱनाङ, ङ्यिहमा सुम ङ्यिहमु किन्‍ज्‍योगी ङाहला सोम्‍बो लो़ह च्‍य़ू नाङज्‍ये येह” म़ेदी येशूगी स्‍याहप्‍च्‍यीया़ला सुङ नाङसीन।

लूका 9:30

ओहले याहम्‍बीज्‍यीलाराङ मिह ङ्यी़ फोक थेन्‍दी येशू ङ्याम्‍बु स्‍याहल सुङज्‍ये छ़ूसीन। खुङ ङ्यी़दी मोशा दाङ एलिया यिहन्‍गे!

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

२ कोरिन्‍थी 3:18

ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।

फिलिप्‍पी 3:21

मास्‍यीकागी ओङ लाहमले थाम्‍ज्‍यीराङ से़हया़ला राहङती ओङ चो़ला नोम फेप नाङज्‍ये येह ओहले ओ़ह ओङ लाहमलेॱराङ ओहराङदी दि स्‍यिदी डोएँ ज़ुबुला मिहरोदी ल़ेहमुराङ ज़िज्‍यिद-च्‍येन ज़ो नाङज्‍ये येह।

कलस्‍सी 3:4

ख्‍यागी तेहन्‍दामगी मिहलीनी मास्‍यीकाॱराङ यिहम्‍बा ओहले मास्‍यीका जाम्‍बुलीङला लो़हदी फेप नाङगेमु मिह थाम्‍ज्‍यीगी मिहरोला थोङज्‍ये येह, ओ़ह ती़हजीला ख्‍याया़लाॱआङ मिहरोकी ज़िज्‍यिद ङ्याम्‍बुराङ ओहङग्‍यो थोङज्‍ये येह।

हिब्रू 11:22

तेहपा लाहमलेॱराङ योसेफगी राहङ स्‍यिएँ म़ेदी तोहङले इस्राएलीया़ मिश्र क्‍याहल-खापलेगी थेन्‍दी डोएँगी तेहन्‍दाला स्‍य़ेसीन, ओहले खो राहङगी फुङबुला च्‍यि पेह कोहएँ यिहम्‍बा ओ़हगी तेहन्‍दालाॱआङ योसेफगी पुहया़ला स्‍य़ेक्‍यो येहकें।

१ पत्रुस 5:10

थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।

२ पत्रुस 1:15

ओहले ङाह स्‍यिदी तिङलेॱआङ ख्‍यागी दि तामया़ टेहम्‍बा साल ख़ूज्‍यु म़ेदी ला़ खाएँ थु ङाहगी ख्‍याया़ला लोप तेर्च्‍ये येह।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”