लूका 9:29 - ह्योल्‍मो

²⁹ ओहले येशू सोल्‍वाङ ताप-ताप्‍पा काहङला येशूगी स्‍याहल्‍दोङ ग्‍युर नाङसीन, ओहले मी़राङ छ्यिप्‍कें थु येशूगी नाहम्‍सा कार्पु पेहती ओहङसीन।

लूका 9:29 ပူးပေါင်းရင်းမြစ်များ

मत्ती 17:2

ओ़हला लेप फान्‍ज्‍यो स्‍याहप्‍च्‍यीया़गी ताताबा काहङला येशूकी कुसो ग्‍युर्सीन। येशूगी स्‍याहल्‍दोङ ङ्यिहमा ल़ेहमुराङ येहसेर क्‍याहप्‍सीन ओहले येशूकी नाहम्‍सादी येहपा छ्या़दी कार्पु काहल्‍सीन।

मर्कूस 16:12

ओ़ह तिङले युहलला डोज्‍ये पेहक्‍योगी स्‍याहप्‍च्‍यी ङ्यी़साला येशू खुङ ङ्यी़गी पाहरक्‍यीला ङोहॱराङ स्‍य़े मिहखुएँ छ्याप्‍स्‍यी जेती फेप नाङसीन।

लूका 3:21

ओहले मिह थाम्‍ज्‍यीगी बप्‍तिस्‍मा लेहन्‍सीन, ओहले येशूगीॱआङ बप्‍तिस्‍मा नोम्‍दी सोल्‍वाङ ताप्‍ती ज़्‍य़ू नाङगेमु स्‍यिहङगाम खा फ़ेसीन,

लूका 5:16

यिहॱनाङ येशूदी रिह-काम्‍बुला फेप्‍ती सोल्‍वाङ ताप्‍ती ज़्‍य़ू नाङगो येहकें।

लूका 6:12

ङ्यिहमा च्‍यी़ येशू काहङ च्‍यी़ला फेप्‍ते नुहप काहङ किन्‍ज्‍योला सोल्‍वाङ ताप्‍ते ज़्‍य़ू नाङसीन।

लूका 9:18

लेहमा च्‍यी़ येशू राहङ च्‍यी़राङ सोल्‍वाङ ताप्‍ते ज़्‍य़ू नाङगेमु स्‍याहप्‍च्‍यीया़ येशूसाला ओहङसीन। ओहले येशूगी स्‍याहप्‍च्‍यीया़ला, “मिहया़गी ङाहला सु यिहम्‍बा म़ेदी माउ दु ले?” म़ेदी टी़ह नाङसीन।

लूका 9:30

ओहले याहम्‍बीज्‍यीलाराङ मिह ङ्यी़ फोक थेन्‍दी येशू ङ्याम्‍बु स्‍याहल सुङज्‍ये छ़ूसीन। खुङ ङ्यी़दी मोशा दाङ एलिया यिहन्‍गे!

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

ल़ेह-पेन 6:15

ओहजेला छो़बा छ्यिम्‍बुला तेहक्‍योगी मिह थाम्‍ज्‍यीगी स्‍तिफनासला छ्यारे पेहती त़ेदी तेहसीन। खोगी तोहङबादी स्‍यिहङगामकी स्‍याहप्‍च्‍यीदी ल़ेहमु क्‍या-साङे पेहती येहसेर क्‍याहप्‍क्‍यो थोङसीन।

ज्‍याल्‍गा 20:11

ओहले ङाहगी कार्पु छ्यिम्‍बु ज़्‍य़ू-ठि च्‍यी़ दाङ ओ़ह ज़्‍य़ू-ठि खाला ज़्‍य़ू नाङगेन्‍दीला थोङसीन। मिहरो दिनले जाम्‍बुलीङ दाङ नाम प्रे़हदी काहल्‍सीन, ओहले खुङया़ला का़हॱलाङ ग्‍या़ माहन्‍ज्‍योर।