लूका 9:20 - ह्योल्‍मो

²⁰ ओहले येहपाराङ येशूगी टी़ह नाङसीन, “ओहले ख्‍याया़गीदी ङाहला सु यिहम्‍बा माएँ ले?” “लोबेन ला़ह, राहङ किन्‍ज्‍योगी ताङ नाङग्‍योकी थार्पा थोप च्‍य़ू नाङगेन मास्‍यीका यिहम्‍बा!” म़ेदी पत्रुसगी स्‍युहसीन।

लूका 9:20 ပူးပေါင်းရင်းမြစ်များ

मत्ती 22:42

“थार्पा नाङगे क्‍याहल्‍बु मास्‍यीकाकी तेहन्‍दाला ख्‍याया़ च्‍यि साम्‍लु ताङगो येहबा? खो सुगी स़ेबु यिहम्‍बा?” खुङया़गी मासीन, “खोनी दाऊदकी स़ेबु यिहम्‍बा।”

मत्ती 26:63

यिहॱनाङ येशूगी च्‍यिॱआङ सुङ माहनाङ। येहपाराङ पूजाहारी गो-छ्येवागी, “सोम्‍बो किन्‍ज्‍योगी छेनला ना क्‍याल्‍दी म़ेदोङ, च्‍यि ख्‍ये तेहम्‍बाराङ किन्‍ज्‍योगी स़ेबु मास्‍यीका यिहम्‍बा?” म़ेदी टी़हसीन।

मत्ती 5:47

ख्‍याया़गी राहङगी ङ्येन्‍जेन-ङ्येहवाया़ला च्‍यी़राङ चेवा पेहसीमाना लेहमेनया़गी म़ेदी ल्‍हाक्‍पु च्‍यी़ पेहपा ले? च्‍यि लेहमेन क्‍यिहपागी मिहया़गीॱआङ ओ़ह ल़ेहमु मेहबेकें ले?

मर्कूस 14:61

यिहॱनाङ येशू खाजुम्‍बाॱराङ ज़्‍य़ू नाङसीन। येशूगी च्‍यिॱआङ ल़ेहन क्‍याहप माहनाङ। येहपाराङ पूजाहारी गो-छ्येवागी येशूला टी़हसीन, “च्‍यि ख्‍ये तेहम्‍बा-तेहन्‍सुमॱराङ नाम्‍पार-ताहक्‍पा किन्‍ज्‍योगी स़ेबु मास्‍यीकाॱराङ यिहम्‍बा ले?”

मर्कूस 8:29

येशूगी टी़ह नाङसीन, “ओहले ख्‍यागीदी ङाहला सु यिहम्‍बा म़ेदी माएँ ले?” पत्रुसगी, “राहङ थार्पा नाङगेन्‍गी मास्‍यीका यिहम्‍बा” म़ेदी ल़ेहन क्‍याहप्‍सीन।

लूका 22:67

“ख्‍ये मास्‍यीका यिहम्‍बा यिहनानी ङ्यिहला म़ेदोङ।” ओहले येशूगी खुङला सुङ नाङसीन, “ङाहगी मासीमानाॱआङ ख्‍यागी यिह मे़हछ्ये दु।

लूका 9:19

ओहले स्‍याहप्‍च्‍यीया़गी, “लाहलागी बप्‍तिस्‍मा तेर्केन यूहन्‍ना यिहन माउ दु, लाहलागी एलिया यिहन माउ दु, लाहलागीनी ताहङबो लुहङतेम्‍बाया़ नाहङगी मेहन्‍दा च्‍यी़ सोम्‍बो ज़्‍याङदी फेप्‍क्‍यो यिहम्‍बा छ़े दु म़ेदी माउ दु” म़ेदी स्‍युहसीन।

यूहन्‍ना 1:41

खोगी थाम्‍ज्‍यी म़ेदी तोहङले राहङगी आदा सिमोनला थू़दी मासीन, “ङ्यिहगी मसीहला थ़ूसीन।” (हिब्रू तामला “मसीहकी” तेहन्‍दाती ग्रीक तामला “ख्रीष्‍ट” ओहङगेमाना प़ेह तामलादी मास्‍यीका ओहङगे।)

यूहन्‍ना 1:49

नथानेलगी येशूला मासीन, “रब्‍बी, राहङनी किन्‍ज्‍योगी स़ेबु यिहन्‍गे दुबा, ओहले राहङनी इस्राएलीया़गी क्‍याहल्‍बु गा यिहन्‍गे दुबा।”

यूहन्‍ना 11:27

ओहले मार्थागी येशूला स्‍युहसीन, “लाहसो लाह चो़वो, राहङराङ जाम्‍बुलीङला फेप नाङगेन्‍गी किन्‍ज्‍योगी स़ेबु मास्‍यीका यिहम्‍बा म़ेदी ङाह यिह छ्य़ेगे।”

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 4:29

स्‍यो, मेहन्‍दा च्‍यी़ला त़ेदोङ!, ङाहगी पेहक्‍यो ल़ेह थाम्‍ज्‍यीराङ मिहरोगी स्‍य़े नाङसीन। नाह मिह-रो़हराङ मास्‍यीकानी मिहन?”

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 7:41

ओहले लाहलागी मासीन, “दि मिह नि मास्‍यीका यिहम्‍बा।” यिहॱनाङ लाहलागी मासीन, “च्‍यि मास्‍यीकाॱआङ गालील साने़ले फेप्‍कें यिहम्‍बा ले?

ल़ेह-पेन 17:3

मास्‍यीका येशूगी ज्‍यिबुराङ तुहक्‍पु खुर कोहच्‍ये येह ओहले येशू टोहङदे येहपाराङ सोम्‍बो ज़्‍याङ नाङ कोहज्‍ये येह ओहले ङाहगी ख्‍याला प्रा साल्‍ग्‍योगी येशूॱराङ ओ़ह थार्पा नाङगेन्‍गी मास्‍यीका यिहम्‍बा।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 9:22

ओहले शाऊलगी तोहरोङॱआङ ओङ छ्यिम्‍बु ज्‍योर्ती दमस्‍कसला तेहकेन्‍गी यहूदीया़ला चो़वो छ्येवा येशूॱराङ मास्‍यीका यिहम्‍बा म़ेदी माहङबुराङ दास्‍यीया़ तेन्‍सीन ओहजेला खुङया़गी च्‍यिॱआङ ल़ेहन क्‍याहप मा़हखु।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।