लूका 9:16 - ह्योल्‍मो

¹⁶ ओहले येशूगी खुरा ङा दाङ ङ्याह ङ्यी़ छ्या़ला नोम्‍दे नामला याहर ज़ी़ नाङदी किन्‍ज्‍योला थुज्‍यी-छ्ये़ फुल नाङसीन। ओहले खुरा दाङ ङ्याह च्‍येती स्‍याहप्‍च्‍यीया़ला नाङसीन, स्‍याहप्‍च्‍यीया़गी ख्‍येर्ती मिहया़ला के़हदी तेर्सीन।

लूका 9:16 ပူးပေါင်းရင်းမြစ်များ

मत्ती 14:19

येशूगी मिहया़ला पाङगाला तेह च्‍य़ू नाङसीन। ओ़ह तिङले खुरा ङा दाङ ङ्याह ङ्यी़ नोम्‍दी स्‍यिहङगाम ङो़ले ज़ी़ नाङदी किन्‍ज्‍योला थुज्‍यी-छ्ये़ फुल नाङसीन। येशूगी खुरा फेमा-फेमा च्‍येती स्‍याहप्‍च्‍यीया़ला नाङसीन। स्‍याहप्‍च्‍यीया़गी ख्‍येर्ती मिहया़ला के़हदी तेर्सीन।

मत्ती 15:36

ओ़ह तिङले येशूगी ओ़ह खुरा दाङ ङ्याहया़ नोम्‍दे किन्‍ज्‍योला थुज्‍यी-छ्ये़ फुल नाङसीन। खुराया़ फेमा-फेमा च्‍येती स्‍याहप्‍च्‍यीया़ला नाङदी के़हदी तेर्तोङ म़ेदी सुङ नाङसीन ओहले स्‍याहप्‍च्‍यीया़गी मिहया़ला के़हदी तेर्सीन।

मर्कूस 7:34

ओ़ह तिङले येशूगी स्‍यिहङगाम ङो़ले ऊ रिहङबुज्‍यी टिह-नाङदी, “इफ्‍फाता,” म़ेदी सुङ नाङसीन। दि माक्‍योगी तेहन्‍दादी “खा फ़ेज्‍यु” म़ेदी माक्‍यो यिहम्‍बा।

लूका 22:19

ओ़ह तिङले येशूगी खुरा ल़ेहन नाङसीन ओहले किन्‍ज्‍योला थुज्‍यी-छ्ये़ फुल्‍दी खुरा च्‍या़दी खुङया़ला नाङदी सुङ नाङसीन, “ख्‍याया़ला तेरक्‍योगी दि ङाहगी ज़ुबु यिहम्‍बा। ता़ह यिहन्‍ज्‍यु ङाहला टेहम्‍बा साल्‍ज्‍येला दि ल़ेहमु पेहती सोह।”

लूका 24:30

ओहले येशू खुङ ङ्याम्‍बु छ्येच्‍येला ज़्‍य़ू नाङसीन ओहले येशूगी खुरा नोम्‍दे मेलाम क्‍याहप्‍नाङसीन ओहले खुरा च्‍या़दी खुङया़ला नाङसीन।

लूका 9:15

ओहले स्‍याहप्‍च्‍यीया़गी ओ़ह ल़ेहमुराङ पेहसीन।

लूका 9:17

ओहले मिह थाम्‍ज्‍यीगीराङ साह ख़ूएँ थु साहसीन। साह सिहन फान्‍ज्‍यो ल्‍हा़स्‍युलया़ तुहएँमु डा़लो च्‍यिङ्यी़ काहङसीन।

यूहन्‍ना 6:11

ओहले येशूगी ओ़ह खुरा नोम्‍दी किन्‍ज्‍योला थुज्‍यी-छ्ये़ फुल फान्‍ज्‍यो ओ़हला तेहक्‍योगी मिहया़ला के़हदी नाङसीन ओहले ओ़हठीॱराङ जेती येशूगी ङ्याहॱआङ नोम्‍दे किन्‍ज्‍योला थुज्‍यी-छ्ये़ फुल्‍दी के़हदी नाङसीन। खुङया़गी ओ़ह साह ख़ूएँ थु साहसीन

यूहन्‍ना 6:23

चो़वोगी थुज्‍यी-छ्ये़ फुल फान्‍ज्‍यो मिहया़गी खुरा साहक्‍योगी ग्‍या़ला तिबेरियास लुहङबाले लेहमेन छ्यु-टुहया़ॱआङ लेप्‍सीन।

ल़ेह-पेन 27:35

देजे म़े फान्‍ज्‍यो पावलगी खुरा लेहन्‍सीन ओहले मिह थाम्‍ज्‍यीगी दिनला किन्‍ज्‍योला थुज्‍यी-छ्ये़ फुल्‍दी साहज्‍ये छ़ूसीन।

रोमी 14:6

लाहला ङ्यिहमा चा़ छ्यिम्‍बु यिहन म़ेदी ची़गे मिहगी चो़वोला ची़नाङ पेहती खोगी ची़क्‍यो यिहम्‍बा। ओहले ना थाम्‍ज्‍यी साहएँ मिहगी चो़वोगी तेहन्‍दालाराङ साहक्‍यो यिहम्‍बा च्‍यिबेमाना खोगी किन्‍ज्‍योला थुज्‍यी-छ्ये़ फुल्‍दी साहएँ। ओहले मेहसाहएँ मिहगीॱआङ किन्‍ज्‍योला ची़नाङ पेहती मेहसाहएँ ओहले खोगी किन्‍ज्‍योला थुज्‍यी फुल्‍गे।

१ कोरिन्‍थी 10:30

का़हलेॱआङ ङाहगी थुज्‍यी-छ्ये़ फुल्‍दी साहसीन माना थुज्‍यी-छ्ये़ फुल्‍दी साहक्‍यो तामला लेहमेनगी ङाहला च्‍यिबे क्‍येन ता़ज्‍ये ले?

१ कोरिन्‍थी 11:24

ओहले किन्‍ज्‍योला थुज्‍यी-छ्ये़ फुल्‍दी खुरा च्‍या़गेॱराङ सुङ नाङसीन, “दि ख्‍याया़गी तेहन्‍दाला ङाहगी ज़ुबु यिहम्‍बा। ङाहला टेहम्‍बा साल्‍ज्‍येला दि ल़ेहमु पेहतोङ।”