लूका 9:1 - ह्योल्‍मो

¹ येशूगी ल़ेह-पेन च्‍यिङ्यी़ला क़े क्‍याहप्‍नाङसीन। ओहले खुङया़ला ल्‍हेन्‍डीया़ तेन्‍गे दाङ नेहपाया़ला टा़ह च्‍य़ूगेन्‍गी स्‍युक दाङ ओङ नाङसीन।

लूका 9:1 ပူးပေါင်းရင်းမြစ်များ

मत्ती 16:19

स्‍यिहङगामकी क्‍याहल्‍सी खा फ़ेगेन्‍गी दिमीया़ ङाह ख्‍येगी लाहक्‍पाला तेर्कें। ख्‍येगी दि जाम्‍बुलीङला च्‍यि ताहम्‍ग्‍ये, ओ़ह स्‍यिहङगामलाॱआङ ताहम्‍ज्‍ये येह ओहले ख्‍येगी दि जाम्‍बुलीङला च्‍यि खा फ़ेगे, ओ़ह स्‍यिहङगामलाॱआङ खा फ़ेज्‍ये येह।”

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मत्ती 8:9

च्‍यिबेमाना ङाहॱआङ गोबा छ्यिम्‍बुया़गी चो़ला ज्‍युल्‍दी तेहको येहबा। ङाहगी चो़ॱलाङ माक्‍मीया़ येहबा। च्‍यी़ला ‘सोङ’ मासीमाना, खो डोएँ ओहले राहङसाला ‘स्‍यो’ मासीमाना खो ओहङगे ओहले ङाहगी योक्‍पुॱलाङ ‘दि ल़ेहमु पेह’ मासीमाना खोगी पेहकें” म़ेदी मासीन।

लूका 10:1

ओहले येशूगी लो़हलो स्‍याहप्‍च्‍यी तिहन-ङ्यी़ला दाम नाङसीन, ओहले खुङया़ला ङ्यी़ ङ्यी़ जेती राहङ फेप्‍च्‍ये जेक्‍योगी क्‍याहसा दाङ युहलया़ला राहङ म़ेदी तोहङले ताङ नाङसीन।

लूका 10:19

ङ्यिहन्‍दोङ, ङाहगी ख्‍याला प्रुहल दाङ तिहक्‍पा-राचाला नेम्‍दी डो ख़ूएँगी स्‍युक दाङ, टाहगी थाम्‍ज्‍यीराङ स्‍युकला क्‍याहल्‍गेन्‍गी ओङ तेर्ते येह, च्‍यि से़हगीॱआङ ख्‍याया़ला ने क्‍याल ख़ूज्‍ये म़ेह।

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

ल़ेह-पेन 3:16

येशूला तेहपा पेहक्‍यो सोङबे काङबा कुच्‍या मिहगी स्‍युक ज्‍योर्सीन। येशूगी छेन थे़दी खोगी सेमला तेहपा ओहङसीन ओहले खोगी तेहपागी पेहती ता़ह ख्‍या फे़बेया़गी खोला छाङबुराङ टा़हक्‍यो ज़ी़ नाङदेराङ येह।”

ल़ेह-पेन 4:30

राहङगी योक्‍पुया़ला, राहङला स्‍याहप्‍तो स्‍युहएँ नाम्‍पार-ताहक्‍पा येशूगी छेनला नेहपाया़ला टा़ह च्‍य़ूज्‍येला ओहले याहम्‍जेम्‍बागी ल़ेहया़ पेहती ताक्‍छेनया़ तेन्‍ज्‍येला स्‍युक नाङदोङ।”

ल़ेह-पेन 9:34

ओहले पत्रुसगी एनियासला, “ए एनियास, येशू मास्‍यीकाकी ख्‍येला ताहन्‍दाॱराङ टा़ह च्‍य़ू नाङगेन। ता़ह ख्‍ये लाहङदोङ, ओहले राहङगी तेङगो तिहदोङ!” म़ेदी मासीन। ओहले खो ओ़हजेलाराङ ह्‍ओप लाहङसीन ओहले खो डो ख़ूएँ काहल्‍सीन।