लूका 8:39 - ह्योल्‍मो

³⁹ ओहले येशूगी खोला, “ख्‍ये राहङ खाङबाला सोङ ओहले किन्‍ज्‍योगी ख्‍येगी तेहन्‍दाला च्‍यि जे नाङबा, ओ़ह ताम लेहमेनया़ला स्‍ये तेर” म़ेदी सुङ नाङसीन। येशूगी राहङगी तेहन्‍दाला जे नाङग्‍योगी जेबापया़ ओ़ह मिहगी क्‍याहसा काहङ्येॱराङ स्‍येती काहल्‍सीन।

लूका 8:39 ပူးပေါင်းရင်းမြစ်များ

मर्कूस 1:45

यिहॱनाङ ओ़ह मिह काहल्‍दी राहङ टा़हक्‍योगी केच्‍या मिह थाम्‍ज्‍यीलाराङ स्‍य़ेसीन। ओ़ह केच्‍यागी पेहती येशू का़हन्‍दीॱआङ क्‍याहसाया़ला थाक-ताङदी स्‍य़ूह मा़हखु। ओ़ह सोङबे येशू यिङबु ग्‍या़या़ला ज़्‍य़ूज्‍येला फेप नाङसीन। यिहॱनाङ ओ़ह ग्‍या़ॱलाङ मिहया़ छ्यो़ ज़्‍यिलेराङ येशूसाला ओहङसीन।

मर्कूस 5:18

ओहले येशू टुह-छ्युङला जा़ज्‍ये जेकेमु ओ़ह टा़हक्‍यो मिहगी “ङाहॱलाङ राहङ ङ्याम्‍बुराङ नोम फेप नाङदोङ लाह” म़ेदी स्‍युहसीन।

मर्कूस 5:19

यिहॱनाङ येशूगी खोला राहङ ङ्याम्‍बु ओहङ च्‍य़ू माहनाङ ओहले येशूगी खोला दि ल़ेहमु सुङ नाङसीन, “ता़ह ख्‍ये राहङगी खाङबाला सोङ ओहले किन्‍ज्‍योगी ख्‍येला जे नाङग्‍यो निङज्‍यी दाङ किन्‍ज्‍योगी जे नाङग्‍योगी थाम्‍ज्‍यीराङ केच्‍याया़गी तेहन्‍दाला राहङगी ङयेहवाया़ला स्‍येतोङ।”

लूका 8:38

ओहजे ती़हजीला ओ़ह ल्‍हेन्‍डी स्‍य़ूहदी टा़हक्‍यो मिहगी येशूला, “ङाहॱलाङ राहङ ङ्याम्‍बुराङ नोम फेप नाङदोङ ला़ह” म़ेदी स्‍युहसीन।

लूका 8:40

ओहले येशू गालील छोगी छुर्केन सुहरला लो़ह फेप नाङगेमु मिह मिह-माहङ छ्यिम्‍बुज्‍यीगी येशूला कू़हदी तेहक्‍यो येहकें। खुङया़गी येशूला फेप स्‍युहसीन।

यूहन्‍ना 4:29

स्‍यो, मेहन्‍दा च्‍यी़ला त़ेदोङ!, ङाहगी पेहक्‍यो ल़ेह थाम्‍ज्‍यीराङ मिहरोगी स्‍य़े नाङसीन। नाह मिह-रो़हराङ मास्‍यीकानी मिहन?”

१ तिमोथी 5:8

का़हलेॱआङ सुज्‍यीगी राहङगी ङ्येहवाया़ दाङ माज्‍येराङ माना राहङदीराङ खाङबा मे़हमेया़ला मेह तासीमानानी खोगी तेहपाला मा-लोक पेहकें ओहले यिह मे़हछ्येगे मिहया़ म़ेदीॱआङ खो जेन चोक्‍पा ओहङगे।