लूका 8:24 - ह्योल्‍मो

²⁴ ओहले स्‍याहप्‍च्‍यीया़ येशू पोहला ओहङदी येशूला नाल साङ च्‍य़ूदी स्‍युहसीन, “ओ़ लोबेन ला़ह, ओ़ लोबेन ला़ह, ओहराङ थाम्‍ज्‍यीराङ नुप्‍च्‍येराङ पेहसीन!” ओहले येशू ज़्‍याङदी ल्‍हा़बा लुङजीला छ्येबे तेह म़ेदी काप्‍क्‍येन नाङसीन। ओहले काप्‍क्‍येन नाङ फान्‍ज्‍यो ल्‍हा़बा लुङजी छ्येप तेहती छ्युॱआङ ङ्योमे काहल्‍सीन।

लूका 8:24 ပူးပေါင်းရင်းမြစ်များ

मत्ती 14:30

यिहॱनाङ छ्यिम्‍बु ल्‍हा़बा लुङजी ओहङग्‍यो थोङदी खो ज्‍यी़सीन। ओ़हजेलाराङ खो नुप्‍च्‍ये पेहसीन ओहले का क्‍याहल्‍दी “चो़वो लाह ङाहला थार च्‍य़ू नाङदोङ!” म़ेदी क़े तेन्‍सीन।

मत्ती 8:25

ओहले स्‍याहप्‍च्‍यीया़ येशू पोहला काहल्‍दी येशूला नाल साङ च्‍य़ूदी, “ओ़ चो़वो ला़ह!, ङ्यिहला थार च्‍य़ू नाङदोङ, ङ्यिहया़नी स्‍यिज्‍येॱराङ पेहसीन!” म़ेदी स्‍युहसीन।

मर्कूस 4:39

ओहले येशू ज़्‍याङदी ल्‍हा़बा लुङजीला काप्‍क्‍येन नाङदी सुङ नाङसीन, “छ्येबे तेह! थेमे तेह!” ओ़हजेलाराङ ओ़ह ल्‍हा़बा लुङजी छ्येबे तेहसीन।

लूका 4:35

ओहले येशूगी, “खाजुम तेह, ख्‍ये दि मिहलेगी थेन्‍दी सोङ!” म़ेदी खोला काप्‍क्‍येन नाङसीन। ओ़हजेलाराङ ल्‍हेन्‍डीगी ओ़ह मिहला मिहया़गी पाहरक्‍यीला च्‍यार-ताप क्‍याहप्‍ती, खोला च्‍यिॱआङ नाहन्‍दी माहताङबा पेहती, ल्‍हेन्‍डी ओ़ह मिहलेगी थेन्‍दी काहल्‍सीन।

लूका 4:39

ओहले येशू नेहपागी पोहला फेप्‍ते छावाला काप्‍क्‍येन नाङसीन। ओ़हजेलाराङ मोहला छावागी ताङसीन, ओहले मोह लाहङदी खुङ फे़बेया़ला डोम्‍बो क्‍योङसीन।

लूका 5:5

ओहले सिमोनगी, “लोबेन ला़ह, ङ्यिहगी नुहप काहङ तुहक्‍पु पेहती ङ्याहटा क्‍याहप्‍तीॱआङ ङ्याह च्‍यिॱआङ च्‍य़ेह माहसीहन, यिहॱनाङ लोबेनगी सुङनाङ फान्‍ज्‍यो ङाहगी ङ्याहटा क्‍याहप तेर्केन” म़ेदी स्‍युहसीन।

लूका 8:25

ओहले येशूगी स्‍याहप्‍च्‍यीया़ला “के, ख्‍यागी यिह-छ्य़े?” म़ेदी टी़ह नाङसीन। खुङया़ ज्‍यिबुराङ ज्‍यी़सीन ओहले ह्‍अ ल़ेहदी खुङ नाहङदुङ ताम मामा चासीन, “दि मिह सु यिहम्‍बानी? ल्‍हा़बा लुङजी दाङ छ्युगीॱआङ मिहरोगी सुङग्‍योगी स्‍याहल ङ्यिहन्‍गु दु!” म़ेदी मासीन।