लूका 7:33 - ह्योल्‍मो

³³ “बप्‍तिस्‍मा तेर्केन यूहन्‍ना ओहङसीन, खो नाह खुरा साहउ येहकें, नाह खो कुहन्‍डुमकी निङगुराङ थुङगो येहकें। यिहॱनाङ ख्‍यागी यूहन्‍नाला ल्‍हेन्‍डी स्‍य़ूहक्‍योगी मिह म़ेदी मासीन।

लूका 7:33 ပူးပေါင်းရင်းမြစ်များ

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।

मत्ती 3:1

ओहजे काहङला बप्‍तिस्‍मा तेर्केन यूहन्‍नागी यहूदीया लुहङबागी रिह काम्‍बुया़ला काहल्‍दी मिहया़ला दि ल़ेहमु म़ेदी सुङ ख्‍येप्‍टा क्‍याहप्‍च्‍ये छ़ूसीन,

मत्ती 3:4

यूहन्‍नागी ङाबुङती पाहलकी था़क्‍योगी काप्‍च्‍या केहन्‍गो येहकें, क्‍येपाला को़बाकी कारा च्‍यिङगो येहकें। तोगी छापला पे़बे दाङ तिप-प्राहङ साहउ येहकें।

मर्कूस 1:6

यूहन्‍ना ङाबुङगी पुगी था़क्‍योगी काप्‍च्‍या केहन्‍गो येहकें, क्‍येपाला को़बागी कारा च्‍यिङगो येहकें, ओहले पे़बे दाङ रिहगी तिप-प्राहङ साहउ येहकें।

लूका 1:15

च्‍यिबेमाना खो चो़वो छ्येवागी ज़ी़लुला चा़ छ्यिम्‍बु मिह ओहङज्‍ये येह। खोगी कुहन्‍डुमकी-निङगु दाङ राहङसा ज़िगे से़हया़ च्‍यिॱआङ थुङज्‍ये म़ेह, ओहले राहङगी आमागी फोवा यिहन्‍ज्‍युराङ खो नाम्‍पार-ताहक्‍पा थुगी काहङज्‍ये येह।

लूका 7:32

खुङनी छोङ-ठोमला तेहकेन्‍गी पेहजाया़ ल़ेहमु यिहम्‍बा, खुङगी च्‍यी़गी च्‍यी़ला दि ल़ेहमु म़ेदी क़े तेन्‍गे, ‘ङ्यिहगी ख्‍यागी तेहन्‍दाला लेमु फी़ तेर्सीन, यिहॱनाङ ख्‍यानी माहच्‍याम। ङ्यिहगी खेलाङगी लु लेहन्‍गेमु, ख्‍याया़नी माहङ्यी़ह!’”

लूका 7:34

ङाह मिहगी स़ेबु ओहङदी साहसीन, थुङसीन ओहले ख्‍यागी, ‘ते़ साहउ, छ्याङसीवा, ठाल तुहएँ मिह दाङ तिहक्‍च्‍येम्‍बाया़गी रो़ह’ म़ेदी क्‍येन ता़गेॱराङ येह।

यूहन्‍ना 10:20

खुङया़ नाहङला माहङबुराङगी दि ल़ेहमु माएँराङ येहकें, “दि मिहला ल्‍हेन्‍डी स्‍युहक्‍यो सोङबे खो ङ्योम्‍बा काहल्‍ग्‍यो दुबा। ख्‍या दि मिहगी ताम च्‍यिबे ङ्यिहन्‍गे?”

यूहन्‍ना 8:48

ओहले यहूदीया़गी येशूला मासीन, “ख्‍ये सामरी यिहन ओहले ख्‍येला ल्‍हेन्‍डी स्‍य़ूहदी येह म़ेदी ङ्यिहगी माक्‍यो ताम च्‍यि ठाबे मिहम्‍बा ले?”

यूहन्‍ना 8:52

ओहले यहूदीया़गी मासीन, “ता़हनी ङ्यिहगी तेहम्‍बाराङ ङोह स्‍य़ेसीन, ख्‍येलानी ल्‍हेन्‍डीराङ स्‍य़ूहक्‍यो दुबा! अब्राहाम स्‍यिसीन, लुहङतेम्‍बाया़ॱआङ स्‍यिसीन, यिहॱनाङ ख्‍येगी माएँ, ‘ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।’

ल़ेह-पेन 2:13

ओहले लाहला मिहया़गीदी, “दि मिहया़नी छ्याङगी ज़िक्‍यो दुबा!” म़ेदी स्‍ये़हन्‍डील पेहसीन।