लूका 7:16 - ह्योल्‍मो

¹⁶ येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

लूका 7:16 ပူးပေါင်းရင်းမြစ်များ

मत्ती 15:31

लेम्‍बाया़ ताम माज्‍ये छ़ूसीन, ओङबु छाङबु म़ेहबा मिहया़ टा़हसीन, काङबा स्‍योर्क्‍योया़ डोज्‍ये छ़ूसीन ओहले मी़ मेहथोङगेनया़ मी़ थोङ ख़ूएँ काहल्‍सीन। दि थोङदी मिहया़ ज्‍यिबुराङ ह्‍अ ल़ेहसीन ओहले खुङया़गी इस्राएलकी किन्‍ज्‍योला त़ेरा तेच्‍या फुल्‍सीन।

मत्ती 21:11

मिह मिह-माहङगी ल़ेहन क्‍याहप्‍सीन, “दि खोनी गालील साने़की नासरतले फेप नाङग्‍योकी लुहङतेम्‍बा येशू यिहम्‍बा।”

मत्ती 28:8

ओ़ह पी़हमी-पेहजाया़ला ज्‍यी़सुॱआङ ओहङसीन ओहले क़ेहनाङॱआङ ज्‍यिबुराङ लाहङसीन। खुङ ग्‍यो़बाराङ ओ़ह फुक्‍पालेगी थेन्‍दी स्‍याहप्‍च्‍यीया़ला लेहङगु स्‍येच्‍येला छ्योङदी काहल्‍सीन।

मत्ती 9:8

दि रोहवा याहम्‍जेम्‍बागी छ्या़ले थोङदी ओ़ह मिहया़ ज्‍यी़सीन ओहले मिहया़ला दि ल़ेहमु ओङ नाङगे किन्‍ज्‍योला त़ेरा तेच्‍या फुल्‍सीन।

लूका 1:65

दि थोङदी ख्‍यिम्‍जी थाम्‍ज्‍यीराङ ह्‍अ ल़ेहदी किन्‍ज्‍योगी ज्‍यी़सु पेहसीन। ओ़ह तिङले दि थाम्‍ज्‍यीराङ केच्‍याया़ यहूदीया लुहङबागी लाह ङो़ले येहकेन्‍गी युहलया़ला टाहम्‍सीन।

लूका 1:68

“इस्राएल क्‍यिहपाया़गी चो़वो छ्येवा किन्‍ज्‍योला तेपा फुल्‍गे! किन्‍ज्‍योगी राहङगी मिहया़ला रो़हराम जेती थार च्‍य़ू नाङदी येह!

लूका 19:44

खुङया़गी ख्‍येला ओहले ख्‍ये नाहङला तेहके ख्‍येगी छार्क्‍यीनया़ला साला च्‍यार-ताप क्‍याहप्‍च्‍ये येह, ओहले तोह च्‍यी़ थो़ला राहङसा तोह लिहच्‍ये म़ेह। च्‍यिबेमाना किन्‍ज्‍योगी ख्‍येला थार च्‍य़ूज्‍येला फेप नाङग्‍योकी ङ्यिहमाला ख्‍येगी ङोह मा़हस्‍ये।”

लूका 2:20

ओहले ल़ूह-कोहरोवाया़गी स्‍यिहङगामकी स्‍याहप्‍च्‍यीगी स्‍येक्‍यो ल़ेहमुराङ थे़क्‍यो दाङ थोङग्‍यो स्‍याहलगी तेहन्‍दाला किन्‍ज्‍योला ज़िज्‍यिद दाङ त़ेरा फुल्‍दी लोह काहल्‍सीन।

लूका 24:19

येशूगी खुङ ङ्यी़ला, “च्‍यि ताम?” सुङदी टी़ह नाङसीन ओहजेला खुङ ङ्यी़गी, “नासरतगी येशूगी तेहन्‍दाला, येशू लुहङतेम्‍बा येहकें, ओहले किन्‍ज्‍यो दाङ मिह थाम्‍ज्‍यीगी दिनला ओङ छ्यिम्‍बुगी छ्या़ले जे नाङगे दाङ ज्‍यिबुराङ या़हबु सुङदेन नाङगेन्‍गी लुहङतेम्‍बा यिहन्‍गे।

लूका 5:26

खुङ थाम्‍ज्‍यी माहङबुराङ ह्‍अ ल़ेहसीन ओहले किन्‍ज्‍योकी दि ल़ेहमु वाङज्‍या छ्यिम्‍बु थोङदी खुङया़ ज्‍यी़सीन। खुङया़गी किन्‍ज्‍योला तेपा फुल्‍गेराङ दि रोहवा मासीन, “तिहरीङनी ओहराङगी काहन्‍डुमु याहम्‍जेम्‍बागी स़ेह च्‍यी़ थोङसीन!”

लूका 5:8

दि थोङदी सिमोन-पत्रुस येशूगी स्‍याहपला पी़मु च़ूदी पत्रुसगी मासीन, “ओ़ चो़वो छ्येवा ला़ह, ङाहगी पोहला ज़्‍य़ू माहनाङ, ङाह तिहक्‍च्‍येम्‍बा यिहम्‍बा।”

लूका 7:15

ओहले ओहजे ती़हजीलाराङ ओ़ह स्‍यिक्‍यो पुह-पेहजा लाहङदी तेहसीन ओहले ताम माज्‍ये छ़ूसीन। ओहले येशूगी ओ़ह पेहजा आमादीला चि क्‍याहप नाङसीन।

लूका 7:39

ओहले येशूला सोल छ्येच्‍येला फेप स्‍युहक्‍योगी फरिसी सिमोनगी, “येशू तेहम्‍बाराङ लुहङतेम्‍बा यिहम्‍बा यिहनानी राहङला दे़गेन्‍गी पी़हमी काहजे तिहक्‍च्‍येम्‍बा यिहन म़ेदी ङोह ख्‍येन्‍ज्‍ये येहकें” म़ेदी खोगी सेमला ऩेसीन।

लूका 8:37

ओहले गेरासेनी लुहङबागी थाम्‍ज्‍यीराङ मिहया़गी, “दि ग्‍या़ले फेप्‍तोङ लाह, ओहर-छ्य़े!” म़ेदी स्‍युहसीन च्‍यिबेमाना खुङया़ ज्‍यिबुराङ ज्‍यी़क्‍यो येहकें। ओ़ह सोङबे येशू टुह-छ्युङला जा़दे लो़ह फेप नाङसीन।

लूका 9:19

ओहले स्‍याहप्‍च्‍यीया़गी, “लाहलागी बप्‍तिस्‍मा तेर्केन यूहन्‍ना यिहन माउ दु, लाहलागी एलिया यिहन माउ दु, लाहलागीनी ताहङबो लुहङतेम्‍बाया़ नाहङगी मेहन्‍दा च्‍यी़ सोम्‍बो ज़्‍याङदी फेप्‍क्‍यो यिहम्‍बा छ़े दु म़ेदी माउ दु” म़ेदी स्‍युहसीन।

यूहन्‍ना 1:21

ओहजेला खुङया़गी यूहन्‍नाला दि ल़ेहमु म़ेदी टी़हसीन, “आहन्‍डा यिहन्‍सीमाना ख्‍ये सु यिहम्‍बा ले? च्‍यि ख्‍ये एलिया यिहम्‍बा?” यूहन्‍नागी मासीन, “अहँ, ङाह मिहन।” “आहना ख्‍ये ओ़ह लुहङतेम्‍बा यिहम्‍बा ले?” यूहन्‍नागी मासीन, “मिहम्‍बा!”

यूहन्‍ना 1:25

ओहले खुङया़गी यूहन्‍नाला टी़हसीन, “ख्‍ये मास्‍यीकाॱआङ मिहम्‍बा, एलियाॱआङ मिहम्‍बा, ओ़ह लुहङतेम्‍बाॱआङ मिहम्‍बा मासीमाना, च्‍यिबे बप्‍तिस्‍मा तेर्के ले?”

यूहन्‍ना 4:19

ओ़ह पी़हमीगी येशूला स्‍युहसीन, “लाहसो लाह, राहङनी लुहङतेम्‍बा गा यिहन्‍गे दुबा।

यूहन्‍ना 6:14

येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

यूहन्‍ना 9:17

फरिसीया़गी येहपाराङ खोला टी़हसीन, “ओ़ह मिहगी ख्‍येती मी़ थोङ ख़ूएँ जे तेर्सीन दु, ता़ह खोगी तेहन्‍दाला ख्‍ये च्‍यि माएँ ले?” खोगी मासीन, “मिहरोनी लुहङतेम्‍बा यिहम्‍बा।”

ल़ेह-पेन 5:5

दि ताम थे़-लुहङ मे़हबाराङ हननिया साला दाङे रिहल्‍दे स्‍यिसीन। दि ताम थे़गेन मिह थाम्‍ज्‍यी ज्‍यिबुराङ ज्‍यी़सीन।

ल़ेह-पेन 7:37

ओ़ह मोशागीराङ इस्राएलीया़ला, ‘किन्‍ज्‍योगी ख्‍याराङ आदा-नो़हया़गी पाहरक्‍यीले ङाह ल़ेहमुराङ लुहङतेम्‍बा च्‍यी़ ख्‍याया़साला ताङ नाङज्‍ये येह’ म़ेदी मासीन।

गलाती 1:24

खुङया़गी ङाहगी तेहन्‍दाकी पेहती किन्‍ज्‍योला त़ेरा फुल्‍सीन।