लूका 7:13 - ह्योल्‍मो

¹³ ओहले ओ़ह ह्‍युग्‍मोगी क्‍यिदु ज़ी़दी चो़वो छ्येवा येशूगी थु ङ्युङदी ओहङसीन, ओहले येशूगी, “ख्‍ये माहङुह” म़ेदी सुङ नाङसीन।

लूका 7:13 ပူးပေါင်းရင်းမြစ်များ

मर्कूस 8:2

“दि मिहया़ला थोङदी ङाहला ज्‍यिबुराङ निङ च्‍येहसीन। दि मिहया़ ङाह ङ्याम्‍बुराङ तेहती तिहरीङ ङ्यिहमा सुम काहल सिहन्‍सीन। ता़ह खुङया़गी साहज्‍ये से़हया़ॱआङ चो़ह सिहन्‍दी येह।

लूका 10:1

ओहले येशूगी लो़हलो स्‍याहप्‍च्‍यी तिहन-ङ्यी़ला दाम नाङसीन, ओहले खुङया़ला ङ्यी़ ङ्यी़ जेती राहङ फेप्‍च्‍ये जेक्‍योगी क्‍याहसा दाङ युहलया़ला राहङ म़ेदी तोहङले ताङ नाङसीन।

लूका 11:1

ङ्यिहमा च्‍यी़ येशू ग्‍या़ च्‍यी़ला सोल्‍वाङ ताप्‍ते ज़्‍य़ू नाङसीन। सोल्‍वाङ ताप छार फान्‍ज्‍यो स्‍याहप्‍च्‍यी च्‍यी़गी येशूला, “चो़वो ला़ह, यूहन्‍नागी राहङगी स्‍याहप्‍च्‍यीया़ला सोल्‍वाङ ताप्‍च्‍येला लोप्‍क्‍यो ल़ेहमुराङ ङ्यिहॱलाङ लोप नाङदोङ नाह ला़ह” म़ेदी स्‍युहसीन।

लूका 11:39

ओहले येशूगी ओ़ह फरिसीला सुङ नाङसीन, “ख्‍यागी फार्को दाङ तेहर्मागी फिनी ताहर्ती चाङमा ज़ोएँ, नाहङलादी ख्‍या माहराप दाङ ङ्येहम्‍बागी काहङग्‍यो ओहङगे।

लूका 12:42

ओहले येशूगी सुङ नाङसीन, “यिह-छ्य़ेबु दाङ रिहक्‍स्‍यी छ्यिम्‍बु येहकेन्‍गी डु गोबा काहन्‍डुमु मिह यिहन्‍डो? खोला ताहक्‍पुगी राहङ खाङबा मे़हमेया़ला ठाबे ती़हजीला खुङया़गी बोला थोप्‍केन्‍गी साहप्‍च्‍या क्‍य़ेज्‍येला कुलज्‍ये येह।

लूका 13:15

ओहजेला येशूगी सुङ नाङसीन, “ए पेहचीन तेन्‍गे मिहया़, थाङ सोएँ ङ्यिहमाला कोहरेला ता़ ज़्‍या़क्‍योगी पाहलाङ, लाङगो क्‍यिनी पुहङगुला ताङदे छ्यु तेर्च्‍येला मेहख्‍येर्कें ले?

लूका 17:5

ओहले ल़ेह-पेनया़गी, “चो़वो ला़ह, ङ्यिहगी यिह-छ्य़ेला याहरक्‍यी डो च्‍य़ू नाङदोङ” म़ेदी स्‍युहसीन।

लूका 17:6

ओहले चो़वोगी सुङ नाङसीन, “ख्‍या ङ्याम्‍बु राइ-सेन जेबा तेहपा येहसीमाना ख्‍यागी दि लार्ची ङ्या़हलाङ तोहङबोला, ‘ख्‍ये पो़हदी छो-क्‍याहम्‍जोला क्‍ये सोङ’ म़ेदी माॱनाङ ओ़ह तोहङबोगी ङ्यिहन्‍ज्‍ये येह।”

लूका 18:6

ओहले चो़वोगी सुङ नाङसीन, “ओ़ह तिहक्‍च्‍येम्‍बा ठिम-पेनगी च्‍यी़ माउ दु या़हबु पेहते ङ्यिहन्‍दोङ।

लूका 19:8

यिहॱनाङ जखायसगी ह्‍ओप लाहङदी मासीन, “सेन नाङदोङ चो़वो ला़ह, ता़ह ङाह राहङगी क्‍युहगी बो फे़ प्राङबुया़ला के़हदी तेर्कें, ओहले लो़हलो मिहती टाङगा साहक्‍यो येहना खुङला बो ज़्‍यि ल्‍हा़मा पेहती लो़ तेर्कें।”

लूका 22:61

ओहजेला चो़वोगी क्‍याहङलेगी पत्रुसगी तोहङबाला ज़ी़ नाङसीन। ओहले पत्रुसगी, “नाहङबार ङाटु च्‍याहबु क़े तेन्‍गे म़ेदी तोहङलेराङ लेहमा सुम थु ख्‍येगी ङाहला ङोह मे़हस्‍ये म़ेदी माज्‍ये येह” म़ेदी चो़वोगी सुङ नाङग्‍योगी स्‍याहल टेहम्‍बा साल्‍सीन।

लूका 24:3

फुक्‍पा नाहङला स्‍य़ूहगेमु खुङया़गी येशूगी कुबुर माहथोङ।

लूका 24:34

ओहले खुङया़ला दि ल़ेहमु मासीन, “चो़वो छ्येवा ताहन्‍दाॱराङ सोम्‍बो लो़हदे ज़्‍याङ नाङग्‍यो दु ओहले येशू सिमोन साला फेप नाङसीन।”

लूका 7:12

ओहले येशू क्‍याहसागी कोह ग्‍या़ला लेप्‍केमु मिह बा़लया़ रोह च्‍यी़ खुर्ती तुहर्साला डोएँॱराङ येहकें। ओ़ह खुर्ते ख्‍येर्केन रोहदी, ह्‍युग्‍मोकी पुह च्‍यिमे च्‍यी़राङ यिहन्‍गे।

लूका 7:14

ओहले येशू तोहङले फेप्‍ती रोहगी टोहमला ज़ुङदी का नाङसीन। ओहले रोह खुर्केन मिहया़ थेमे पेहती क़ूहसीन। ओहले येशूगी रोहला, “ङाहगी माएँ, ए नो़ह, ख्‍ये लाहङदोङ!” म़ेदी सुङ नाङसीन।

लूका 7:19

चो़वो येशूसाला दि ताम टी़हज्‍येला ताङसीन, “ङ्यिहगी कू़हदे तेहक्‍यो थार्पा नाङगेन्‍दी राहङराङ यिहम्‍बा नि लेहमेनला कू़हदे तेह कोहएँ?”

लूका 8:52

ओहले नाहङला येहकेन्‍गी मिहया़ ङी़हदी ङुहप्रा तिहङरा पेहती तेहक्‍यो येहकें। ओहले येशूगी खुङया़ला “ख्‍या माहङुह, दि पोहमो मा़हस्‍यी येह, ङ्यिज्‍यीराङ लो़हक्‍यो यिहम्‍बा” म़ेदी सुङ नाङसीन।

यूहन्‍ना 11:2

ओ़ह मरियमगी लेहमा च्‍यी़ येशूगी स्‍याहपला टिहमा स्‍यिहम्‍बु खाएँगी नुम की़दी राहङगी टागी फी़क्‍यो येहकें, ओहले नेहपा काहल्‍ग्‍यो लाजरसती ओ़ह आज्‍यी-नुहमु ङ्यी़गी नो़ह यिहन्‍गे।

यूहन्‍ना 11:3

ओ़ह आज्‍यी-नुहमु ङ्यी़गी येशूला दि ल़ेहमु म़ेदी लेहङगु ताङसीन, “चो़वो, राहङगी चेवा जे नाङग्‍योकी मिह, ताहन्‍दा ने़हदी येहबा।”

यूहन्‍ना 20:13

ओहले खुङया़गी मोहला टी़हसीन, “पोहमो, ख्‍ये च्‍यिबे ङुहएँ?” मोहगी खुङया़ला मासीन, “खुङया़गी ङाहती चो़वोला ख्‍येर्ती का़हला ज़्‍या़बा यिहम्‍बानी ओ़ह ङाहला क्‍यी़ह म़ेह।”

यूहन्‍ना 20:15

ओहले येशूगी मोहला टी़ह नाङसीन, “ए पोहमो, ख्‍ये च्‍यिबे ङुहएँ ले? ख्‍येगी सुला छोल्‍ग्‍यो यिहम्‍बा?” ओहले मोहगी येशूला तुहम्राला ल़ेह पेहकेन्‍गी मिह यिहम्‍बा छे दुबा ने़दी मासीन, “लाहसो लाह, राहङगी येशूगी कुबुरला दि ग्‍या़ले नोम फेप्‍क्‍यो यिहनानी का़हला ज़्‍या़ नाङबा ओ़ह ङाहला सुङ नाङदोङ, ओहले ङाह काहल्‍दी येशूकी कुबुरला ख्‍येर्के।”

यूहन्‍ना 4:1

ओहले यूहन्‍नागी म़ेदीॱआङ येशूगी माहङबुराङ स्‍याहप्‍च्‍यीया़ ज़ो नाङगेराङ येह ओहले बप्‍तिस्‍माॱआङ नाङगेराङ येह माएँ ताम फरिसीया़गी थ़ेसीन।

यूहन्‍ना 6:23

चो़वोगी थुज्‍यी-छ्ये़ फुल फान्‍ज्‍यो मिहया़गी खुरा साहक्‍योगी ग्‍या़ला तिबेरियास लुहङबाले लेहमेन छ्यु-टुहया़ॱआङ लेप्‍सीन।

१ कोरिन्‍थी 7:30

तुहङाल पेहकेनया़ तुहङाल माहबेबाकी मिहया़ ल़ेहमु पेहती तेहच्‍यु ओहले क़ेहनाङ पेहकेनया़ क़ेहनाङ मेहबेकें मिहया़ ल़ेहमु पेहती तेहच्‍यु। ङ्योहप्‍च्‍या क्‍याहप्‍केया़ राहङ ङ्याम्‍बु च्‍यि से़हॱआङ म़ेहबा रोहवा पेहती तेहच्‍यु।

१ थेसलोनिकी 4:13

आदा-नो़ह दाङ आज्‍यी-नुहमुया़, ता़ह किन्‍ज्‍योला यिह छ्य़ेदी स्‍यि सिहन्‍ग्‍योगी मिहया़गी तेहन्‍दाला ख्‍या फ़ेबे-म़ेहमेॱया च्‍यिॱआङ क्‍यी़ह म़ेहबाकी मिहया़ ल़ेहमु पेहती तेहच्‍यु माएँ ङ्यिहती सेम्‍बा म़ेह, च्‍यिबेमाना रेहवा म़ेहबाकी मिहया़गी ल़ेहमु तुहङाल पेह माहकोहज्‍यु।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।