लूका 6:30 - ह्योल्‍मो

³⁰ ख्‍येला लाङगेया़ला तेर्तोङ, ख्‍येगी पेला ख्‍येर्केनया़ला लो़ लाङ माहमा।

लूका 6:30 ပူးပေါင်းရင်းမြစ်များ

मत्ती 18:35

ओ़ह तिङले येशूगी स्‍याहप्‍च्‍यीया़ला सुङ नाङसीन, “ख्‍याया़गी राहङगी सेम तिहङ यिहन्‍ज्‍युराङ राहङगी आदा-नो़हया़ला ल़े मेहताङसीमानानी स्‍यिहङगामला ज़्‍य़ू नाङगे ङाहगी किन्‍ज्‍योगीॱआङ ख्‍याया़ला ओ़ह ल़ेहमुराङ जे नाङज्‍ये येह।”

मत्ती 5:39

यिहॱनाङ ङाह ख्‍याया़ला माएँ, ख्‍याया़गी सु ङ्याम्‍बुॱआङ क्‍यिम्‍बा माहलेहन। का़हलेॱआङ सुज्‍यीगी ख्‍येगी योबा डाम्‍बाला क्‍याहप्‍सीमाना योमा डाम्‍बाॱआङ सेहतेर।

मत्ती 6:12

ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

लूका 11:41

ख्‍यागी फार्को दाङ तेहर्माला येहकेन्‍गी से़हया़ प्राङबुया़ला तेर्तोङ, ओहले ख्‍यागी तेहन्‍दाला थाम्‍ज्‍यी चाङमा ओहङज्‍ये येह।”

लूका 12:33

ख्‍यागी क्‍युहया़ चोङदी टाङगा प्राङबुया़ला के़हदी तेर! राहङगी तेहन्‍दाला निङबा मेहन्‍डोएँगी काहल्‍दाया़ जे़दोङ। स्‍यिहङगामला नाहमॱआङ मेहतोङगेन्‍गी क्‍युह स्‍यिहङगामला सी़दोङ। ओ़हला कुमेनॱआङ मेहस्‍योर्केन ओहले बुगीॱआङ मेहसाहएँ।

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

लूका 6:29

सुगीॱआङ ख्‍याला डाम्‍ज्‍या च्‍यी़ क्‍याहप्‍सीन माना लेहमेन डाम्‍बाॱआङ सेहतेर। सुज्‍यीगी ख्‍येगी योल्‍सेन फ्रो़दी ख्‍येर्सीमाना छ्युबाॱआङ ख्‍येर च्‍य़ूदोङ।

लूका 6:31

मिहया़गी ङाहला दि ल़ेहमु छ्याप्‍स्‍यी पेह तेर्ना ओहङज्‍ये येहकें म़ेदी राहङगी सेमला ने़गे ल़ेहमु ख्‍येगीॱआङ मिहया़ला पेहतोङ।”

लूका 6:38

तेर्तोङ, ओहले ख्‍याॱलाङ ज्‍योर्च्‍ये येह। मिहया़गी साप्‍ती-साप्‍ती, युङदी काहङदे फो़गे थु ख्‍यागी खुमाला ल़ू तेर्च्‍ये येह। च्‍यिबेमाना ख्‍यागी मिहला का़हन्‍दी ठुगी ताहप्‍ते तेर्के, ओ़ह ठुला ख्‍याया़गीॱआङ लो़ ज्‍योर्च्‍ये येह।” सुङदी येशूगी सुङ ख्‍येप्‍टा नाङसीन।

ल़ेह-पेन 20:35

ङाहगी थाम्‍ज्‍यी तामला राहङ फे़बेया़ला पे तेन सिहन्‍दी येह, राहङ फे़बेया़गीॱआङ दि ल़ेहमुराङ तुहक्‍पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्‍योकी दि स्‍याहल टेहम्‍बा साल्‍दी तेहतोङ, ‘लेहन्‍गे म़ेदी तेर्के सोनाम-साक्‍पु’!” म़ेदी पावलगी एफिससकी छो़बाया़गी गोबाया़ला मासीन।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।