लूका 6:24 - ह्योल्‍मो

²⁴ “ए छ्युक्‍पुया़, ख्‍या काहन्‍डुमु छा़ तुहवा। च्‍यिबेमाना ख्‍यागी क्‍यिपु पेहती तेहकेन्‍गी मिहलीदी चो़ह सिहन्‍सीन।

लूका 6:24 ပူးပေါင်းရင်းမြစ်များ

मत्ती 6:16

“ख्‍याया़ ङ्युङने तेहकेमु यिहन्‍दो तेन्‍गेन मिहया़गी ल़ेहमु छेन्‍दा नोङदी माहतेह। च्‍यिबेमाना मिहया़ला ङ्युङने तेहती येह म़ेदी तेन्‍ज्‍येला खुङ राहङगी छेन्‍दा नोङदी तेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

मत्ती 6:2

“ओ़ह सोङबे ख्‍याया़गी मिहया़ला च्‍यिॱआङ तेर्केमु रोहवा-लीङ माहफु, दि ल़ेहमुनी यिहन्‍दो तेन्‍गे मिहया़गी गा छो़खाङ दाङ लाहमया़ला मिहया़गी या़हबु माज्‍यु म़ेदी पेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

मत्ती 6:5

“ख्‍याया़ सोल्‍वाङ ताप्‍केमु यिहन्‍दो तेन्‍गे मिहया़गी ल़ेहमु पेहती सोल्‍वाङ माहताप। खुङया़नी लेहमेन मिहया़गी थोङज्‍यु म़ेदी छो़खाङ दाङ लाहमगी सहर-सुहरया़ला लाहङदी सोल्‍वाङ ताप्‍च्‍ये सेम पेहकें। तेहम्‍बाराङ, ङाह ख्‍याया़ला माएँ, खुङया़गी ज्‍योर कोहएँगी राहङगी च्‍याहगा ज्‍योर सिहन्‍दी येह।

लूका 6:25

ए ताहन्‍दा टेहपा काहङग्‍योया़, ख्‍या काहन्‍डुमु छा़ तुहवा! तिङले ख्‍या टेहपा तो़बाराङ लिहच्‍ये येह। ए ताहन्‍दा क़ेहमु क्‍याहप्‍केया़, ख्‍या काहन्‍डुमु छा़ तुहवा! च्‍यिबेमाना ख्‍याया़ तुहङाल पेहच्‍ये येह ओहले ङुहज्‍ये येह”

१ तिमोथी 6:17

दि जाम्‍बुलीङकी छ्युक्‍पु मिहया़ला छ्य़ेन्‍दो माहतेन म़ेदी म़ेदोङ, ओहले ले खाल मी़हखुएँकी क्‍युह-नोहर थो़ला मिहम्‍बा यिहॱनाङ ओहराङला थाम्‍ज्‍यी से़हया़ माहङबु म़ेदी माहङबु जेती नाङगेन किन्‍ज्‍यो थो़ला रेहवा पेहतोङ म़ेदी खुङया़ला का तेर।

याकूब 2:6

यिहॱनाङ ख्‍याया़गीनी प्राङबुया़ला स्‍ये़हन्‍डील पेहसीन। च्‍यि छ्युक्‍पुया़गी ख्‍याला ङ्येन्‍ज्‍येन मेहबेकें ले? च्‍यि ख्‍याला ठिम-खाङला ख्‍येर्केन्‍दीॱआङ खुङया़ॱराङ मिहन ले?