लूका 6:22 - ह्योल्‍मो

²² “ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

लूका 6:22 ပူးပေါင်းရင်းမြစ်များ

मत्ती 10:18

ङाहगी तेहन्‍दागी पेहती ख्‍याया़ला पोम्‍बो छ्यिम्‍बु दाङ क्‍याहल्‍बुया़गी दिनला लाहङ च्‍य़ूज्‍ये येह। ओहजेला ख्‍याया़गी खुङया़ला ओहले लेहमेन क्‍यिहपागी मिहया़ला ङाहगी तेहन्‍दाला पाङबु तेर कोहच्‍ये येह।

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

मत्ती 10:39

राहङगी मिहली सी़ज्‍ये छोल्‍गेन्‍दीगी मिहलीॱराङ तोर च्‍य़ूज्‍ये येह, ओहले राहङगी मिहली ङाहगी तेहन्‍दाला तोर च्‍य़ूगेन्‍दीगी मिहली साम्‍बा ज्‍योर्च्‍ये येह।”

लूका 20:15

ओहले खुङया़गी खोला कुहन्‍डुम स्‍यिहङ नाहङले फिला ख्‍येर्ती सेसीन।” “‘ता़ह कुहन्‍डुम स्‍यिहङ ताहक्‍पुगी खुङया़ला च्‍यि पेहटो’?” म़ेदी येशूगी टी़ह नाङसीन।

लूका 21:17

ङाहगी मिहनगी पेहती थाम्‍ज्‍यीगीराङ ख्‍याला ङेन्‍ज्‍येन पेहच्‍ये येह।

लूका 6:21

ए नाहरे तो़क्‍योया़! ख्‍या काहजे सोनाम-साक्‍पु, च्‍यिबेमाना ख्‍याया़ टेहपा काहङज्‍ये येह। ए नाहरे ङुहएँया़! ख्‍या काहजे सोनाम-साक्‍पु, च्‍यिबेमाना ख्‍याया़ क़ेहमु क्‍याहप्‍च्‍ये येह।”

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

ल़ेह-पेन 22:22

ओहजे माएँ थुनी मिह मिह-माहङया़गी पावलगी ताम ङ्यिहन्‍दी तेहक्‍यो येहकें। ओ़ह तिङलेनी खुङ थाम्‍ज्‍यीगी क़े तेन्‍दी मासीन, “खोला सेॱराङ कोहएँ! खोला सेॱराङ कोहएँ! ता़ह खोला सोम्‍बो ताङज्‍ये मेहयोहङगे!”

ल़ेह-पेन 24:5

ङ्यिहगी ङोह स्‍येक्‍योगी दि मिह ज्‍यी़ज्‍ये ल़ेहमु ल़ेह चोक्‍पाया़ पेहती डोएँगी मिह यिहम्‍बा। ओहले दि मिह नासरी माएँ छो़बागी गोबा पेहती जाम्‍बुलीङगी थाम्‍ज्‍यीराङ यहूदीया़की पाहरक्‍यीला ठ़ूस्‍यी सिहङदा पेह च्‍य़ूदी डोॱराङ पेहक्‍यो ङ्यिहगी थोङदी येह।

ल़ेह-पेन 9:16

ओहले ङाहगी मिहनगी तेहन्‍दाला खोगी काहजे तुहक्‍पु ना़ कोहच्‍ये येह, ओ़ह ङाहगी खोला तेन्‍ज्‍ये येह” म़ेदी चो़वो छ्येवागी सुङ नाङसीन।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

१ पत्रुस 3:14

यिहॱनाङ ल़ेह या़हबु पेहके पेहकेंमुॱआङ तुहक्‍पु खुर कोहसीनमाना ख्‍याया़ काहजे सोनाम-साक्‍पु। खुङया़गी ज्‍यी़-ङोर तेन्‍सीन म़ेदी ख्‍या मा़हन्‍ज्‍यी, ओहले का माहक्‍याहल।