लूका 6:19 - ह्योल्‍मो

¹⁹ मिह थाम्‍ज्‍यीगी येशूला दे़ज्‍ये छोल्‍सीन च्‍यिबेमाना येशू लाहमले थेन्‍ग्‍यो ओङगी मिह थाम्‍ज्‍यीराङ टा़हसीन।

लूका 6:19 ပူးပေါင်းရင်းမြစ်များ

मत्ती 14:36

ओहले येशूला दि ल़ेहमु म़ेदी स्‍युहसीन, “ओ़ह नेहपाया़ला राहङगी नाहम्‍सागी सुहर च्‍यी़ला येहॱनाङ दे़ च्‍य़ू नाङदोङ।” येशूगी नाहम्‍सा दे़गेया़ थाम्‍ज्‍यीराङ टा़हसीन।

मर्कूस 3:10

येशूगी मिह थाम्‍ज्‍यीलाराङ टा़ह च्‍य़ू नाङग्‍यो येहकें। ओ़ह सोङबे नेहपाया़गी येशूला दे़ज्‍ये म़ेदी फूल-फूल चे़दी ओहङसीन।

मर्कूस 5:30

ओहजेला येशूगी राहङलेगी ओङ थेन्‍दी काहल्‍ग्‍यो छोर नाङसीन ओहले येशूगी ल्‍होक लो़हदी मिह मिह-माहङला, “सुगी ङाहगी काप्‍च्‍या दे़बा?” म़ेदी टी़ह नाङसीन।

मर्कूस 6:56

युहल, क्‍याहसा, दाङ का़ह-का़हला येशू फेप नाङगेन, मिहया़गी नेहपाया़ला छोङ-ठोमला खुर्ती ख्‍योङगो येहकें। खुङया़गी “ओ़ह नेहपाया़ला राहङगी नाहम्‍सा च्‍यि यिहॱनाङ दे़ च्‍य़ू नाङदोङ,” म़ेदी येशूला स्‍युहउ येहकें ओहले येशूगी नाहम्‍सा दे़गेया़ थाम्‍ज्‍यीराङ टा़हउ येहकें।

मर्कूस 8:22

खुङ फ़ेबेॱया बेथसेदा युहलला लेप नाङगेमु मिहया़गी मी़ मेहथोङगेन मिह च्‍यी़ ख्‍योङदी, “खोला राहङगी छ्या़गी दे़ नाङदोङ लाह” म़ेदी येशूला स्‍युहसीन।

लूका 5:17

ङ्यिहमा च्‍यी़ येशूगी मिहया़ला सुङदेन नाङगेराङ येहकें। ओहजेला फरिसीया़ दाङ छ्य़े-ठिमकी लोबेनया़ येशूगी पोहला तेहती येहकें। ओहले खुङया़ गालील दाङ यहूदीयागी युहलया़ले, ओहले यरूशलेम क्‍याहसालेगीॱआङ ओहङदी येहकें। ओहले येशू ङ्याम्‍बु नेहपाया़ला टा़ह च्‍य़ूगेन चो़वो छ्येवागी ओङ येहकें।

लूका 6:18

ओ़ह मिहया़, येशूगी सुङदेन ङ्यिहन्‍ज्‍येला, ओहले नाहजाया़ टा़ह च्‍य़ूज्‍ये म़ेदी ओहङदी येहकें। ओहजेला मेहचाङा नाम्‍स्‍यीया़ स्‍य़ूहदी तुहक्‍पु ङ्युहङग्‍योगी मिहया़ॱआङ टा़हसीन।

ल़ेह-पेन 19:12

देजे थुगी ल़ेहॱआङ पेहसीन मिहया़गी पावलगी ज़ुबुला रुमाल दाङ योल्‍क्‍याहप दे़दी नेहपाया़साला ख्‍येर्को येहकें। दि ल़ेहमु पेहती नेहपाया़ टा़हउ येहकें ओहले ङ्येहम्‍बा नाम्‍स्‍यीया़ थेन्‍दी डोउ येहकें।

१ पत्रुस 2:9

यिहॱनाङ ख्‍याया़नी दाम्‍ग्‍योगी मिहया़, क्‍याहल्‍बुला स्‍याहप्‍तो स्‍युहएँगी पूजाहारी, नाम्‍पार-ताहक्‍पा क्‍यिहपाया़, किन्‍ज्‍योगी राहङदीराङ मिहया़ यिहम्‍बा। मिहरोगी ख्‍याया़ला ना़-जुबेलेगी याहम्‍जेन छ्येवा जेती क्‍या-साङेला नोम फेन नाङसीन च्‍यिबेमाना ख्‍याया़गी किन्‍ज्‍योकी याहम्‍जेन छ्येवागी छ्या़लेया़ मिहया़ला स्‍युक छ्यिम्‍बु पेहती स्‍ये ख़ूज्‍यु म़ेदी यिहम्‍बा।